ÀPÒKÀLIƁSƐ̀ 11:13 - Bafia Nouveau Testament

¹³ Ɓi cààmɛ̀n kɔm̀ kiǹ, zi i nyɛ̀ŋɗɛ̀ngà rì ìtèɗ; kìlànà ki bàn kìfog ki ɓi ɓìlànà ɓi kintɛ̀ɗ ɓi ɓi bàn ìnɛn ki waàrɛ̀n, ɓum ɓɛ̀tɔɔsìm taàɓɛ̀ɛ̀ ɓɛ cuu, ɓi rìnyɛ̀ŋɗɛ̀n ɗi zi i nyɛ̀ŋɗɛ̀ngà ɗiǹ, ɓɛ̀ro ɓɛmbog ɓɛ risì, ɓɛ fa Bɛ̀ll ànɛ aɗyoo rìkem.

ÀPÒKÀLIƁSƐ̀ 11:13 Iomraidhean Croise

ZYAŊ 9:24

Fɔɔnnɛ Ɓɛ̀fàrìzyɛŋ ɓɛ reŋìghày tì ŋwaànɛ à ka ɓaghà ànɛ̀n rì tìɗyaŋ, ɓɛ kpaa nyi lɛ: Kali saaɗ ɓi mis mɛ Bɛ̀ll ɓìsii yii lɛ ŋwaànɛ̀n à rì ǹkìì-kìɓe.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

ÀPÒKÀLIƁSƐ̀ 11:11

Ajɛ̀m ì mɛ̀ru mɛ kiraa rì kìden mɛ̀n, ǹghay àdɛŋ ànɛ à rì nghay à cɛɓ à pɛ̀sɛ̀ngày yɛ̀ɛ Bɛ̀ll, à ɗiŋì ɓi ɓɔ, ɓɛ ki pɛ̀sɛn aɗyoo, ɓɛ rɛlì mɛ̀rɛy, fɔɔnnɛ coo iris wu ɓangà ɓumɓɛ ɓɛ seesèèghà ɓɔ.

ÀPÒKÀLIƁSƐ̀ 11:19

Nni naà-Bɛ̀ll ìnɛ ì rì ɓi ɗyoo ɓi ɗùm ì ŋwàrɛ̀ngà, fìkɔrɔŋ fii fi riràrɛ̀n fi seèsèèrɛ̀n yì ɓi naa yìì ɓi ɗùm. Fɔɔnnɛ ŋwàaŋwàɗ à tumɛ̀ngà rìŋwàŋwàɗ, ɓyoo gom ɓi jɛ̀ɛ̀ ɓi ghaghààgh, baàbàn ì ɓoɓòg, zi i nyɛ̀ɛ̀nyɛ̀ŋɗɛ̀n, bol ì gɔ̀g ì sùùsùùrɛ̀n.

ÀPÒKÀLIƁSƐ̀ 14:7

À lààlàmɓɛ̀ngà jɛ̀ɛ̀ aɗyoo lɛ: Risiina Bɛ̀ll, ɓì fa nyi rìkem ɓisuu cààmɛ̀n ki ɓɛyɔ̀m ɓii ki ki kpaŋi; ɓaaghna mɛ̀ɗu ɓi zi ɓi mis mɛ roànɛ à kìghà lɛ rì ɗyoo rì zi, ɗì rìɓày à kìkòn rì ɓɛ̀ǹsim ɓɛ mɛnig ɓɛ̀cèm.

ÀPÒKÀLIƁSƐ̀ 15:4

Kan ghɛn yɛɛ ri lɛ à rɔ̀ɓ lɛ à risii ɓi ɗii ɗyɔɔ, kɛ̀ɛ ki kemzi ɗyɔ? Ɓisuulɛ, lɔŋ wɔ̀ cɛ̀ncɔɔ yɛɛ ri ǹtɛnɛn. Ɓìlɔ̀ŋ ɓìcèm ɓi ri ɓiì yùu, ɓi ɓag wɔ̀ mɛ̀ɗu asu, lɛ saaɗ wɔ̀ɔ̀ a mɛ rèsɛ̀n.

ÀPÒKÀLIƁSƐ̀ 19:7

Ti nyààrɛɛna, tì sàmsàm, tì fafà nyi rìkem ɓisuulɛ tìcàɓ ti ɓi rìwɛy ɗi Man à jɔ̀ɔ̀ ti kpaŋi, gil a mɛ ki pègsɛ̀n.

ÀPÒKÀLIƁSƐ̀ 3:4

Kìɓan kifog, ù rì rì ɓum ɓɛdɛŋ a Saridɛ ɓɛ ɓɛ nsiŋɗɛɛ ɓi tifin ɓi ɓìlàà ɓyaa; ɓumɓɛ̀n ɓɛ ri ɓiì kɛ̀ɛ̀kɛɛ nɗaŋ ɗi mɛ̀, ɓisuulɛ ɓɛ ri ɓumɓɛ ɓɛ ghɛɛ̀sɛɛ rì rìɓa ɗyɛ̀m.

ÀPÒKÀLIƁSƐ̀ 6:12

Nni ǹghɛngà yɛ̀ɛ Man à jɔ̀ɔ̀ à ŋwàɗkà sìtam̀ à kìtaàfog, fɔɔnnɛ zi i nyɛ̀ŋɗɛ̀ngà lɛɛ̀gwey, ŋwos a lɔ̀ɔ̀ghrɛ̀n ǹfin yɛ̀ɛ kìlàà ki lɛ mɛ̀rin, ŋwii à sug bimiɗ lɛ zyɔŋŋ yɛ̀ɛ bwaɓ.

ÀPÒKÀLIƁSƐ̀ 8:5

Nni ŋwaà-fìtom a tekà maa cɔɔgh anɛ ɓɛɛ̀ tɔ̀ngi firu miì ànɛ̀n, à roòzì nyi rì ɗuu ɗi ɗi ɓaghà ɓi com ki ɓɛɛ̀ tɔ̀ngi ɓyom miì lɛ ɓɛɛ ɓɔgsi Bɛ̀ll, à pìg nyi ɓi zi; fɔɔnnɛ baàbàn ì tumɛ̀ngà rìɓoɓòg, ɓyoo gom ɓi ghaghààgh, ŋwàaŋwàɗ à kìkì, zi i nyɛ̀ɛ̀nyɛ̀ŋɗɛ̀n.