ÀPÒKÀLIƁSƐ̀ 10:1 - Bafia Nouveau Testament

¹ Nni ǹghɛngà kìtèetèɗ ki ŋwaà-fìtom kidɛŋ di kɛɛ̀ sɛnsɛn yi aɗyoo, kì waatɛn kikwìɗ, ǹsyèɗ wu ɓaghà nyi wu gheniyɛn ɓi nto, ìsu wu lonlòm yɛ̀ɛ ŋwos, mɛ̀kòò mii mɛ ɓa yɛ̀ɛ mɛ̀kwìy mɛ ɗùù.

ÀPÒKÀLIƁSƐ̀ 10:1 Iomraidhean Croise

MATYOO 17:2

À lɔ̀ɔ̀ghrɛ̀ngà ɓɔ ɓi mis dɛŋ, ìsu wii wu lonlòm yɛ̀ɛ ŋwos, ɓìlàà ɓii ɓi pupùɓ lɛ syàŋ-syàŋ yɛ̀ɛ kìtɛɛtɛn.

LUKAS 21:27

Fɔɔnnɛ ɓɛ ri min ɓiì ghɛɛ̀ Man à mum di à rìì ɓi kìkwìɗ, lɛ rì coo-tèɗ, rì coo rigwey.

MƐ̀KÌKÌÌ MƐ ƁƐKƐ̀NÌ-FÌTOM 26:13

Yɛ̀ɛ ǹkɛ̀nkɛ̀ngà di toroɓ à tiì rìfòm, fɔɔnnɛ ǹghɛngà di coo kitɛɛtɛn ki kii yì aɗyoo lɛ ŋwààɗ, ki yuis̀, ki ceŋzɛ̀n lɛ rì mɛ̀, rì ɓumɓɛ tì ɓaghà rì ɓɔ.

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.

ÀPÒKÀLIƁSƐ̀ 18:1

Ajɛ̀m ìnɛn nnɛ ǹghɛngà di ŋwaà-fìtom adɛŋ a sɛnsɛn yi aɗyoo, nyi rì coo itèɗ wu rilàmì, kìtɛɛtɛn ki ɓi rìkem ɗii ki kpeŋzì zi bimiɗ.

ÀPÒKÀLIƁSƐ̀ 18:21

Fɔlɔɔ nnɛ kìtèetèɗ ki ŋwaà-fìtom ki pɛsìghà gɔ̀g ìnɛ ì ɓaghà yɛ̀ɛ coo rikem ɗi kipɛn, à pìg yɔ̀ ɓi rìɓày à kìkòn di a kpaakpaa lɛ: Fɛlɛ nnɛ ɓɛ ri ɓiì pìigh coo bàn ì Baɓilon fɛlɛ azi ri ìtèɗ, ɓum ɓaa ghɛɛ̀dii gɛ tì ɓi yɔ̀.

ÀPÒKÀLIƁSƐ̀ 20:1

Fɔɔnnɛ ǹghɛngà di ŋwaà-fìtom adɛŋ a sɛnsɛn yi aɗyoo, à ɓanɓàn lɛ rì fìɗìɓà fi riɓee ɗi rimɛn, rì coo nsɛ̀ŋi ɓi càg.

ÀPÒKÀLIƁSƐ̀ 4:3

Ŋwaànɛ à kɔ̀kɔ̀rìghà ànɛn ɓi-kɔ̀ɔ̀ wu rilàmì à ɓaghà ɓi mis yɛ̀ɛ gɔ̀g yi lònlomɛn yi lɛ rì Zyaspɛ̀ rì Sàrìdwanà; fɔɔnnɛ ǹsyèɗ wu wu lonlòmgà ɓi mis yɛ̀ɛ gɔ̀g ìnɛ ɓɛɛ̀ regi lɛ èmèroòdɛ̀ wu ceŋzɛ̀ngà ìkɔ̀ɔ̀ wu rilàmì wuncèm.

ÀPÒKÀLIƁSƐ̀ 5:2

Nni ǹghɛngà kìtèetèɗ ki ŋwaà-fìtom di kɛɛ̀ làalamɓɛ̀n jɛ̀ɛ̀ aɗyoo lɛ: Ghɛn yɛɛ ghɛɛ̀sɛɛ lɛ à ŋwàɗ kaàtà, à ɓɛkì ɓɛ̀sìtam̀ ɓɛ miì?

ÀPÒKÀLIƁSƐ̀ 8:13

Nni ǹseesèèghà tì, ǹwog di bèè i fììlì yɛɛ̀ lɛŋlɛŋ ɓi ɗyoo ɓi ɗùm, ì kpaakpàà jɛ̀ɛ̀ aɗyoo lɛ: Nyìighnyìg! Nyìighnyìg! Nyìighnyìg rì ɓumɓɛ ɓi ziinɛ ɓisuu gom ì mam mɛ ɓum ɓɛ titom ɓɛ kiraa ɓɛ siitòn ɓɛ ri ɓiì rɔŋì.