ÀPÒKÀLIƁSƐ̀ 1:9 - Bafia Nouveau Testament

⁹ Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 1:9 Iomraidhean Croise

MATYOO 20:23

Nni Yeesus à ɓàkà ɓɔ lɛ: Ki ri lɔŋ saaɗ lɛ ɓì rì ɓiì nɔɔ̀ ɓeŋ wɛ̀m, kìɓan kifog àa mɛ̀ yɛɛ ghɛɛ̀sɛɛ kì kalii ghɛn yɛɛ rì mɛ̀ ɓiì kɔ̀rii ɓi weèlem nsoò lɛ ɓi kìmɛŋ; mɛ̀kɔ̀ɔ̀ mɛǹ mɛ ri mɛ̀kɔ̀ɔ̀ mɛ ɓumɓɛ Tààta à pègsɛ̀ngà mɔ ɓisu wàà.

MARIKUS 10:39

Ɓɛ ɓaàg nyi lɛ: Tì rì lɛ tì cenɛ̀n. Yeesus à kpaa ɓɔ lɛ: Ki ri lɔŋ saaɗ lɛ ɓì rì ɓiì nɔɔ̀ ɓeŋ ànɛ mɛ̀ m̀ɓiì nɔɔ̀, ɓɛ ki ɓàɓti mini rìkuu ɗi bàɓtis ɗi ɓɛ ri mɛ̀ ɓiì ɓàɓtii;

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

RÒMƐŊ 8:25

Wɔ̀lɛ i ti ɗyàaɗyaɓɛ̀n com ki tì ghɛɛ ɓi, tì rì kɔ ɓiì ɓoŋɓoŋi ri kìsììrì.

2 KƆ̀RƐ̀ŊTYƐŊ 1:7

Fɔɔnnɛ dyàɓɛn inɛ tì rì rì yɔ̀ ɓi ɓɛg ànɛ a lɔ̀ŋkin, ì rì ǹtèèsɛn ɓisuulɛ, tì yii lɛ, yɛ̀ɛ ɓì ti ɓì tekì gàɓ ɓi mɛ̀tɔɓ mis, ɓì rì girig rì gàɓ ɓi rìfɔɔsì ɗi mɛrem mis.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

FÌLÌPYƐŊ 4:14

Nsoò fɔlɔɔ ɓìi nkonaagh kìkìi yɛ̀ɛ ɓìi nteri gàɓ ɓi ntɔɓ wɛ̀m.

2 TÈSÀLÒNÌSYƐŊ 3:5

Kan a ki lɛ mɛ̀rem min mɛɛ tiŋi ɓi nkɔ̀nɛ̀n à Bɛ̀ll, rì rìnìɗ ɗi nɗem ɗi Kiris a falàg.

2 TIMOTE 1:8

Fɔɔnnɛ kɔ̀ɔ wog ntoòrìɗ lɛ u tɛɛ̀zi kìɓan ki Kan wìs, nsoò lɛ ki màànɛ ǹɗì kìmbùŋ ɓisu wii. Kìɓan kifog ɓi-tèɗ wu Bɛ̀ll, wogha rìkɛŋ ɓisuu Syeesyee à Ɓɔlɛ ǹɗaŋ ri mɛ̀,

EBIREEGH 10:36

Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

1 PYƐƐRI 5:1

Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

ÀPÒKÀLIƁSƐ̀ 1:1

Àpòkàliɓsɛ̀ à Yeesus Kiris, ànɛ Bɛ̀ll à faghà nyi lɛ a resi ɓɛ̀kìì-ɓìsay ɓii ɓiɓan ɓi ɓi ghɛɛ̀sɛɛ kì kìlɛɛ di maa cààmɛ̀n à ghaghii, ɓyɛɛ̀ɓi à kìghà lɛ ɓum ɓɛɛ yi, yɛ̀ɛ à romgày mum wiì à fìtom yɛ̀ɛ nkìì-kìsay wiì ànɛ lɛ Zyaŋ,

ÀPÒKÀLIƁSƐ̀ 1:2

Zyaŋ ànɛ̀n yɛɛ kalìghà ɓìɓan ɓìcèm ɓi à ghɛngà, fɔɔnnɛ à ghagsìghà jɛ̀ɛ̀ ì Bɛ̀ll rì ɓìɓan ɓi saaɗ ɓi Yeesus Kiris à rèsìghà nyi.

ÀPÒKÀLIƁSƐ̀ 1:4

Zyaŋ yɛɛ kani Ɓìseŋi ɓi Kiris ɓi kitaàɓɛ̀ɛ̀ ɓi ɓi ri a Azii. Ɓaana lɛ, rì geesɛ̀n, rì fyòoog lɛ rìfa ɗi roànɛ à rì, ànɛ à ɓaghà, ànɛ a ki yùyuiy, rì mɛ̀ghay mɛ kitaàɓɛ̀ɛ̀ mɛ mɛ rɛrɛlii ìkɔ̀ɔ̀ wii wu rilàmì asu,

ÀPÒKÀLIƁSƐ̀ 1:6

nyi yɛɛ ki kìghà lɛ ti ɓa kìlɔ̀ŋ ki ɓumɓɛ ɓɛɛ̀ ɓɔɔɓɔgsì Bɛ̀ll à Seŋi wìì, Yeesus ànɛ̀n yɛɛ ghɛɛ̀sɛɛ lɛ rì rìkem ɗì rìlàmì fìɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 11:7

Yɛ̀ɛ ɓɛ ɓaa gɛ di ɓaa lègsi ki rèsii ɓiɓan ɓi ɓɛ yùu gɛ kì rèsii, fɔɔnnɛ nyàm ìnɛ ì kpaŋiì gɛ ɓi rìɓee ɗi rim ì faa gɛ ɓɔ rìbaŋì, ì cee ɓɔ ɓi-tèɗ, ì ki cuusi ɓɔ.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 12:17

Fɔɔnnɛ kìnààgɔ̀n ki wokà bim ri giɓ anɛ̀n ki ki kɛ̀n ki kpaŋì dòò yii wɛ̀y, rì ɓum ɓɛ̀cèm ɓɛ ɓɛ ti ɓɛ ɓegì ɓìdɔ̀gsɛna ɓi Bɛ̀ll rì saaɗ ànɛ Yeesus à rèsìghà.

ÀPÒKÀLIƁSƐ̀ 13:10

I mum à yalɛ̀ngà lɛ à kɛ̀ɛ gɛ rìkpàn, à rì ɓiì kɛ̀ɛ, i ŋwaà woli mum rì gafàg, ɓɛ woli gɛ nyi rì gàfàg. Cààmɛ̀n ki ɓɛ̀gherɛ̀n ɓɛ ghɛɛ̀sɛɛ kì sììrɛɛ, ɓɛ ki ɓa ri ǹtyweeyi kɛɛ̀ki.

ÀPÒKÀLIƁSƐ̀ 14:12

Cààmɛ̀n ki ɓɛ̀gherɛ̀n ɓɛ ɓɛɛ̀ ɓèŋɓeŋ ɓidɔ̀gsɛna ɓi Bɛ̀ll rì ǹtyweeyi wu yɛ̀ɛ Yeesus, ɓɛɛ siìrɛn kɛɛ ri lɛ̀.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 3:10

Lɛ ù ɓègà jɛ̀ɛ̀ yɛ̀m ɗì kìsììrì, fɔɔnnɛ mɛ̀ girig ǹɗì wɔ̀ ɓiì ɓèŋi ɓi cààmɛ̀n à mɛ̀fèèghrɛn mɛ mɛ ghɛɛ̀sɛɛ kì yùu ɓi ziinɛ bimiɗ lɛ mɛɛ feèghrɛn ɓum ɓɛ̀cèm ɓɛ ɓi ziinɛ.

ÀPÒKÀLIƁSƐ̀ 6:9

Yɛ̀ɛ Man à jɔ̀ɔ̀ à ŋwàɗkà sìtam̀ à kìtaǹ, nni ǹghɛngà mɛ̀ghay mɛ ɓumɓɛ ɓɛ cuusìghà ɓisuu jɛ̀ɛ̀ ì Bɛ̀ll, rì ɓisuu riɓa ɗyaa ɗi ɓɛ resìghà lɛ ɓɛ ri ɓɛ̀wusìnɛ̀ɗ ɓɛ Kiris. Mɛ̀ghay mɛ̀n mɛ ɓaghà ɓi jàŋ inɛ ɓɛ ntɔ̀ngì ɓìtuwe ɓi riɓɔgsì ɗi Bɛ̀ll fɛlɛ yì azi.

ÀPÒKÀLIƁSƐ̀ 7:14

Nni m̀ɓàkà nyi lɛ: Kan wɛ̀m wɔ̀ yɛɛ yii! Fɔɔnnɛ à kpaaghà mɛ̀ lɛ: Ɓɛ ri ɓumɓɛ ɓɛ pɛsɛɛ yì ɓi jàŋ yi ǹ-yeesɛ̀n à ɓɛ̀gherɛ̀n à rì lɛɛ̀gwey. Ɓɛ sooghà ɓɛ̀ kàɓà ɓaa ɓɛ ki puɓsi ɓɔ ɓi bwaɓ yi Man à jɔ̀ɔ̀.