ÀPÒKÀLIƁSƐ̀ 1:5 - Bafia Nouveau Testament

⁵ rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 1:5 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

ZYAŊ 13:1

Di tìcàɓ ti Paskà ti kakay, Yeesus à yighà lɛ cààmɛ̀n kii ki lɛ a pɛsɛn ɓi ziinɛ a kɛǹ yɛ̀ɛ Seŋi ki kpaŋi. À keesìghà ɓum ɓii ɓɛ ɓɛ ɓaghà fɛ ɓi ziinɛ; nni à keesìghà ɓɔ, à kpaŋ a sugtag.

ZYAŊ 13:34

Ǹfaa mìni kìdɔ̀gsɛna ki nyɔn lɛ: Kɔ̀nɛɛna. Fɛlɛ yɛ̀ɛ mɛ̀ ǹkeesìghà mìni, mìni girig, kɔ̀nɛɛnà.

ZYAŊ 15:9

Fɛlɛ yɛ̀ɛ Tààta a keesag mɛ, nnɛ mɛ̀ girig mɛ̀ ǹkeesii mìni. Kɔ̀riina ɓi nkɔ̀nɛ̀n wɛ̀m.

ZYAŊ 18:37

Pilat à tɔg nyi lɛ: Yɛɛ lɔɔ lɛ ù rì rìfòm wa? Yeesus à ɓàg lɛ: Ù kpaa miì, ǹɗì rìfòm. Mɛ̀ ǹ-yalɛ̀ngà, ǹki yù ɓi ziinɛ lɛ ntɛɛ̀zag ɓum ɓìɓan ɓi saaɗ, fɔɔnnɛ mum ǹcèm ànɛ à rì ŋwaà saaɗ, à ti à wokì jɛ̀ɛ̀ yɛ̀m.

ZYAŊ 3:11

Ǹkpaa wɔ̀ kɔɔ̀kɔɔ̀ à rìkpaa lɛ, ɓìsiì kpaakpaa ɓiɓan ɓi tì yii, tì ki tɛɛtɛɛ̀zì ɓum ɓìɓan ɓi tì ghɛngà, kìɓan kifog kɛ̀ ɓi kɔ̀n lɛ di ɓyàa teri rìrèsì ɗis.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 3:32

ɓìɓan ɓi à ghɛngà rì ɓi à wokà ɓyɛɛ̀ɓi a rèrèsì; nni mum à ki teri ɓi rirèsì ɗii ɗiǹ.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 26:23

ɓyɛɛ ri lɛ: Kiris à ghɛ̀ɛ̀sɛ̀ngà kìwiì, à ki ɓa ŋwaà ǹtonto ànɛ a ghemɓɛn yì a ɓìloŋ, à lòm kìtɛɛtɛn ɓi kìlɔ̀ŋ kis rì ɓi ɓìlɔ̀ŋ ɓimbog lɛ ɓyɛɛ yi lɛ ɓi ri ɓiì ɓaà rì cɛɓ.

RÒMƐŊ 3:25

Yeesus ànɛ̀n nnɛ Bɛ̀ll à fèkà lɛ a ɓa roànɛ à rì ɓiì sòo ɓiɓe ɓi ɓum rì bwaɓ yii ɓi bee ì rìgherɛ̀n; à kìghà fɔlɔɔ lɛ a resi saaɗ wìì ɓisuulɛ, à càɗkà ɓum kɛ̀ɛ fa ɓɔ deɓ ɓi ɓìɓe ɓi ɓɛ kikìghà abɛ̀y, cààmɛ̀n ki à ɓaghà di à ka kɔn ɓi lɛ bim yiì yɛ̀ɛ resɛ̀n.

RÒMƐŊ 8:37

Wɔ̀lɛ, tì ti tì yakì ɓìɓan ɓiǹ ɓìcèm kɛ̀ɛ̀ vèg, rì ǹghɛɓsɛn wu roànɛ à keesìghà ɓìsi.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

EFÈZYƐŊ 2:4

Wɔ̀lɛ Bɛ̀ll à rì rì nyìighnyìg yɛ̀ɛ mɛ̀nɔ̀ɓɔ̀ fɔɔnnɛ ɓi coo nkɔ̀nɛ̀n ànɛ à keesìghà ɓìsi rì nyi,

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

KÒLÒSYƐŊ 1:18

Nnyɛɛ ri nto wu ɓi nyoo ìnɛ ì rì lɛ kìseŋi kii; nnyɛɛ ri rìtumɛ̀n, à ki ɓa ti man à ǹtonto ànɛ à lokà kìghèmɓɛɛ a ɓìloŋ lɛ di a ɓa beèbɛ̀y ɓi ɓìɓan ɓìcèm.

TIMOTE 6:13

Ǹtɔɔgh wɔ̀ ɓi mis mɛ Bɛ̀ll ànɛ à ti à falàg ɓyom ɓìcèm cɛɓ, rì ɓi mis mɛ Yeesus Kiris, ànɛ à konàkà kì rèsii righerɛ̀n ɗii ɓi mis mɛ Pilat lɛ,

TIMOTE 6:15

kìɓan kiǹ ki ri ɓa ɓi cààmɛ̀n ànɛ ɓɛ fekà lɛ kɛɛ ɓa, ɓi rìkì ɗi roànɛ à rì ǹtin wu ɓɛmààgh, à ki ɓa mbobog à ǹlàmì, nyi yɛɛ ri rìfòm ɗi ɗi lamii mɛ̀fòm mɛcèm, nyi Kan ànɛ a ɓɛ̀kan,

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

1 PYƐƐRI 1:19

lɔŋ rì bwaɓ yi Kiris yi yi ri gìn i com innɛ ɓɛ kweɗkà mìni. Kiris yɛɛ ri fɛlɛ yɛ̀ɛ man à jɔ̀ɔ̀ ànɛ à rì kɛ̀ɛ̀ fìsɛm, kɛ̀ɛ̀ kìpɛ̀mì;

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

1 ZYAŊ 4:10

Ǹkɔ̀nɛ̀n ànɛn à yin lɛ ɓìsi yɛɛ keesìghà Bɛ̀ll, kìɓan kifog nnyɛɛ keesìghà ɓìsi, à rom yì Man wiì fɛlɛ yɛ̀ɛ kìtuwe ki kɛɛ ghɛɓsi ɓi zòghɛ̀n ì ɓìɓe ɓis.

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 11:3

Fɔɔnnɛ ǹfaa gɛ ɓɛ̀wusìnɛ̀ɗ ɓɛm ɓɛ kiɓɛ̀ɛ̀ ìtèɗ wulɛ ɓɛɛ kpaŋzi ɓìɓan ɓi Bɛ̀ll mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 17:14

Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

ÀPÒKÀLIƁSƐ̀ 19:11

Fɔɔnnɛ ǹghɛngà ɗyoo ɗìnɛmɓɛn ǹghɛn zòm i kìmɓɛ̀rɛ̀ ì mpuɓ, ŋwaànɛ à ɓaghà ɓi zòm inɛ̀n aɗyoo, à ɓaghà ɗii lɛ, Ŋwaà-ǹtyweeyi, rì wusìnɛ̀ɗ à kɔɔ̀kɔɔ̀, a yɔ̀myɔm ɓiɓan, à ki ɗùùɗuu wɛ̀y ɓi ɓɛ̀saaɗ.

ÀPÒKÀLIƁSƐ̀ 19:16

Ɓi rìga wìì rì ɓi ɓɛ̀y wii, ɗii ɗi ri miì ɗì kànɛn lɛ rìfòm ɗi mɛfòm, rì Kan ànɛ a ɓɛ̀kan.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

ÀPÒKÀLIƁSƐ̀ 3:14

Kàna ŋwaà-fìtom anɛ ɓi Kìseŋi ki a Lawodise lɛ: ŋwaànɛ à rì ɗii lɛ Ààmɛ̀n, ànɛ à rì kɔɔ̀kɔɔ̀ à wusìnɛ̀ɗ à ǹtyweeyi, roànɛ à rì rìtumɛ̀n ɗi ɓyom ɓìcèm ɓi Bɛ̀ll à kìghà a kpaaghi lɛ:

ÀPÒKÀLIƁSƐ̀ 7:14

Nni m̀ɓàkà nyi lɛ: Kan wɛ̀m wɔ̀ yɛɛ yii! Fɔɔnnɛ à kpaaghà mɛ̀ lɛ: Ɓɛ ri ɓumɓɛ ɓɛ pɛsɛɛ yì ɓi jàŋ yi ǹ-yeesɛ̀n à ɓɛ̀gherɛ̀n à rì lɛɛ̀gwey. Ɓɛ sooghà ɓɛ̀ kàɓà ɓaa ɓɛ ki puɓsi ɓɔ ɓi bwaɓ yi Man à jɔ̀ɔ̀.