ÀPÒKÀLIƁSƐ̀ 1:2 - Bafia Nouveau Testament

² Zyaŋ ànɛ̀n yɛɛ kalìghà ɓìɓan ɓìcèm ɓi à ghɛngà, fɔɔnnɛ à ghagsìghà jɛ̀ɛ̀ ì Bɛ̀ll rì ɓìɓan ɓi saaɗ ɓi Yeesus Kiris à rèsìghà nyi.

ÀPÒKÀLIƁSƐ̀ 1:2 Iomraidhean Croise

ZYAŊ 1:32

Zyaŋ à kpaatìghà lɛ ǹghɛngà di Ǹghay a sɛnsɛn yi aɗyoo yɛ̀ɛ kuùkuù, à yù nyi kì ɓɛ̀lii ɓi nyòò.

ZYAŊ 12:17

Fɔɔnnɛ gwìy ì ɓumɓɛ ɓɛ ɓaghà ǹɗaŋ ri Yeesus, cààmɛ̀n ki à regìghà Lazaari lɛ a kpaŋ yi ɓi zɔ̀ŋ, à ghèmzì nyi, ì kalìghà kìɓan ki ɓɛ ghɛngà kiǹ.

ZYAŊ 19:35

Ŋwaànɛ a kpaakpaa ɓiɓan ɓi, à ghɛngà ɓyɔ (rì mis). Nni com ki a kpaakpàà ki ri saaɗ, nyimiɗ a yii lɛ, a kpaakpaa saaɗ lɛ, di mìni girig ɓi gherɛn.

ZYAŊ 21:24

Ǹ-yilàg ànɛ̀n yɛɛ̀ ki tɛɛtɛɛ̀zì ɓìɓan ɓi, nnyɛɛ ki kàngà ɓyɔ. Ɓìsii ki yii lɛ com ki a kpaa ki ri saaɗ.

ZYAŊ 3:11

Ǹkpaa wɔ̀ kɔɔ̀kɔɔ̀ à rìkpaa lɛ, ɓìsiì kpaakpaa ɓiɓan ɓi tì yii, tì ki tɛɛtɛɛ̀zì ɓum ɓìɓan ɓi tì ghɛngà, kìɓan kifog kɛ̀ ɓi kɔ̀n lɛ di ɓyàa teri rìrèsì ɗis.

MƐ̀KÌKÌÌ MƐ ƁƐKƐ̀NÌ-FÌTOM 22:15

ɓisuulɛ ù rì ɓiì ɓaà wusìnɛ̀ɗ wìì, lɛ u ghagsi ɓum ɓɛ̀cèm ɓìɓan ɓi ù kìghà lɛ, ù ghɛn, ù ki wog.

MƐ̀KÌKÌÌ MƐ ƁƐKƐ̀NÌ-FÌTOM 26:16

Kìɓan kifog, pɛ̀sɛn aɗyoo, u rɛli mɛ̀rɛy lɛ kìɓan ki ǹɗèsɛɛ wɔ̀ miì ki ri lɛ, nkɔ̀nkɔn lɛ u ɓa ǹkìì-kìsay wɛm̀, ù ki ɓa wusìnɛ̀ɗ wɛ̀m lɛ u kakali ɓum yɛ̀ɛ wàa ghɛɛ mɛ̀ gɛɛ̀nɛ, ù rì ɓiì ki kakalii ti ɓɔ ɓìɓan ɓi ǹɗì wɔ̀ ɓiì rèsii ti.

MƐ̀KÌKÌÌ MƐ ƁƐKƐ̀NÌ-FÌTOM 4:20

Lɛ ɓìsii yin lɛ tì rɔ̀ɓ lɛ tì kpaa ɓi kiɓan ki ti ghɛngà, tì ki wog.

1 KƆ̀RƐ̀ŊTYƐŊ 1:6

Lɛ rìrèsì ɗi ɓiɓan ɓi ɓi seesee cɛɓ ki Kiris ɗi mɛ ɓag gàŋ ri ìtèɗ a lɔ̀ŋkin.

1 KƆ̀RƐ̀ŊTYƐŊ 2:1

Ɓɔɔsoŋ̀, cààmɛ̀n ki mɛ̀ɛmiɗ ǹ-yùghà a lɔ̀ŋkin lɛ nghagsi mìni kɔɔ̀kɔɔ̀ à kìɓan a Bɛ̀ll ànɛ à ɓaghà a rìnyam, m̀ɓaghày ɓi ri ɓìtòkì ɓi ɓi yeesɛɛ rìwog, nsoò lɛ coo ɗyomzɛ̀n.

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.

1 ZYAŊ 4:14

nni ɓìsii ghɛngà, tì ki làalamɓɛ̀n lɛ, Tààta à romgày Man, lɛ a ghɛɓsi ziinɛ.

3 ZYAŊ 1:12

Ɓum ɓɛ̀cèm ɓɛɛ̀ sɛsɛg Demetiriyus, saaɗ nyimiɗ a sɛsɛg girig nyi, nsoò ɓìsi girig ti sɛsɛg nyi, ù ki yii lɛ, com ki ti kpaakpàà ki ri saaɗ.

ÀPÒKÀLIƁSƐ̀ 1:11

jɛ̀ɛ̀ ì kpaakpààghà lɛ: Kàna com ki ù ghɛɛ ɓi bimiɗ à kaàtà, u rom̀ kaàtà ànɛ̀n a Ɓìseŋi ɓi kitaàɓɛ̀ɛ̀ ɓi a Efɛɛzɛ, rì a Simirinɛ, rì a Pɛrigam, rì a Tyatiir rì a Saridɛ, rì a Filadɛlfii, rì a Lawodise.

ÀPÒKÀLIƁSƐ̀ 1:19

Nni kàna min com ki wàa ghɛɛ, com ki ki ri, rì ki ki ri ɓiì kìlɛɛ ajɛ̀m ìnɛn.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 12:17

Fɔɔnnɛ kìnààgɔ̀n ki wokà bim ri giɓ anɛ̀n ki ki kɛ̀n ki kpaŋì dòò yii wɛ̀y, rì ɓum ɓɛ̀cèm ɓɛ ɓɛ ti ɓɛ ɓegì ɓìdɔ̀gsɛna ɓi Bɛ̀ll rì saaɗ ànɛ Yeesus à rèsìghà.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 22:21

Geesɛ̀n ì Kan Yeesus yɛ̀ɛ ɓa rì ɓum ɓɛ̀cèm!

ÀPÒKÀLIƁSƐ̀ 6:9

Yɛ̀ɛ Man à jɔ̀ɔ̀ à ŋwàɗkà sìtam̀ à kìtaǹ, nni ǹghɛngà mɛ̀ghay mɛ ɓumɓɛ ɓɛ cuusìghà ɓisuu jɛ̀ɛ̀ ì Bɛ̀ll, rì ɓisuu riɓa ɗyaa ɗi ɓɛ resìghà lɛ ɓɛ ri ɓɛ̀wusìnɛ̀ɗ ɓɛ Kiris. Mɛ̀ghay mɛ̀n mɛ ɓaghà ɓi jàŋ inɛ ɓɛ ntɔ̀ngì ɓìtuwe ɓi riɓɔgsì ɗi Bɛ̀ll fɛlɛ yì azi.