ÀPÒKÀLIƁSƐ̀ 1:18 - Bafia Nouveau Testament

¹⁸ Mɛ̀ yɛɛ ri ŋwaà ǹtonto, mɛ̀ tì ŋwaà siitòn, roànɛ à rì cem. Ǹwughà, kìɓan kifog ǹɗì cem fiɗyàɓ fikɔ̀ɔ̀. Ǹwowotii tìɗìɓà ti riwù rì ti a tɛ̀ɛ̀.

ÀPÒKÀLIƁSƐ̀ 1:18 Iomraidhean Croise

MATYOO 11:23

Nni wɔ̀ Kapɛrinawum, u fèki nya lɛ, ù rì ɓiì ɓɔɔ̀gh aɗyoo? Èe èe, ɓɛ ri lɔŋ wɔ ɓiì sɛɛ̀dii à kpaŋ a nywɛ̀y, lɛ ì dàm yi yi kìlɛ̀ngà a lɔ̀ŋkɔɔ yɛɛ kilɛn fɔlɔɔ à Sɔdɔm di bàn ìnɛn ì kaka lɛ rì ɓɛ̀gɛɛnɛ-ànkan miì.

MATYOO 16:19

Nɗì wɔ̀ ɓiì faà tìɗìɓà ti ɓi kìlɔ̀ŋ ki aɗyòò, fɔɔnnɛ com ki ù kàŋi fɛ ɓi ziinɛ, kɛɛ̀ki ɓɛ ri kàŋ aɗyòò, ki ù fumii fɛ ɓi ziinɛ, kɛɛ̀ki ɓɛ ri fùmi aɗyòò.

LUKAS 24:5

Ìris wu ɓan ɓɔ, ɓɛ ruusàg mɛ̀su ɓi zi, wɔ̀lɛ ɓumɓɛ̀n ɓɛ tɔg ɓɔ lɛ: Ɓisuucɛ nnɛ ɓi kaakaa roànɛ à ti cem ɓi nyìinyìm à ɓìloŋ?

ZYAŊ 11:25

Yeesus à kpaa nyi lɛ: Mɛ̀ yɛɛ ri rìghèmɓɛ̀n ɗi ɓiloŋ, rì cɛɓ; ŋwaànɛ à gherɛɛ mɛ̀, à ɓiì ɓaà rì cɛɓ nsoò àa wìì.

ZYAŊ 14:19

Cààmɛ̀n lɛsàg ziinɛ yàa ghɛɛ̀di ɓi mɛ, lɔŋ mìni yɛɛ ri mɛ̀ ɓiì seesee ɓisuulɛ ǹɗì cem, nni mìni girig ɓì ɓiì ɓaà rì cɛɓ.

RÒMƐŊ 6:9

Tì yii fɔlɔɔ lɛ, à tumɛ̀n yɛ̀ɛ Kiris à ghèmbɛ̀ngày a ɓìloŋ, à yiìdi lɛ à wu tì, rìwu ɗi yiìdi ri ìtèɗ ɓi nyì.

2 KƆ̀RƐ̀ŊTYƐŊ 13:4

ɓisuulɛ ɓɛ kpangà nyi ɓi Kɔrɔs aɗyoo, lɛ rìɓa ɗii ɗi à rì kɛ̀ɛ̀ ìtèɗ, kìɓan kifog à rì cem lɛ ìtèɗ wu Bɛ̀ll; ɓi rìɓa ɗis ɗi tì rì ɓɛ̀ràrɛn ɗi nyi, tì rì girig kɛ̀ɛ ìtèɗ, wɔ̀lɛ tì ɓii ghɛɓì ǹɗaŋ ri nyi ɓisu win lɛ ìtèɗ wu Bɛ̀ll.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

KÒLÒSYƐŊ 3:3

Ɓisuulɛ, ɓì rì ɓìloŋ, cɛɓ kin ki ri kì nyamɛn nɗaŋ ɗi Kiris ɓi Bɛ̀ll.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 7:16

À tekà ɓi ikɔ̀ɔ̀ wu Pìrɛɛtìrɛ̀ ɓi rìkpaa ɗì ɓidɔ̀gsɛna ɓi ɓum ɓɛɛ faa, à ɓɔkà lɔŋ rì ìtèɗ wu cɛɓ ki ki ri kɛ̀ɛ̀ sugtag.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

ÀPÒKÀLIƁSƐ̀ 10:6

fɔɔnnɛ à kànɛ̀ngà bɛ̀ɗ ɓi ɗii ɗi roànɛ a ghɛghɛɓ fiɗyàɓ fikɔ̀ɔ̀, ànɛ à kìghà ɗyoo rì ɓyom ɓìcèm ɓi ɓi ri miì, à kì lɛ rì zi rì ɓyom ɓi ɓi ri miì, à kì lɛ rì rìɓày à kìkòn, rì ɓyom ɓi ɓi ri miì; à kànɛ̀ngà bɛ̀ɗ lɛ cààmɛ̀n ki lɛ ɓum ɓɛɛ ɓuŋɛn kaa ɓa ti ɓi,

ÀPÒKÀLIƁSƐ̀ 15:7

Kìbog ki ɓi nyàm yi kinìn ki falàkà ɓum ɓɛ titom ɓɛ kitaàɓɛ̀ɛ̀ ɓɛ̀ɓeŋ ɓɛ gol, ɓɛ ɓɛ ɓalàkà ɓɛ̀ronɛn ɗi bim i Bɛ̀ll ànɛ à rì fìɗyàɓ fikɔ̀ɔ̀.

ÀPÒKÀLIƁSƐ̀ 2:8

Kàna ŋwaà-fìtom anɛ ɓi Kìseŋi ki a Simirinɛ lɛ: Mum ànɛ à rì lɛ nyi ŋwaà ǹtonto, nyi ŋwaà siitòn, mum ànɛ à wughà à ki ghèmɓɛn, a kpaaghi fɛlɛ:

ÀPÒKÀLIƁSƐ̀ 20:13

Rìɓày à kìkòn à pɛ̀ɛ̀zìghà ɓìloŋ ɓi à ɓaghà rì ɓyɔ, rìwu rì tɛ̀ɛ̀, ɓi fa ɓìloŋ ɓi ɓyɔɔ ɓaghà rì ɓyɔ, fɔɔnnɛ ɓɛ yɔmgà mum bimiɗ lɔŋ yɛ̀ɛ mɛ̀kìkìì mii mɛ ɓaghà.

ÀPÒKÀLIƁSƐ̀ 20:14

Fɔɔnnɛ ɓɛ pikà lɛ rì rìwu, rì tɛ̀ɛ̀ ɓi kìràà ki ɗuu; kìràà ki ɗuu kìn kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ:

ÀPÒKÀLIƁSƐ̀ 4:9

Nni cààmɛ̀n kìcèm ki nyàm yiǹ yi fafàghà roànɛ à kɔ̀kɔrii ɓi-kɔ̀ɔ̀ wu rilàmì, ànɛ à rì cem fiɗyàɓ fikɔ̀ɔ̀ lɛ, rì rìkem, rì bɔgsɛ̀n,

ÀPÒKÀLIƁSƐ̀ 5:14

Fɔɔnnɛ nyàm yi kinìn yi ghaɓkà lɛ Ààmɛ̀n. Ɓɛ̀sɛ̀ɛ̀mɛn ɓɛ ɓum ɓɛ ɓag mɛ̀ɗu ɓi zi, ɓɛ ɓɔgsì Bɛ̀ll.

ÀPÒKÀLIƁSƐ̀ 6:8

Fɔɔnnɛ ǹghɛngà zòm i kìmbɛ̀rɛ̀; nyoo ì zòm inɛ̀n ì ɓaghà ɓi mis yɛ̀ɛ rùnì. Ŋwaànɛ à ɓaghà miì aɗyoo ɗii lɛ rìwu, kìlɔ̀ŋ ki nyɔ̀ɛ̀y ki nɔɔ̀nɔ̀ɔ̀tìì nyi ajɛ̀m. Fɔɔnnɛ ɓɛ faghà ɓɔ ìtèɗ ɓi kìlànà kìfog ki ɓi ɓìlànà ɓi zi ɓi kinìn lɛ ɓɛɛ cuùsi ɓum lɛ rì gàfàg, rì zày, rì tìroɓ ti ceeceèrɛ̀n, rì nyàm yi ɓaaɓanɛ̀n yi ɓi ziinɛ.

ÀPÒKÀLIƁSƐ̀ 9:1

Ŋwaàfìtom a kìtaǹ à rɔgà ɗyam; fɔɔnnɛ ǹghɛngà fyɛy fi fi kɔsɛ̀ngày aɗyoo fi kpi ɓi zi; nni ɓɛ tekà fìɗìɓà fi ɓi coo riɓee ɗi rimɛn, ɓɛ fa rì fyɔ.