ÀPÒKÀLIƁSƐ̀ 1:16 - Bafia Nouveau Testament

¹⁶ À ɓanɓàngà tyɔɛy taàɓɛ̀ɛ̀ ɓi càg kii ki weèlem, fɔɔnnɛ gàfàg ìnɛ ì ɓaghà ǹghɛliyɛn ɓɛɓɛg ɓɛ̀cèm, ì kpaŋkpàŋgày nyi ɓi ŋwɔm, ìsu wii wu ɓa yɛ̀ɛ ŋwos a ɓalàg, cààmɛ̀n ki a lònlom ri ìtèɗ.

ÀPÒKÀLIƁSƐ̀ 1:16 Iomraidhean Croise

MATYOO 17:2

À lɔ̀ɔ̀ghrɛ̀ngà ɓɔ ɓi mis dɛŋ, ìsu wii wu lonlòm yɛ̀ɛ ŋwos, ɓìlàà ɓii ɓi pupùɓ lɛ syàŋ-syàŋ yɛ̀ɛ kìtɛɛtɛn.

MƐ̀KÌKÌÌ MƐ ƁƐKƐ̀NÌ-FÌTOM 26:13

Yɛ̀ɛ ǹkɛ̀nkɛ̀ngà di toroɓ à tiì rìfòm, fɔɔnnɛ ǹghɛngà di coo kitɛɛtɛn ki kii yì aɗyoo lɛ ŋwààɗ, ki yuis̀, ki ceŋzɛ̀n lɛ rì mɛ̀, rì ɓumɓɛ tì ɓaghà rì ɓɔ.

EFÈZYƐŊ 6:17

Terina girig gòri ì Bɛ̀ll ɓi sìg à tàm, ɓì teɗ jɛ̀ɛ̀ ì Bɛ̀ll ìnɛ ìrì gàfàg ì Kìtɛntɛ̀ɛ̀n ki Nghay.

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.

ÀPÒKÀLIƁSƐ̀ 1:20

Ɓi ɓɛg ànɛ a ɓɛ̀azi ɓɛ a rìnyam ɓɛ ɓi tyɔɛy ti kitaàɓɛ̀ɛ̀ ti wàa ghɛɛ mɛ̀ rì tyɔ ɓi càg ki weèlem, rì ɓìrɛsì ɓi lamɓà ɓi gol taàɓɛ̀ɛ̀, tyɔɛy ti kitaàɓɛ̀ɛ̀ ti ri ɓum ɓɛ titom ɓɛ Ɓiseŋi ɓi kitaàɓɛ̀ɛ̀, ɓìrɛsì ɓi lamɓà ɓi kitaàɓɛ̀ɛ̀ ɓyɔɔ ri Ɓìseŋi ɓi kitaàɓɛ̀ɛ̀ ɓincèm.

ÀPÒKÀLIƁSƐ̀ 10:1

Nni ǹghɛngà kìtèetèɗ ki ŋwaà-fìtom kidɛŋ di kɛɛ̀ sɛnsɛn yi aɗyoo, kì waatɛn kikwìɗ, ǹsyèɗ wu ɓaghà nyi wu gheniyɛn ɓi nto, ìsu wu lonlòm yɛ̀ɛ ŋwos, mɛ̀kòò mii mɛ ɓa yɛ̀ɛ mɛ̀kwìy mɛ ɗùù.

ÀPÒKÀLIƁSƐ̀ 12:1

Coo kifèèghrɛnà ki resɛ̀ngà ɓi ɗyoo ɓi ɗùm; giɓ ŋ̀waatɛn ŋwos yɛ̀ɛ kìlàà, ŋwii à lònlòm nyi a mɛ̀kòò-zi, tàm à rìkem ànɛ à ɓaghà rì tyɔɛy ntɛ̀ɗ rì tiɓɛɛ̀ nyi ɓi nto.

ÀPÒKÀLIƁSƐ̀ 19:15

Gàfàg ì mpooyɛn i kpaŋ yì nyi ɓi ŋwɔm lɛ a ɓog ɓìlɔ̀ŋ ri yɔ̀; à rì ɓyɔ ɓiì kɛ̀ɛ̀sii ri ǹkpas wu bɔŋ, à ki saɓ ɓiɗùn ɓi viìnyɛ̀ ɓi wayɗ wu mɛrɔ̀g mɛ coo bim i Bɛ̀ll à ìtèɗ wucèm.

ÀPÒKÀLIƁSƐ̀ 19:21

Gàfàg ìnɛ ì kpagày ɓi ŋwɔm wu roànɛ à ɓaghà ɓi zòm aɗyoo, ì cuusìghà ɓɛ̀ro ɓɛm̀bog; fɔɔnnɛ tììlì tìcèm ti ɗighà mɛ̀mùù maa, ti wuràg.

ÀPÒKÀLIƁSƐ̀ 2:1

Kàna ŋwaà-fìtom anɛ ɓi Kìseŋi ki Kiris ki a Efɛɛzɛ lɛ: Roànɛ à wowotii tyɔɛy ti kitaàɓɛ̀ɛ̀ ɓi weèlem wìì, roànɛ a kɛ̀ɛ̀kɛɛ ɓi nyìinyìm à ɓìrɛsì ɓi lamɓà ɓi gol taàɓɛ̀ɛ̀ a kalag fɛlɛ̀:

ÀPÒKÀLIƁSƐ̀ 2:12

Kàna ŋwaà-fìtom anɛ ɓi kìseŋi ki a Pɛrigam lɛ, fɛlɛ nnɛ roànɛ à rì rì gàfàg ìnɛ ì rì ǹto lɛ pyɔŋpyɔŋ, yɔ̀ mpooyɛn ɓɛɓɛg ɓɛ̀cèm a kalàg:

ÀPÒKÀLIƁSƐ̀ 2:16

Lɔ̀ɔ̀ghrɛn min nɗem, kɛ̀ɛ̀ fɔlɔɔ di nkpaŋkpaŋ wɔ a nyoo lɛ fyɛ̀ɗ, ǹki ɗùùzi ɓumɓɛ̀n wɛ̀y ri gàfàg ìnɛ ì rì mɛ̀ ɓi ŋwɔm.

ÀPÒKÀLIƁSƐ̀ 3:1

Kàna ŋwaà-fìtom anɛ ɓi Kìseŋi ki a Saridɛ lɛ, fɛlɛ nnɛ roànɛ à rì rì mɛ̀ghay mɛ Bɛ̀ll mɛ kitaàɓɛ̀ɛ̀ rì tyɔɛy ti kitaàɓɛ̀ɛ̀ a kpaaghì: Mɛ̀ ǹ-yii mɛ̀kìkìì mɔɔ, u keŋkem lɛ ù rì cencem kɔm̀ lɛ ù rì kìloŋ.