ÀPÒKÀLIƁSƐ̀ 1:1 - Bafia Nouveau Testament

¹ Àpòkàliɓsɛ̀ à Yeesus Kiris, ànɛ Bɛ̀ll à faghà nyi lɛ a resi ɓɛ̀kìì-ɓìsay ɓii ɓiɓan ɓi ɓi ghɛɛ̀sɛɛ kì kìlɛɛ di maa cààmɛ̀n à ghaghii, ɓyɛɛ̀ɓi à kìghà lɛ ɓum ɓɛɛ yi, yɛ̀ɛ à romgày mum wiì à fìtom yɛ̀ɛ nkìì-kìsay wiì ànɛ lɛ Zyaŋ,

ÀPÒKÀLIƁSƐ̀ 1:1 Iomraidhean Croise

ZYAŊ 12:49

Lɛ ɓìɓan ɓi nkpaakpàà, ɓi yin ɓiɓan ɓyɛm̀ ɓi mɛ̀ɛmiɗ, lɔŋ Tààta nyimiɗ anɛ à romgày mɛ̀, nnyɛɛ siŋdɛ̀ngà mɛ̀ ɓìɓan ɓi ǹghɛ̀ɛ̀sɛɛ kì kpaà, rì ɓi ǹghɛ̀ɛ̀sɛɛ kì rèsaagh ɓum.

ZYAŊ 15:15

Màa reŋdi ɓi mini lɛ ɓɛ̀kìì-ɓìsay, ɓisuulɛ, ǹkìì-kìsay a ti kɛ̀ɛ yi com ki masà wìì a kìkì. Wɔ̀lɛ ǹɗeŋii mìni lɛ mɛ̀ghan mɛm̀ ɓisuulɛ m̀mɛ rèsag mìni ɓìɓan ɓìcèm ɓi ǹwokà rì Seŋi wɛ̀m.

ZYAŊ 17:8

Ɓisuulɛ ǹfaghà ɓɔ ɓìɓan ɓi ù faghà mɛ̀, ɓɛ ghaɓ ɓyɔ, ɓɛ ki konag ki yiì lɛ, m̀pɛ̀sɛ̀ngày a lɔ̀ŋkɔɔ, ɓɛ ki gherɛn lɛ wɔ̀ yɛɛ romgày mɛ̀.

ZYAŊ 3:32

ɓìɓan ɓi à ghɛngà rì ɓi à wokà ɓyɛɛ̀ɓi a rèrèsì; nni mum à ki teri ɓi rirèsì ɗii ɗiǹ.

ZYAŊ 8:26

Ǹtèghɛɛ ɓìɓan ɓi kpaakpaayɛn, rì ɓi yɔ̀mɛn ɓi kìɓan kin, kìɓan kifog roànɛ à romgày mɛ̀, a kpaakpaa saaɗ, fɔɔnnɛ nkpaakpaa ziinɛ ɓìɓan ɓi ǹwokà rì nyi.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

GÀLAT 1:12

lɛ mɛ̀ɛmiɗ mɛ̀ ǹwokà ɓi Ɓɔlɛ ànɛ̀n rì ŋwaàdɛŋ, mum kɛ̀ɛ ki rèsi mɛ nyi, lɔŋ Yeesus Kiris yɛɛ kighà lɛ n-yi Ɓɔlɛ ànɛ̀n.

EFÈZYƐŊ 3:3

Mɛ̀ n-yii fèg à Bɛ̀ll ànɛ a rìnyam fɛlɛ yɛ̀ɛ màa fèèghrɛɛ mìni kì còŋi lɛsàg lɛ nnyɛɛ resii mɛ̀ fèg ànɛn.

Kaàtà ànɛ Pol à kàngà TIT 1:1

Mɛ̀ Pol ànɛ ǹɗì ǹkìì-kìsay a Bɛ̀ll, ǹki ɓa ti ǹkɛ̀nì-fìtom a Yeesus Kiris lɛ nsyoŋ̀ yì ɓumɓɛ ɓɛ ri ɓɛ̀ɓɔ̀nɛn lɛ ɓɛɛ gherɛn Bɛ̀ll, ɓɛ ki yi saaɗ ànɛ à rì yɛ̀ɛ rìgherɛ̀n ɗis ɗyɛɛ̀ kpaakpàà,

ÀPÒKÀLIƁSƐ̀ 1:19

Nni kàna min com ki wàa ghɛɛ, com ki ki ri, rì ki ki ri ɓiì kìlɛɛ ajɛ̀m ìnɛn.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 17:1

Fɔɔnnɛ kìbog ki ɓi ɓum ɓɛ titom taàɓɛ̀ɛ̀ ɓɛ ɓɛ ɓanɓàngà ɓɛ̀ɓeŋ ɓɛ kitaàɓɛ̀ɛ, ki yughày ki kpaa mɛ̀ lɛ: Yu, nɗesi wɔ̀ lannɛ ɓɛ ri ɓiì pɔnɔsii coo giɓ a rìɓàmɓà ànɛ à kɔ̀kɔri ɓi bèn yi ɓɛrìɓày ɓɛgwey.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.

ÀPÒKÀLIƁSƐ̀ 19:9

Nni ŋwaà-fìtom anɛ̀n à kpaaghà mɛ̀ lɛ kàna lɛ: Mààgh rì ɓumɓɛ ɓɛ ri ɓɛ̀lààghrakɛn a dinà ì rìwɛy ɗi Man à jɔ̀ɔ̀; fɔɔnnɛ à kpatìghà mɛ̀ lɛ: Jɛ̀ɛ̀ yi, yi ri ɓɛ̀kɔɔ̀kɔɔ̀ ɓɛ jɛ̀ɛ̀ ɓɛ Bɛ̀ll.

ÀPÒKÀLIƁSƐ̀ 21:2

Nni ǹghɛngà bàn ì ǹtɛnɛn, nyɔɔnyɔn à Yorisalɛm, m̀pègsɛn yɛ̀ɛ gurà ànɛ à rɛ̀ŋɗɛɛ ɓisuu yii wiì, di a sɛnsɛn yi aɗyoo, di à pɛ̀sɛɛ yì jàŋbog rì Bɛ̀ll.

ÀPÒKÀLIƁSƐ̀ 21:9

Fɔɔnnɛ kìbog ki ɓi ɓum ɓɛ titom ɓɛ kitaàɓɛ̀ɛ̀ ɓɛ ɓɛ ɓaghà rì ɓɛ̀ɓeŋ ɓɛ̀ rongakɛn ɗi mɛ̀tɔɓ mɛ kitaàɓɛ̀ɛ̀ mɛ siitòn, ki yughà mɛ̀ kìkpaa lɛ: Yu nɗesi wɔ̀ gurà, gili Man à jɔ̀ɔ̀.

ÀPÒKÀLIƁSƐ̀ 22:1

Fɔɔnnɛ ŋwaà-fìtom a rèsìghà mɛ̀ rìɓày à mɛ̀nig mɛ cɛɓ, ànɛ à ɓaghà lɛ saŋì-saŋì yɛ̀ɛ kìpɛsà ki ŋwii; rìɓày ànɛn à kpaŋkpàŋgày ɓi-kɔ̀ɔ̀ wu rilàmì wu Bɛ̀ll rì wu Man à jɔ̀ɔ̀.

ÀPÒKÀLIƁSƐ̀ 22:16

Mɛ̀ Yeesus, mɛ̀ yɛɛ nɗomiì mum wɛm̀ à fìtom lɛ a yu mìni kì rèsii ɓiɓan ɓiǹ, ɓi ɓìseŋi ɓyɛ̀m. Ǹɗì maa dòòridoòrì ànɛ ɓi boo ì mum ì Davit, ǹki ɓati fyɛy fi fyɛɛ̀ lònlom sariwa.

ÀPÒKÀLIƁSƐ̀ 22:6

Nni à kpaaghà mɛ̀ lɛ: Jɛ̀ɛ̀ yi yi ri miì, yi ki ɓa saaɗ. Kan Bɛ̀ll ànɛ ǹghay wìì a kɛ̀ɛ̀sag ɓɛkpaŋzì-ɓìɓan, nnyɛɛ nɗomiì mum wiì à fìtom lɛ a resi ɓɛ̀kìì-ɓìsay ɓii ɓiɓan ɓi ɓi ri ɓiì kìlɛɛ di maa cààmɛ̀n à ghaghii.

ÀPÒKÀLIƁSƐ̀ 22:8

Mɛ̀ Zyaŋ, ǹkìghà lɛ ǹwog, ǹki ghɛn ɓiɓan ɓiǹ. Nni yɛ̀ɛ ǹwokà ɓyɔ ǹki ghɛn, nni ǹkpìghà a mɛ̀kòò mɛ ŋwaà-fìtom anɛ à rèrèsìghà mɛ̀ ɓyɔ lɛ mɓɔgsi nyi.

ÀPÒKÀLIƁSƐ̀ 22:9

Kìɓan kifog à kpaaghà mɛ̀ lɛ, kɔ̀ɔ fèghrɛn ki kìi com kidɛŋ fɔlɔɔ! Ǹɗì lɛ, mɛ̀ reŋkàŋ wɔ̀ɔ̀ a kìsay, ǹki ɓati reŋkàŋ à ɓɛ̀goni ɓɛ lɛ ɓɛ̀kpaŋzì-ɓìɓan, rì ɓɛ̀roɓɛ ɓɛɛ̀ ɓèŋɓeŋ jɛ̀ɛ̀ yi ɓi kaàtà ànɛ, Bɛ̀ll innɛ ɓɔgsi.

ÀPÒKÀLIƁSƐ̀ 4:1

Ajɛ̀m ìnɛn nnɛ m̀pɛ̀ɓsɛ̀ngà, ǹghɛn ìsuunaa kìkpaŋ ɓi ɗyoo ɓi ɗùm, jɛ̀ɛ̀ ì ǹtonto ìnɛ ǹwokà di ì tòòghrɛɛ rì mɛ̀ ì ɓaghà yɛ̀ɛ ɗyam ɗyɛɛ̀ɗi ɓɛɛ̀ rɔŋɗɔ̀ŋ ì kpaakpàà lɛ: Ɓɔghay fɛ di nɗesi wɔ̀ ɓìɓan ɓi ɓi ri ɓiì kìlɛɛ ɓi mɛ̀ru mɛ asu.

ÀPÒKÀLIƁSƐ̀ 5:7

Nni à yùghà, à teɗ kaàtà ànɛ à ɓaghà ànɛ̀n ɓi weèlem à roànɛ à kɔ̀kɔrii ɓi-kɔ̀ɔ̀ wu rilàmì.