FÌLÌPYƐŊ 4:9 - Bafia Nouveau Testament

⁹ Ɓìɓan ɓi ɓì kìghà lɛ, ɓì yilàg, ɓì teɗ, ɓì ki wog a lɔ̀ŋkɛm̀, rì ɓi ɓì ghɛngà mɛ̀ di nkìkì, ɓyɛɛ̀ɓi kìkiina. Fɔɔnnɛ Bɛ̀ll à fyòoog à ɓiì ɓaà rì mìni.

FÌLÌPYƐŊ 4:9 Iomraidhean Croise

MATYOO 1:23

Ghɛna! Gɔ̀n ì giɓ ìnɛ ì ka yi ɓi ɓɛbaŋì ì ɓiì terì ɗyem, ì yay man à baŋì, ɓɛ roò nyi ɗii lɛ Emanuɛl; ɗii ɗìn ɗi ri azi lɛ: Bɛ̀ll rì ɓìsi.

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

MATYOO 7:21

Àa ɓum ɓɛ̀cèm ɓɛ ɓɛɛ rereŋi mɛ lɛ: Kan, Kan ɓɛɛ ri ɓiì ɗiŋii ɓi kìlɔ̀ŋ ki aɗyòò, lɔŋ roànɛ à kìi rìkɔ̀n ɗi Tààta wɛ̀m ànɛ à rì ɓi ɗyoo ɓi ɗùm, nnyɛɛ ɓiì kɛ̀ɛ wɔɔ.

LUKAS 6:46

Ɓisuucɛ nnɛ ɓi rereŋi mɛ lɛ Kan, Kan, kɛ̀ ɓi ki kì com ki ǹkpaa mìni?

LUKAS 8:21

Nni Yeesus à ɓàkà ɓɔ lɛ: Jɛɛ wɛ̀m rì ɓɛ̀geni ɓɛ̀m, ɓɛ ri ɓɛ̀roɓɛ ɓɛ ti ɓɛ wokì jɛ̀ɛ̀ ì Bɛ̀ll ɓɛ ki kì yɛ̀ɛ ì kpaa.

ZYAŊ 13:17

I ɓì yii ɓìɓan ɓiǹ, di ɓì rì ɓɛ̀mààghmaagh, nni kɛɛ̀ tɔtɔg lɛ ɓi ki ɓyɔ̀.

ZYAŊ 15:14

Ɓì rì mɛ̀ghan mɛm̀, di ɓì kìi ɓìɓan ɓi ǹsiŋ̀dɛɛ mìni.

ZYAŊ 2:5

Jɛɛ à kpaa ɓɛ̀kìì-ɓìsay lɛ: Kìina com kìcèm ki à rì mìni ɓiì kalii.

MƐ̀KÌKÌÌ MƐ ƁƐKƐ̀NÌ-FÌTOM 9:6

Pɛ̀sɛn aɗyoo, u ɗiŋi ɓi bàn, wɔɔnnɛ ɓɛ ri wɔ̀ ɓiì kpaà com ki ù ghɛ̀ɛ̀sɛɛ kì kìi.

RÒMƐŊ 15:33

Bɛ̀ll à fyòoog a ɓa rì mìni ɓɛ̀sɛ̀ɛ̀ ɓɛ̀cèm. Ààmɛ̀n.

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

1 KƆ̀RƐ̀ŊTYƐŊ 10:31

Ɓyàa soo ɗiɗì, ɓyàa soo nɔnɔ, nsoò cɛ kɛɛ̀ki ɓyàa kìkì, kìina ɓìɓan ɓìcèm ɓisuu rikem ɗi Bɛ̀ll.

1 KƆ̀RƐ̀ŊTYƐŊ 14:33

Ɓisuulɛ Bɛ̀ll à yin Bɛ̀ll à kìɓùùsì, à rì lɔŋ Bɛ̀ll à fyòoog. Lɔŋ yɛ̀ɛ ki ti ki ɓalàg ɓi mɛ̀taŋzɛn mɛ ɓɛgherɛ̀n Bɛ̀ll mɛ̀cèm

1 KƆ̀RƐ̀ŊTYƐŊ 4:16

Fɔɔnnɛ ǹtɔɔgh min mini lɛ, ɓi pisɛn mɛ̀.

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

FÌLÌPYƐŊ 3:17

Ɓɔɔsoŋ̀, nɔ̀ɔ̀tiina mɛ̀kòò mɛm̀, ɓì seesèè ɓɛ̀roɓɛ ɓɛɛ̀ nɔ̀ɔnɔɔ̀tì kìfèèghrɛnà kis.

FÌLÌPYƐŊ 4:7

Fɔɔnnɛ fyòoog à Bɛ̀ll ànɛ ɓum ɓɛ yin ɗi ìtèɗ wulɛ ɓɛ wog, à ɓiì ɓèŋi mɛrem min rì mɛ̀yitì min ɓi Yeesus Kiris ɓi ɗùm.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

TÈSÀLÒNÌSYƐŊ 2:14

Ɓɔɔsoŋ̀, ɓì mɛ pisɛn Ɓiseŋi ɓi Bɛ̀ll ɓi ɓi ri a Zyude ɓi Yeesus Kiris, ɓisuulɛ ɓumɓɛ ɓi kìlɔ̀ŋ kin ɓɛ yeesìghà mìni lɔŋ yɛ̀ɛ ɓɛroɓɛ a Zyude ɓɛ yeesìghà ɓɛ̀gherɛ̀n ɓɛ wɔ̀ɔ̀.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

2 TÈSÀLÒNÌSYƐŊ 3:4

Tì rì rì ǹtyweeyi ri Kan ɓisu win lɛ ɓìɓan ɓi tì tɔɔgh mìni, ɓì ti ɓì kìlàg ɓyɔ ɓì ki rì ɓiì kɛ̀ɛ asu, ɓì kìkì ɓyɔ.

2 TIMOTE 4:22

Kan a ɓeŋ̀ ǹghay wɔɔ! Geesɛ̀n ì Bɛ̀ll yɛ̀ɛ ɓa rì mìni ɓɛsɛ̀ɛ̀ ɓɛ̀cèm. Ààmɛ̀n.

ZYAG 1:22

Kìina ɓìɓan ɓi jɛ̀ɛ̀ ì Bɛ̀ll yɛɛ̀ kpaakpàà, kɛ̀ ɓi rɔ̀ɓ lɔŋ lɛ rìwowòg ɗi jɛ̀ɛ̀ ìnɛ̀n ɗyɔ rì ɗyɔ, ɓì pwààpwààrɛ̀n mìniìɓɔmiɗ ri ɓɛ̀fèg ɓɛ ɓɛ ri ɓìtɛ̀ŋtɛ̀ŋ.

2 PYƐƐRI 1:10

Kìɓan kiǹ kɛɛ̀ki mìni ɓɛ̀geni ɓɛ̀m, ɓì ghɛ̀ɛ̀sɛɛ kì tèèsii nyoo lɛ ɓi siìrag ǹɗeèghreŋi win ɗi rìɓɔ̀n ɗi Bɛ̀ll à ɓɔ̀ngà mìni; i ɓì kìi fɔlɔɔ, ɓyàa kpì ɓi ɓi kìɓe.

1 ZYAŊ 3:22

À ti à falàg ɓìsi com kìcèm ki tì tɔɔgh nyi ɓisuulɛ, tì ti tì ɓègì ɓìdɔ̀gsɛna ɓii, tì ki kìlag ɓiɓan ɓi ɓyɛɛ̀ kɔ̀ngi nyi.