FÌLÌPYƐŊ 4:6 - Bafia Nouveau Testament

⁶ Kɛ̀ ɓi ghɛ̀ri nɗem aɗyòò rì com kidɛŋ, kìɓan kifog, ɓi ɓìɓan ɓìcèm, rèsiina Bɛ̀ll cɛ kɛɛ̀ki ɓì rì zày rì kɔ, ɓì bɔ̀ŋzɛ̀n, ɓì yɛ̀ɛ̀ghyɛ̀gsì nyi ɓyàg, ɓì ki fafa nyi ɓìtògsɛ̀n.

FÌLÌPYƐŊ 4:6 Iomraidhean Croise

MATYOO 10:19

Kìɓan kifog, i ɓɛ ɓani mìni, mɛ̀rem min mɛ̀ kɛɛ̀ cɛɛcɛɛ̀rɛ̀n rì com ki ɓì rì lɛ ɓì kpaa, nsoò lɛ lannɛ ɓì ɓiì pɛ̀sii ɓitòkì; ɓìɓan ɓi ɓì ghɛ̀ɛ̀sɛɛ kì kpaà ɓi ri mìni ɓiì ɓɔghìì ɓi mɛ̀rem ɓi cààmɛ̀n kɔm̀ kiǹ.

MATYOO 13:22

Ŋwaànɛ à ghaɓkà boo ì ɓyom ɓi nyìinyìm à ɓìkàrag yɛɛ ri roànɛ à woogh jɛ̀ɛ̀ ì Bɛ̀ll, kìɓan kifog, cɛɛ̀-ǹɗem à cɛɓ ki ɓi ziinɛ, ɗì rìyɛ̀y ɗi ikum ɓi laatàg jɛ̀ɛ̀ ìnɛn, ɓi ki lɛ, yɛ̀ kɛɛ̀ wum ɓiɗùn.

MATYOO 6:34

Fɔɔnnɛ kɛ̀ ɓi ghɛ̀ri ǹɗem aɗyoo rì rìduri, lɛ rìduri a ɓiì yùu ri ɓìɓan ɓii; ŋ̀wos bimiɗ à ghɛ̀ɛ̀sɛɛ rì ntɔɓ wìì.

MATYOO 6:8

Kɛ̀ ɓi pisɛn ɓɔ ɓi kìsyɔ̀ɔ̀ kiǹ, ɓisuulɛ Seŋi wìn a yii com kìcèm ki ɓi kɔ̀nkɔ̀n, di ɓì ka tɔg gi ɓi nyi kɔ.

LUKAS 10:41

Kan à ɓàg Maata lɛ: Maata wɔ̀, u kpuukputɛ̀n, nɗem wɔɔ wu ki cɛɛcɛɛ̀rɛ̀n ɓi ɓìɓan lɛɛ̀gwey.

LUKAS 12:22

Yeesus à kpaatìghà ɓɛ̀yilàg ɓii lɛ: Kìɓan kiǹ kɛɛ̀ki ǹkpaa mìni lɛ kɛ̀ ɓi ghɛ̀ri mɛrem min aɗyòò rì com ki ɓì ɓiì ɗii, nsoò lɛ ki ɓì ɓiì waatɛɛ;

LUKAS 12:29

Fɔɔnnɛ mɛ̀rem min mɛ̀ kɛɛ̀ ɓiisɛn ki cɛɛcɛɛ̀rɛ̀n rì com ki ɓì rì ɓiì ɗiì nsoò lɛ, ki ɓì ɓiì nɔɔ̀.

LUKAS 18:1

Yeesus à tekà ɓɔ dàɗkì lɛ a resi ɓɔ lɛ, ɓɛ ghɛɛ̀sɛɛ kì ɓɔ̀ŋzag ɓyààmɛ̀n ɓìcèm, kɛ̀ ɓɛɛ̀ fɔɛy.

LUKAS 18:7

Bɛ̀ll à rì nya lɛ à rɔ̀ɓ lɛ à ɓàagh ɓi kiɓan ki ɓum ɓii ɓɛ à ɓɔ̀ngà di ɓɛɛ̀ ɓeeɓeràg nyi yɛ̀ɛ ìru, yɛ̀ɛ ŋwos? À rì nya lɛ à lɛ̀mzì ɓi ɓɛg wàa?

1 KƆ̀RƐ̀ŊTYƐŊ 7:21

I Bɛ̀ll à reŋìghà wɔ̀ di ù rì ǹkpàn, ǹɗem wɛ̀ kɛɛ̀ cɛɛcɛɛ̀rɛ̀n wɔ̀ rì rìɓa ɗìn, wɔ̀lɛ i ù rì rì bee inɛ lɛ u pɛsɛn ɓi rìkpàn, ù pɛ̀sɛ̀n, kɔ̀ɔ kì wàŋ.

1 KƆ̀RƐ̀ŊTYƐŊ 7:32

Mɛ̀ɛ nkɔ̀nkɔn kɔm̀ lɛ, ɓi ɓa kɛ̀ɛ̀ kìɓan ki kɛɛ̀ ɗiɗi mini mɛ̀rem; lɛ nɗem wu ŋwaànɛ à yin nwɔlɛn, wɛɛ̀ cɛɛrag ri ɓìɓan ɓi Kan; ŋwaàncèm ànɛn à ki kaakaa lɛ a ki ɓìɓan ɓi ɓi ri lɛ ɓi puɓsì Kan ǹɗem.

2 KƆ̀RƐ̀ŊTYƐŊ 1:11

Lɛ mìniìɓɔmiɗ ɓì rì ɓìsi ɓiì lènlemi ɓi bɔ̀ŋzɛ̀n; fɔlɔɔ nnɛ geesɛ̀n ìnɛ ɓìsii ri ghɛn inɛ̀n lɛ bɔ̀ŋzɛ̀n ì ɓum kìtuu, ì ri ghay kiɓan ki ɓum lɛɛ̀gwey ɓɛ ri fa Bɛ̀ll ɓìtògsɛ̀n miì ɓisu wis.

EFÈZYƐŊ 5:20

Ɓi ɓìɓan ɓìcèm, faana Bɛ̀ll à Seŋi wìs ɓìtògsɛ̀n cààmɛ̀n kìcèm ɓi ɗii ɗi Kan wìs Yeesus Kiris.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

KÒLÒSYƐŊ 3:15

Fyòoog à Kiris ànɛ Bɛ̀ll à reŋìghà mìniìcèm miì lɛ, ɓi ɓa ɓìkàɓ ɓi ɓi nyoo bog, a lami mɛ̀rem min. Ɓì ghɛ̀ɛ̀sɛɛ kì yiì rìfa ɗi ɓìtògsɛ̀n.

KÒLÒSYƐŊ 3:17

Com kìcèm ki ɓì rì lɛ ɓì kpaa, nsoò lɛ ɓì kì, kìina kɔ ɓi ɗii ɗi Kan Yeesus, ɓì fafà Bɛ̀ll à Seŋi wìs ɓìtògsɛ̀n rì ɗii ɗìì.

KÒLÒSYƐŊ 4:2

Sììrɛɛna ɓi bɔ̀ŋzɛ̀n; ɓì ɓa cem miì ɓi rìfafà ɗi Bɛ̀ll ɓìtògsɛ̀n.

TIMOTE 2:1

Kìɓan ki asu ki ntɔki ki ri lɛ, ɓum ɓɛɛ tɔtɔg Bɛ̀ll ɓìɓan, ɓɛ ɓɔɔ̀ɓɔ̀ŋzì nyi, ɓɛ reǹɗèn nyi mɛ̀tɔɓ di ɓɛɛ̀ fafa nyi ɓìtògsɛ̀n ɓisuu ɓum ɓɛ̀cèm,

TIMOTE 5:5

Ǹkpɔɓ wu wu ri lɛ ǹkpɔɓ, wu wu rɔɓi nlɛŋlɛŋ̀ kɛ̀ɛ̀ mum, wu ri nkpɔɓ wu wu ri rì dyàɓɛn yɛ̀ɛ Bɛ̀ll, wɔ yɛɛ ti wɛ̀ kɛɛ̀ fwɛy ritɔtɔ̀g ɗi Bɛ̀ll ǹghɛɓsɛn ɓi bɔ̀ŋzɛ̀n yɛ̀ɛ ìru yɛ̀ɛ ŋwos.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 PYƐƐRI 5:7

Sɛɛ̀dɛɛna ɓìɓan ɓìcèm ɓi ɓyɛɛ̀ ɗiɗi mini mɛ̀rem a lɔ̀ŋkii ɓisuulɛ nyimiɗ a ɓeŋ̀ɓeŋ mini.