FÌLÌPYƐŊ 3:5 - Bafia Nouveau Testament

⁵ ànɛ ǹkɛ̀rɛ̀ngà ɓi mɛ̀ru taàraa ànɛ yɛ̀ɛ ǹ-yalɛ̀ngà, mɛ̀ nki rì muu Isirayɛl ɓi rìpwìɗ ɗi Bɛŋzyamɛŋ, kìyalì ki ɓɛ Ebìreegh. Ɓi ɓɛg ànɛ a rìɓèŋ ɗi ɓidɔ̀gsɛna, ǹɗì Fàrìzyɛŋ.

FÌLÌPYƐŊ 3:5 Iomraidhean Croise

LUKAS 1:59

Yɛ̀ɛ man à kpagà mɛ̀ru taàɓɛ̀ɛ̀, nni ɓɛ yughà rì nyi lɛ ɓɛɛ kɛ̀ɗ, ɓɛ rerèŋì nyi lɛ Zakarii, ɓi ɗii ɗì seŋi wìì.

LUKAS 2:21

Ɓi mɛ̀ru taàɓɛ̀ɛ̀ ànɛ ɓɛ ghɛɛsɛ̀ngà kì kɛ̀ri man, innɛ ɓɛ roòghà nyi ɗii lɛ Yeesus; ɗii ɗìn ɗyɛɛ̀ɗi ŋwaà-fìtom à faghà, di jɛɛ à ka teɗ ɓi ɗyem ɗii.

LUKAS 5:38

kìɓan kifog ɓɛ ghɛɛ̀sɛɛ kì foŋì mɛ̀rɔ̀g mɛ nyɔn ɓi ɓìren ɓi nyɔ̀n.

MƐ̀KÌKÌÌ MƐ ƁƐKƐ̀NÌ-FÌTOM 22:3

Ǹɗì muu Ɓɛ̀yudɛ̀n, ǹ-yalɛ̀ngà a Tarisi ɓi kìlànà ki zi ki a Silisii. Kìɓan kifog, fɛ ɓi bàn ìnɛ nnɛ ǹtɔɔ, ǹki yilag ɓisyɔ̀ɔ̀ ɓi ɓɛseŋi ɓis yɛ̀ɛ ki ghɛɛ̀sɛɛ, a mɛ̀kòò mɛ Gamalyɛl; m̀ɓaghà girig ǹfalɛn ɗi Bɛ̀ll lɔŋ fɛlɛ yɛ̀ɛ mìni girig ɓì rì ɓɛ̀falɛn ɓɛsɛ̀ɛ̀ ɓɛ̀cèm gɛɛ̀nɛ.

MƐ̀KÌKÌÌ MƐ ƁƐKƐ̀NÌ-FÌTOM 23:6

Yɛ̀ɛ Pol à yighà lɛ ɓumɓɛ̀n ɓɛ ri mɛ̀raŋ mɛɓɛɛ̀ lɛ, rì Ɓɛ̀fàrìzyɛŋ rì Ɓɛ̀sàdùsyɛŋ, fɔɔnnɛ à kpaaghà jɛ̀ɛ̀ aɗyoo ɓi nyìinyìm wàà lɛ: Ɓɔɔsoŋ̀, mɛ̀ ǹɗì Fàrìzyɛŋ, man à Fàrìzyɛŋ nni ɓɛɛ̀ sɔmag mɛ ɓisuulɛ, ǹɗì rì ǹtyweeyi lɛ ɓìloŋ ɓi ri ɓiì ghèmɓɛɛ.

MƐ̀KÌKÌÌ MƐ ƁƐKƐ̀NÌ-FÌTOM 6:1

Ɓi cààmɛ̀n kiǹ, yɛ̀ɛ bàlì ì ɓɛ̀gherɛ̀n ì tèèghtèghɛ̀ngà nni ɓumɓɛ ɓɛ totòkà rìgìrɛg ɓɛ tumɛ̀ngà rìcɛɛ̀cɛ̀mdɛ̀n ɗi ɓɛroɓɛ ɓɛ totòkà kìtòkì ki Ɓɛ̀yudɛ̀n, ɓisuulɛ ɓɛ ǹti ɓɛ ɗimzàg mɛ̀kpɔɓ maa ɓi kàɓ à ɓìɗilàg ànɛ ɓɛ ǹkìlàg ɓɛ̀ŋwos ɓɛ̀cèm.

RÒMƐŊ 11:1

Nni ǹtɔɔgh lɛ, Bɛ̀ll àa m̀màagh nya kìlɔ̀ŋ kii? Èe èe, à màagh ɓi kɔ. Ɓisuulɛ, mɛ̀ ǹɗì girig kìyalì ki a Isirayɛl, dòò yì Abiraham ɓi rìpwìɗ ɗi Bɛŋzyamɛŋ.

2 KƆ̀RƐ̀ŊTYƐŊ 11:22

Ɓaa soo rì ɓɛ̀-Ebìreegh, mɛ̀ ǹɗì girig muu Ebìreegh; ɓaa soo rì ɓumɓɛ a Isirayɛl, mɛ̀ ǹɗì girig kìbog ki miì; ɓaa soo rì dòò yi Abiraham, mɛ̀ ǹɗì girig dòò yìì.