FÌLÌPYƐŊ 2:30 - Bafia Nouveau Testament

³⁰ Ɓisuulɛ, àa m̀mɛɛ̀ wu lɛ kìsay ki Kiris, àa mmɛ̀ɛ ɗimzi cɛɓ kii, lɛ a yu mɛ̀ rì ǹghɛɓsɛn wu ɓìi n-yin lɛ ɓì yù rì wɔ mìniìɓɔmiɗ.

FÌLÌPYƐŊ 2:30 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

RÒMƐŊ 16:4

Ɓɔ yɛɛ mɛɛ̀ ɓɔ̀ɓkà ǹto ɓi rìrùnɛ̀n ɗi cɛɓ kɛ̀m; àa mɛ̀ cɛ̀ncɛm̀ yɛɛ̀ foŋfoŋ kirɔɔ ki ɓɛ kighà mɛ̀ kiǹ, ɓìseŋi ɓi Kiris ɓìcèm ɓi a ɓumɓɛ ɓɛ yin Ɓɛ̀yudɛ̀n ɓyɛɛ̀ kìki girig fɔlɔɔ.

1 KƆ̀RƐ̀ŊTYƐŊ 15:53

Lɛ ki ghɛɛ̀sɛɛ lɛ, nyoo ìnɛ ì ti ì ɓwɛ̀ɛ̀yì ìnɛ yɛ̀ɛ waàtɛn nyoo ìnɛ ì yin lɛ ì ɓwɛ̀y tì; nyoo ìnɛ ì ti ì wulàg ìnɛ, ì waàtɛn nyoo ìnɛ ì yin lɛ ì wutì.

1 KƆ̀RƐ̀ŊTYƐŊ 16:10

I Timote à kpaŋi foo, ɓì kì com ki lɛ a ɓa kɛ̀ɛ̀ mɛ̀riighrikì ɓi nyìinyìm wìn ɓisuulɛ à rì ŋwaànɛ a kìki kisay ki Kan lɔŋ yɛ̀ɛ mɛ̀.

1 KƆ̀RƐ̀ŊTYƐŊ 16:17

Mɛ̀ nyààrɛɛ rì rìyù ɗi Sitefanas, rì Fɔrtunatus rì Akayikus; ɓɛ nɗoòzii kìkpaŋ ki ki ǹɗì mɛ̀ ɓi nɗem, lɛ rìɓa ɗi ɓì yin mɛ jàŋbog.

2 KƆ̀RƐ̀ŊTYƐŊ 12:15

Ɓi san wɛ̀m, ǹɗì lɛ ǹwog kìrɔɔ lɛ nkpaŋzi mɔ̀ɔ̀ni mɛ̀cèm mɛ ǹɗì rì mɔ, ǹki kàɓɓɛn mɛ̀ɛmiɗ ɓisuu ɓyɛɓ ɓin; nni i mɛ̀ ǹkeesii mìni fɔlɔɔ ǹcìɓtàg, ɓisuucɛ nnɛ mìnii keesì mɛ̀ lɛsàg?

2 KƆ̀RƐ̀ŊTYƐŊ 4:12

Fɔlɔɔ nnɛ rìwu ɗyɛɛ̀ kìki kisay ɓi ɓìsi, cɛɓ kɔɔ kikì kìsay ɓi mìni.

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

FÌLÌPYƐŊ 2:27

Ki ri lɔŋ fɔlɔɔ lɛ, àa nɗoɓi yɛ̀ɛ mɛ̀nɔ̀ɓɔ̀, à ɓosɛ̀n rìwu, kìɓan kifog Bɛ̀ll àa nwoogh nyi nyìighnyìg, nni àa nyi cɛ̀ncii innɛ Bɛ̀ll àa nwoogh nyìighnyìg, àa nwoogh girig mɛ̀ nyìighnyìg, lɛ kɛ̀ɛ mɓa lɛ, mɛ̀ ɓi ǹɗemi-kɛŋɛn abɛ̀y, wudɛŋ, wu yu tì kì ɓɔɓtɛɛ ɓi wiǹ.

FÌLÌPYƐŊ 4:10

Mɛ̀ɛ nwoogh kìrɔɔ lɛɛ̀gwey ɓi Kan ɓiɗùm yɛ̀ɛ mɛ̀ɛ nghɛɛdii rìrèsì ɗi ɓìi ǹɗèsii lɛ ǹɗì mìni ɓi nɗem; ɓìi nɗì lɔŋ ri ǹɗem wu fɔlɔɔ ɓi ɓɛg wɛ̀m abɛ̀y nni cààmɛ̀n ki lɛ ɓi resi kìɓan kiǹ kɛɛ nkaàkààrɛ̀n.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

FILEMƆŊ 1:13

Mɛ̀ m̀mɛɛ̀ ɓa ri zày ìnɛ lɛ nɗɔɓ fɛ rì nyi, lɛ a ghɛɛ̀ghɛ̀ɓsì mɛ̀ ɓi sìg wɔ̀ɔ̀ cààmɛ̀n ki ǹkaka rì bɛn ɓisuu Syeesyee à Ɓɔlɛ.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.