FÌLÌPYƐŊ 2:22 - Bafia Nouveau Testament

²² Ɓì yii lɛ Timote à mɛ fa ɓirèmzɛnà ɓi ɓi resii lɛ à rì mum à ǹtyweeyi; ɓì yi girig lèg ànɛ à falɛ̀ngà ɓi kìsay ki Syeesyee à Ɓɔlɛ ǹɗaŋ ri mɛ̀ lɔŋ yɛ̀ɛ man ànɛ à rì seŋi a mɛ̀kòò.

FÌLÌPYƐŊ 2:22 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 16:2

ɓɛ̀gherɛ̀n ɓɛ a Listirɛ rì ɓɛ a Ikonyɔm ɓɛ sɛsɛ̀kà nyi.

RÒMƐŊ 5:4

kìsììrì ki kilàg lɛ, mum a ceè mɛ̀fèèghrɛn, rìcee ɗi mɛfèèghrɛn ɗiǹ, ɗi fogì mum dyàɓɛn ɓi nɗem.

1 KƆ̀RƐ̀ŊTYƐŊ 16:10

I Timote à kpaŋi foo, ɓì kì com ki lɛ a ɓa kɛ̀ɛ̀ mɛ̀riighrikì ɓi nyìinyìm wìn ɓisuulɛ à rì ŋwaànɛ a kìki kisay ki Kan lɔŋ yɛ̀ɛ mɛ̀.

1 KƆ̀RƐ̀ŊTYƐŊ 4:17

Ɓisuu kiɓan kiǹ nnɛ ǹɗomgày mìni Timote á man wɛm̀ à ǹɗem ànɛ ǹɗì rì ǹtyweeyi ri nyi ɓi rìgherɛ̀n; nnyɛɛ ri mìni biì yitii ɓiɓan ɓi mɛ̀ɛ nnɔ̀ɔnɔɔ̀tì ɓi cɛɓ kɛ̀m ki ɓi Kiris, ɓìɓan ɓi nki rèresi jàŋ bimiɗ ɓi ɓìseŋi ɓi Kiris ɓìcèm.

2 KƆ̀RƐ̀ŊTYƐŊ 2:9

Mɛ̀ɛ nkàniì girig mìni lɛ nfeèghrɛn mìni nghɛǹ nkòo ɓì rì rì mɛ̀wog ɓi ɓìɓan ɓìcèm.

2 KƆ̀RƐ̀ŊTYƐŊ 8:22

Ɓi ɓumɓɛ tì romiì, tì ɓɔ̀ɓtɛɛ yì geni wis adɛŋ ànɛ ɓi rìgherɛ̀n, à rì ŋwaànɛ tì mɛ fiɓi rifalɛ̀n ɗi ɗi cee ɗiǹ ɓi coo ntyweeyi wu à rì rì wɔ rì mìni.

2 KƆ̀RƐ̀ŊTYƐŊ 8:24

Rèsiina min ɓi mis mɛ ɓiseŋi ɓi Kiris ǹkɔ̀nɛ̀n ànɛ ɓì rì rì nyi ɓi ɓɛg wàà, ɓì kì girig lɛ rìsɛg ɗi tì ti tì sɛsɛ̀g mìni ɓi mis maa, ɗyɛɛ ghɛnɛn lɛ ɗi ri saaɗ.

2 KƆ̀RƐ̀ŊTYƐŊ 8:8

Ǹkpaa ɓi mini kìɓan kiǹ lɛ kɛɛ ɓa ǹkàŋɗɛ̀n, wɔ̀lɛ ǹɗèsii mìni rìfalɛ̀n ɗi ɓum ɓɛɗɛŋ, lɛ di ɓi yi yɛ̀ɛ ɓì rì lɛ ɓì rèsì lɛ nɗem wu geesɛ̀n wu ɓì rì rì wɔ, wu ri lɛ sɛɛghi sɛɛghi.

FÌLÌPYƐŊ 1:12

Ɓɔɔsoŋ̀, ki kɔni mɛ̀ lɛ di ɓyàa yii lɛ, kìɓan ki ki nkìi mɛ̀, ki nghɛɓsii kɔm̀ lɛ Syeesyee à Ɓɔlɛ a kɛɛ̀di beèbɛ̀y.

FÌLÌPYƐŊ 1:16

Ɓɛ̀roɓɛ̀n ɓɛɛ̀ kìki kisay rì ǹkɔ̀nɛ̀n lɛ ɓɛ yii lɛ Bɛ̀ll à rɛsìghà mɛ̀ lɛ nkaàkàmɛ̀n rì Syeesyee à Ɓɔlɛ.

FÌLÌPYƐŊ 1:5

ɓisuu gàɓ ìnɛ ɓì mɛ teɗ ɓi rìsààtì ɗi Syeesyee à Ɓɔlɛ, à tumɛ̀n ŋwos a ǹtonto, à kpaŋ ɓigomìnɛ.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

FÌLÌPYƐŊ 2:20

ɓisuulɛ ǹ-yin ɗi ŋwaàdɛŋ ànɛ tì rì mɛ̀yitì mɛ̀fog rì nyi, ànɛ à rì lɛ à ghɛ̀ghɛ̀rì lòo ǹɗem aɗyòò ɗì rìɓa ɗin.

TIMOTE 1:18

Man wɛm̀ Timote, kìɓan ki mɛ̀ ǹsiŋ̀dɛɛ wɔ̀ ki rarɛɛ yì rì ɓìɓan ɓi Nghay à rèsìghà ɓi san wɔ̀ɔ̀; ɓi ɗi yɛ̀ɛ ɓìɓan ɓiǹ ɓyɛɛ̀ kpaakpàà, ki ghɛɛ̀sɛɛ lɛ u ɗùu syeesyee à wɛ̀y,

TIMOTE 1:2

Ǹkàni Timote, à kɔɔ̀kɔɔ̀ wɛ̀m à man ɓi rìgherɛ̀n, Bɛ̀ll Seŋi rì Kan wìs Yeesus Kiris ɓɛɛ fa wɔ̀ lɛ, rì geesɛ̀n, rì rìcenɛ̀n, rì fyòoog.

TIMOTE 4:6

Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

2 TIMOTE 1:2

ǹkàni Timote à man wɛm̀ à nɗem, Bɛ̀ll Seŋi wìs, rì Yeesus Kiris Kan wìs, ɓɛɛ fa wɔ̀ geesɛ̀n ɗì rìcenɛ̀n, rì fyòoog

2 TIMOTE 3:10

Ɓi ɓɛg wɔ̀ɔ̀, ù ghɛngà rìrèsì ɗyɛm̀ lɛ syeesyee, rì rìghɛghɛ̀ɓ ɗyɛm̀, rì ɓɛ̀fèg ɓɛm, ɗì rìgherɛ̀n ɗyɛm̀, ɗì rìnìɗ ɗyɛm̀ ɗi nɗem, rì ǹkɔ̀nɛ̀n wɛ̀m, rì kìsììrì kɛm̀,

Kaàtà ànɛ Pol à kàngà TIT 1:4

Ǹkàni wɔ̀ Tit, kɔɔ̀kɔɔ̀ à man wɛm̀ ɓi rìgherɛ̀n ɗi ɗi ri ɓìsi bas, Bɛ̀ll à Seŋi wìs rì ǹkòrì wìs Yeesus Kiris, ɓɛɛ fa wɔ̀ lɛ rì geesɛ̀n, rì fyòoog.