FÌLÌPYƐŊ 2:1 - Bafia Nouveau Testament

¹ I ǹtyweeyi wu yɛ̀ɛ Kiris wu ki rì lɛ wu fɔɔsì mum ǹɗem, i rìfalɛ̀n ɗi itèɗ ɓi ǹkɔ̀nɛ̀n ɗi ki rì wɔɔ, i rìràrɛ̀n ɗi rì Nghay ɗi ri wɔɔ, i ǹɗem wu nyìighnyìg wu geesɛ̀n wu ri lɛ wu ɓa wɔɔ,

FÌLÌPYƐŊ 2:1 Iomraidhean Croise

LUKAS 2:25

Ɓi mɛ̀ru mɛ̀n, ŋwaàdɛŋ à ɓaghà a Yorisalɛm ɗii lɛ Simeyɔŋ, à ɓaghà syeesyee à mum, ànɛ àa nti à risàg Bɛ̀ll; à ɓoŋɓòŋgà gòri ì Isirayɛl, à ɓaghà rì Kìtɛntɛ̀ɛ̀n ki Nghay.

ZYAŊ 14:18

Màa càɗ ɓi mini ɓɔɔ̀zii, ǹɗì ɓiì sugtii yi a lɔ̀ŋkin.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

ZYAŊ 17:13

Nni ɓigomìnɛ, ǹ-yùu a lɔ̀ŋkɔɔ; ǹki kpaa ɓìɓan ɓi, cààmɛ̀n ki ǹkaka ɓi ziinɛ, lɛ di ɓɛɛ ɓa rì kìnyàà.

MƐ̀KÌKÌÌ MƐ ƁƐKƐ̀NÌ-FÌTOM 2:46

Cààmɛ̀n kìcèm ɓɛ ǹti ɓɛ taŋzàg ɓi naà-Bɛ̀ll ŋwos bimiɗ, ɓɛ ɗiɗì ɓìɗilàg ɓyaa ǹɗaŋ ɓi naa yaa ɓɛ ɗiɗì ɓyɔ rì kìnyàà, rì ǹɗem wu risɛɛ̀dɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 4:32

Ǹɗaŋ wu ɓɛgherɛ̀n wu ɓaghà ǹɗem wùfog, ɓɛ̀fèg ɓɛ̀fog, kɛ̀ɛ̀ ŋwaàdɛŋ ànɛ ɓi ɓɔ ànɛ à ɓaghà lɛ à kalì lɛ ɓyom ɓi à rì ɗì ɓyɔ ɓi ri ɓiŋkii cɛ̀ncii, wɔ̀lɛ ɓyom ɓyaa ɓi ɓaghà ɓisu waa ɓɛsɛ̀ɛ̀ ɓɛ̀cèm.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

RÒMƐŊ 8:26

Fɔlɔɔ nnɛ Ǹghay à Bɛ̀ll à ti à yùlàg girig ɓìsi kì ghɛɓsii ɓi rìɓa ɗi tì rì rì ìɓwɛɗ tì yii ɓi com ki tì ghɛ̀ɛ̀sɛɛ kì tɔɔ̀gh ɓi bɔ̀ŋzɛ̀ɛn yis; kìɓan kifog Ǹghay nyimiɗ a ɓɔ̀ɔɓɔŋ̀zì Bɛ̀ll ɓisu wis, rì bemeg yi mum à yin lɛ à yi rìkpaa.

1 KƆ̀RƐ̀ŊTYƐŊ 12:13

Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

1 KƆ̀RƐ̀ŊTYƐŊ 15:31

Lɛ ŋwos anɛ aɗyoo bimiɗ, mɛ̀ ǹɗì ǹɗɛrɛliyɛn ɓi koŋnyoo à rìwu; ǹkpaa mìni kìɓan kiǹ ɓi saaɗ, ɓisuu rikem ɗi ǹɗì rì ɗyɔ lɛ mìni, ɓi Yeesus Kiris à Kan wìs ɓiɗùm.

1 KƆ̀RƐ̀ŊTYƐŊ 3:16

Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

GÀLAT 4:6

Com ki ki resii lɛ ɓì ti ɓɔn ɓɛ Bɛ̀ll ki ri lɛ: Bɛ̀ll à romgày Ǹghay à Man wiì ɓi mɛ̀rem mis, Ǹghay ànɛ̀n yɛɛ̀ làalamɓɛ̀n jɛ̀ɛ̀ aɗyoo lɛ: Aba, yɛɛlɔɔ lɛ Tààta.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 4:4

Nyoo ì rì lɔŋ bog, Nghay lɔŋ bog, fɔɔnnɛ ɓì rì girig ɓɛ̀ reŋiyɛn lɛ ɓi ɓa rì dyàɓɛn bog, yɛ̀ɛ ri dyàɓɛn inɛ ɓi nɗeèghreŋi win.

FÌLÌPYƐŊ 1:8

Lɛ Bɛ̀ll à rì mɛ̀ wusìnɛ̀ɗ lɛ, ǹkeesii mìni ɓɛ̀sɛ̀ɛ̀ ɓɛ̀cèm rì syeesyee à ǹkɔ̀nɛ̀n à Yeesus Kiris.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

EBIREEGH 6:18

Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

1 PYƐƐRI 1:2

Ɓì ɓaghà ɓɛ̀ɓɔ̀nɛn lɔŋ yɛ̀ɛ Bɛ̀ll Seŋi a lokà kìwòŋzii ɓiɓan, fɔɔnnɛ ɓì ti ɓɛ̀tɛnɛ̀n lɛ Nghay wìì, lɛ ɓi ɓa rì mɛ̀wog ɓi ɓɛg ànɛ yɛ̀ɛ Yeesus Kiris ɓì ki ɓa ɓɛtɛɛ̀ziyɛn ɓi bwaɓ yii yi yi kpagà. Geesɛ̀n, rì fyòoog ɓyɛɛ teghɛn a lɔ̀ŋkin lɛɛ̀gwey.

1 ZYAŊ 3:24

Ŋwaànɛ à ti à ɓègì ɓìdɔ̀gsɛna ɓi Bɛ̀ll à rì lɔŋ nɗàrɛn ri Bɛ̀ll, Bɛ̀ll girig ǹɗàrɛn ri nyi. Com ki tì ti tì yilàg miì lɛ, Bɛ̀ll à rì a lɔ̀ŋkis kɛɛ̀kìn; tì ki ti tì yilàg fɔlɔɔ lɛ Kìtɛntɛ̀ɛ̀n ki Nghay ki à faghà ɓìsi.

1 ZYAŊ 4:12

Mum à ka ghɛngà ɓi Bɛ̀ll; i tì rì rì ǹkɔ̀nɛ̀n ɓi nyìinyìm wìs, di Bɛ̀ll à rì a lɔ̀ŋkis, ǹkɔ̀nɛ̀n wìì a ki ɓa ɓi ɓìsi syeesyee à rìɓa.

1 ZYAŊ 4:16

Ɓìsii yii ǹkɔ̀nɛ̀n ànɛ Bɛ̀ll à rì rì nyi ɓi ɓɛg wìs, tì ki gherɛɛ ǹkɔ̀nɛ̀n ànɛ̀n. Bɛ̀ll à rì ǹkɔ̀nɛ̀n, ŋwaànɛ a ghɛghɛɓ ɓi nkɔ̀nɛ̀n, à rì ɓɛɛ̀ Bɛ̀ll, Bɛ̀ll ɓɛɛ̀ nyi.