FÌLÌPYƐŊ 1:26 - Bafia Nouveau Testament

²⁶ Rìsugtìì ɗi mɓiì sugtii yi a lɔ̀ŋkin, ɗi ri mìni ɓiì faà coo nyɔɔnyɔn à kìɓan anɛ ɓi rì lɛ ɓì sànsàm miì ɓi Kiris ɓi ɗùm, lɛ mɛ̀.

FÌLÌPYƐŊ 1:26 Iomraidhean Croise

ZYAŊ 16:22

Fɔlɔɔ nnɛ mìni girig bì rì rì ǹɗemi-kɛŋɛn ɓigomìnɛ, kìɓan kifog ǹɗi ghɛɛ̀di mini. Nni yɛ̀ɛ ǹɗi ghɛɛ̀di mini, mɛ̀rem min mɛ ri wog kinyàà, mum àa ki ɓàtɛn ti ɓi mini kìnyàà kiǹ.

ZYAŊ 16:24

À kpaŋ ɓigomìnɛ, ɓì ka tɔg ɓi com kidɛŋ ɓi ɗii ɗyɛ̀m. Tɔɔghna, ɓɛɛ fa mìni, di fɔɔnnɛ kìnyàà kin kɛɛ roǹ.

2 KƆ̀RƐ̀ŊTYƐŊ 1:14

yɛ̀ɛ ɓi mɛ yi gàɓ lɛ, ɓìsi yɛɛ ri ɓa rikem ɗin, mìnii ɓa rìkem ɗis ŋwos a Kan Yeesus.

2 KƆ̀RƐ̀ŊTYƐŊ 5:12

Tì yiìdi ɓiì tɔtɔɔgh ti nyɔɔnyɔn à rìtɔg lɛ ɓi ghaɓ ɓìsi; wɔ̀lɛ ti kɔ̀nkɔn lɛ di tyàa faa mìni bee inɛ ɓi saàsànɛ̀n ɓum kìɓan kis, fɔlɔɔ nnɛ ɓì rì ɓiì ɓaa rì com ki ɓì rì lɛ ɓì ɓàg ɓumɓɛ ɓɛɛ̀ teeterɛ̀n rìkem ɓi ɓìɓan ɓi ɓum ɓɛɛ̀ seesèè, rìkem ɗìn ɗyɛ̀ kɛɛ̀ ɓa ɓi ɓìɓan ɓi ɓi ri ɓi kɔɔ̀kɔɔ̀.

2 KƆ̀RƐ̀ŊTYƐŊ 7:14

Lɛ i ǹsɛsɛ̀kà mìni rì Tit lèg àdɛŋ, ɓìi nfaa ɓi mɛ ǹtoòrìɗ, fɔlɔɔ nnɛ yɛ̀ɛ tìi nti tì kpaaghì mìni saaɗ cààmɛ̀n kìcèm, fɔɔnnɛ mɛ̀sɛɛ̀ghsɛɛgh mɛ tì sɛsɛ̀kà mìni rì Tit mɛ nghɛnɛɛ lɛ mɛ ri mɛ̀sɛɛ̀ghsɛɛgh mɛ saaɗ.

2 KƆ̀RƐ̀ŊTYƐŊ 7:4

Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

2 KƆ̀RƐ̀ŊTYƐŊ 7:6

Wɔ̀lɛ Bɛ̀ll ànɛ à ti à fɔɔsàg mɛ̀rem mɛ ɓumɓɛ mùm mɛ ri mɛ̀ fɔlɛn, àa ǹfɔɔsii ɓìsi mɛ̀rem rì rìyù ɗi Tit àa n-yùu,

GÀLAT 6:4

Mum ǹcèm à ghɛ̀ɛ̀sɛɛ kì fiɓii rikɛ̀ɛ̀ ɗii, i à rì lɛ à sanɛ̀n, a sanɛn ɓɛɛ̀ nyimiɗ, wɔ̀lɛ kɛ̀ɛ fèèghrɛn ɗi ɓum ɓɛɗɛŋ.

FÌLÌPYƐŊ 3:1

Ɓɔɔsoŋ̀, ɓigomìnɛ, ɓì ghɛ̀ɛ̀sɛɛ kì nyàànyaa ɓi Kan ɓiɗùm; ki yeesii ɓi mɛ nsoò lɛsàg lɛ mɓiìti mìni kìkàni ɓiɓan ɓi m̀mɛ ka kàn mini abɛ̀y; rìkì ɗiǹ ɗi ri ɓi kìrɔɔ kin.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

FÌLÌPYƐŊ 4:10

Mɛ̀ɛ nwoogh kìrɔɔ lɛɛ̀gwey ɓi Kan ɓiɗùm yɛ̀ɛ mɛ̀ɛ nghɛɛdii rìrèsì ɗi ɓìi ǹɗèsii lɛ ǹɗì mìni ɓi nɗem; ɓìi nɗì lɔŋ ri ǹɗem wu fɔlɔɔ ɓi ɓɛg wɛ̀m abɛ̀y nni cààmɛ̀n ki lɛ ɓi resi kìɓan kiǹ kɛɛ nkaàkààrɛ̀n.

FÌLÌPYƐŊ 4:4

Nyàànyaana lɔŋ cààmɛ̀n kìcèm ɓi Kan ɓiɗùm, m̀ɓììtii kìkalii lɛ, nyàànyaana.