FÌLÌPYƐŊ 1:18 - Bafia Nouveau Testament

¹⁸ Ki kii ɓi mɛ com. Nsoò mɛ̀yitì maa maa ɓeɓtɛɛ, nsoò maa rɔɔtɛɛ, kìɓan ki ki ri miì ki ri lɛ, ɓɛɛ̀ làalam̀ɓɛ̀n Kiris; mɛ̀ nki wowog kirɔɔ fɔlɔɔ, ǹɗì ɓiì ki kɛ̀nkɛni asu ǹwowòg kìrɔɔ,

FÌLÌPYƐŊ 1:18 Iomraidhean Croise

MATYOO 23:13

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓì ŋwɔm ìghèy ɓi ɗùm, ɓisuulɛ ɓi ghegheg ɓum lɛ ɓɛ̀ kɛɛ ɗiŋi ɓi kìlɔ̀ŋ ki aɗyòò; mìniìɓɔmiɗ kɛ̀ ɓi ɗiŋi miì, kɛ̀ ɓi ki gherɛn lɛ, ɓumɓɛ ɓɛɛ̀ kɔ̀nkɔn lɛ ɓɛɛ ɗiŋi miì, ɓɛɛ ɗiŋì. [

MARIKUS 12:40

Ɓumɓɛ̀n ɓɛ̀fog ɓɛɛ ti ɓɛ pumzàg mɛ̀kpɔɓ mɛ ɓɛ̀yiɓ, ɓɛ ki kìlag ɓyoo bɔ̀ŋzɛ̀n lɛ ɓum ɓɛɛ sɛsɛg ɓɔ. Ɓɛ ri teri gɛ kìtèetèɗ ki pɔnɔsì ki ki ɓaa gɛ fɔlɔɔ lɛ yoɓ.

LUKAS 9:45

Kìɓan kifog, ɓɛ̀yilàg ɓii ɓɛ wokà ɓi azi anɛ ɓi rìkpaa ɗìn; ɗi rɔɓkà ɓɔ kìrìirìɓ lɛ ɓɛ̀ kɛɛ̀ yi azi anɛ miì, ɓɔɔ ki rirìsìghà nyi rìtɔg ɗi azi anɛ ɓi kìɓan kiǹ.

LUKAS 9:50

Fɔɔnnɛ Yeesus à ɓàkà Zyaŋ lɛ: Kɛ̀ ɓi règ nyi, ɓisuulɛ, ŋwaànɛ à yin ɓiì ɗùùɗuu ri mìni, à rì ɓi gàm yìn.

RÒMƐŊ 3:9

Nni la min? Ɓìsi Ɓɛ̀yudɛ̀n tì cee nya ɓìlɔ̀ŋ ɓimbog? Tì cee ɓi ɓyɔ nsoò lɛsàg! Ɓisuulɛ tì mɛ rèsi lɛ kìɓe ki lamii ɓum ɓɛ̀cèm, nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n.

RÒMƐŊ 6:15

Nni la min? Tì rì nya ɓiì kìkii kiɓe lɛ yɛ̀ɛ ɓìdɔ̀gsɛna ɓi lamii ɓi ɓisi, lɔŋ geesɛ̀n ì Bɛ̀ll yɛ̀ɛ lamii ɓìsi wa? Ki yin fɔlɔɔ.

1 KƆ̀RƐ̀ŊTYƐŊ 10:19

Fɔlɔɔ a rèsii nya yɛɛ lɔɔ lɛ nkɔ̀nkɔn lɛ ɓyɛn ɓi ɓɛ funɛɛ ɓi ɓìnùn, nsoò ɓìnùn ɓyɔmiɗ, ɓi ri nya rì bimiɗ à rìɓa àdɛŋ?

1 KƆ̀RƐ̀ŊTYƐŊ 14:15

Ǹghɛ̀ɛ̀sɛɛ min ki kìi la? Ǹɗì ɓiì ɓɔ̀ŋzaagh Bɛ̀ll rì nghay wɛ̀m, kìɓan kifog m̀ɓɔ̀ŋzàg girig rì ɗyomzɛ̀n ɗyɛm̀; ǹɗì ɓiì kɛɛghraagh tyem rì nghay wɛ̀m kìɓan kifog ǹkɛɛghràg girig rì ɗyomzɛ̀n ɗyɛm̀.

1 KƆ̀RƐ̀ŊTYƐŊ 15:11

Nni fɔlɔɔ nnɛ, kaa soo rì lɛ mɛ̀, kaa soo rì lɛ ɓɔ, com ki ti kpaakpaa ɓum kɛɛ̀kìn, kɛɛ̀ki ɓì ki gherɛ̀ngà.

FÌLÌPYƐŊ 1:19

ɓisuulɛ ǹ-yii lɛ, kìɓan kiǹ ki ɓiì lɔ̀ɔ̀ghrɛɛ ɓi bee inɛ lɛ mɛ̀ ǹghɛɓ lɛ bɔ̀ŋzɛ̀n yin, rì ǹghɛɓsɛn wu Ǹghay à Yeesus Kiris à ti à yùlàg rì wɔ.