FÌLÌPYƐŊ 1:14 - Bafia Nouveau Testament

¹⁴ Ntyweeyi wu mɛ yùti ɓɛgeni ɓɛ̀m lɛɛ̀gwey ɓi Kan, lɛ naà-zày ìnɛ ǹkɛ̀ngà; fɔɔnnɛ ɓɛ ti rì kìghɛɛsii ki ki cee lɛ ɓɛɛ ghaàghàgsì jɛ̀ɛ̀ ì Bɛ̀ll kɛ̀ɛ̀ ìris.

FÌLÌPYƐŊ 1:14 Iomraidhean Croise

MARIKUS 3:3

Nni Yeesus à kpaaghà mum àncèm lɛ: Pɛ̀sɛn aɗyoo, u rɛli foo ɓi nyìinyìm.

LUKAS 1:74

lɛ à faa gɛ ɓìsi ìtèɗ wulɛ ti ɓɔgsi nyi kɛ̀ɛ̀ ìris, di à mɛ kwèɗ ɓisi ɓi ɓyàg ɓi ɓɛ̀bènàbena ɓis,

2 KƆ̀RƐ̀ŊTYƐŊ 3:12

Yɛ̀ɛ tì rì rì rìkuu ɗi dyàɓɛn ɗiǹ ɓi nɗem nnɛ ti rì rì coo ntyweeyi.

2 KƆ̀RƐ̀ŊTYƐŊ 7:4

Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

EFÈZYƐŊ 3:13

Fɔɔnnɛ ǹkpaa mìni lɛ: mɛ̀tɔɓ mɛ nwowog ɓisu win mɛ̀ kɛɛ̀ fa mini ìɓwɛɗ; mɛ̀tɔɓ mɛ̀n mɛ ri ɓisuu rikem ɗin.

FÌLÌPYƐŊ 1:20

Lèg ànɛ ǹɗì rì coo zày, ǹki ɓa ri dyàɓɛn, màa wog ɓi ntoòrìɗ ri com kidɛŋ. Ɓi cààmɛ̀n ki, lɔŋ yɛ̀ɛ ɓi ɓyààmɛ̀n ɓimbog, rì ǹtyweeyi wu wu ri mɛ̀ ɓiì ronì ɓi nɗem, Kiris à ɓiì kemì ɓi nyoo yɛ̀m, màa soo rì cem, màa soo wìì.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

KÒLÒSYƐŊ 4:4

Ɓì ɓɔ̀ŋzàg girig lɛ nkakali kìɓan kiǹ lɛ tɛntɛ̀ɛ̀n lèg ànɛ ki ghɛɛ̀sɛɛ lɛ nkpaà.

KÒLÒSYƐŊ 4:7

Ɓi kìɓan ki ki seesee rìɓa ɗyɛ̀m, Tisig à geni wɛ̀m à nɗem, ànɛ à rì ǹkìì-kìsay a Kan à ǹtyweeyi, ànɛ ti kìki kisay ki Kan ɗì nyi nɗaŋ, à rì mìni ɓiì kalii ɓiɓan ɓìcèm.

TÈSÀLÒNÌSYƐŊ 2:2

Di tì ka kpaŋ ɓi a lɔ̀ŋkin, tì ghɛngà mɛ̀tɔɓ, ɓum ɓɛ ki yeesi ɓisi a Filiɓ lɔŋ yɛ̀ɛ ɓì yii, wɔ̀lɛ Bɛ̀ll à faghà ɓìsi ìtèɗ wulɛ ti ghagsi mìni Syeesyee à Ɓɔlɛ wìì nsoò yɛ̀ɛ ki ɓaghà bimiɗ à wɛ̀y.

2 TIMOTE 2:9

Syeesyee à Ɓɔlɛ ànɛ̀n nnɛ nwowog mɛtɔɓ miì à kpaŋ ɓi lèg ànɛ lɛ ɓɛɛ kaŋ̀ mɛ̀ bɛn lɔŋ yɛ̀ɛ ǹwolì-ɓum, kìɓan kifog jɛ̀ɛ̀ ì Bɛ̀ll yɔ̀ɔ̀ yin nkàŋɛn bɛn.