FÌLÌPYƐŊ 1:10 - Bafia Nouveau Testament

¹⁰ fɔlɔɔ nnɛ ɓi ɓiì yiì rìghasì ɗi ɓiɓan ɓi ɓi ri rì gɛɓsɛ̀n, ɓì ki ɓa mɛrem lɛ sɛɛghi sɛɛghi, kɛ̀ɛ̀ kìɓan ki ɓɛ ri lɛ ɓɛ ɓɛy mìni miì ŋwos a Kiris;

FÌLÌPYƐŊ 1:10 Iomraidhean Croise

MATYOO 16:23

Kìɓan kifog Yeesus à lɔ̀ɔ̀ghrɛ̀ngày à kpaa Pyɛɛri lɛ: Pɛ̀sɛn mɛ̀ ajɛ̀m Satàn, u kìki lɛ, u kɛɓti mɛ̀ fìɓàg, ɓisuulɛ mɛ̀yitì mɔɔ mɛ yin mɛyitì mɛ Bɛ̀ll, mɛ ri lɔŋ mɛyitì mɛ ɓum.

MATYOO 26:33

Nni Pyɛɛri à tekà jɛ̀ɛ̀, à kpaa nyi lɛ: Ǹsoò wàa rì fìɓàg ɓisuu ɓisi ɓɛsɛ̀ɛ̀ ɓɛ̀cèm, wàa ɓa ɓi fiɓàg ɓisu wɛ̀m.

ZYAŊ 1:47

Yɛ̀ɛ Yeesus à ghɛngà di Natanayɛl a yùyuiy nyi a nyoo nni à kpaaghà lɛ: Natanayɛl à rì kɔɔ̀kɔɔ̀ à muu Isirayɛl ànɛ à yin ɗi mɛ̀ɗyɔg.

ZYAŊ 3:20

Lɛ mum ǹcèm ànɛ a kìki kiɓe, à ti à ɓèèzàg kìtɛɛtɛn, kɛ̀ɛ ki yù jàŋ inɛ kìtɛɛtɛn ki ri, lɛ ìris wulɛ ɓìɓan ɓii ɓyɛ̀ kɛɛ̀ ki kpagi dan.

MƐ̀KÌKÌÌ MƐ ƁƐKƐ̀NÌ-FÌTOM 24:16

Kìɓan kin kɛɛ̀ki mɛ̀ girig ntèeteèsì nyoo ɓyààmɛ̀n ɓìcèm lɛ, ǹɗem wɛ̀m wɛɛ ɓa kɛ̀ɛ̀ bɛ̀lɛn ɓi mis mɛ Bɛ̀ll, rì ɓi mis mɛ ɓum.

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

RÒMƐŊ 12:9

Nkɔ̀nɛ̀n à ghɛ̀ɛ̀sɛɛ kì ɓaà kɛ̀ɛ̀ mɛ̀ghèy azi, ɓì ɓèèzɛ̀n kìɓe, ɓì ki sììrɛn ɓi rìkì ɗi kirɔɔ rì ìtèɗ.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

RÒMƐŊ 2:18

ù yii rìkɔ̀n ɗi Bɛ̀ll, ɓìdɔ̀gsɛna ɓii ɓi mɛ rèsag wɔ yɛ̀ɛ ù rì lɛ ù yi lɛ kìɓan ki kɛɛ ɓiisɛɛ kì ɓaà rì gɛɓsɛ̀n.

RÒMƐŊ 7:16

I com ki nkìki ki ri com ki ǹkɔ̀ni ɓi lɛ nki, di ǹgherɛɛ yɛɛ lɔɔ lɛ, ɓìdɔ̀gsɛna ɓi ri syeesyee à com.

RÒMƐŊ 7:22

Ɓisuulɛ ǹti ǹnyààràg rì ɓìdɔ̀gsɛna ɓi Bɛ̀ll ɓi nɗem wɛ̀m ɓi ɗùm.

RÒMƐŊ 8:7

Ɓisuulɛ ɓìɓan ɓi ɓyɛɛ̀ kɔ̀nkɔn mɛmùù ɓi ri ɓi bènà rì Bɛ̀ll, ɓisuulɛ mɛ̀mùù mɛ gherɛɛ ɓi lɛ ɓìdɔ̀gsɛna ɓi Bɛ̀ll ɓyɛɛ lami mɔ, mɛ ki yin ɗi ìtèɗ wulɛ mɛ gherɛ̀n com yɛ̀ɛ kiǹ.

1 KƆ̀RƐ̀ŊTYƐŊ 1:8

Nyi yɛɛ ri mìni ɓiì sììraagh à kpaŋ a rìsugtɛ̀n lɛ ɓi ɓa kɛ̀ɛ̀ kìɓan ki ɓɛ ri lɛ ɓɛ ɓɛy mìni miì, ɓi ŋwos a Yeesus Kiris à Kan wìs.

1 KƆ̀RƐ̀ŊTYƐŊ 10:32

Kɛ̀ ɓi ɓa gɔ̀g ìnɛ ì rì lɛ ì kɛ̀ɓtì nsoò muu Ɓɛ̀yudɛ̀n nsoò muu Gìrɛg nsoò kìseŋi ki Bɛ̀ll fìɓàg.

1 KƆ̀RƐ̀ŊTYƐŊ 8:13

Ɓisu wìn innɛ, i ɓìɗilàg ɓidɛŋ ɓi ri lɛ ɓi kɛɓtì geni wɛ̀m fìɓàg, m̀ɓàŋ kì cèlii ɓyɛn ìsuùcèm yɛɛ ri, à cee lɛ nkɛɓti geni wɛ̀m fìɓàg.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

2 KƆ̀RƐ̀ŊTYƐŊ 2:17

Lɛ ɓìsii yin yɛ̀ɛ kìgwey ki ɓum ki ki ti ki kilàg fyèè ri jɛ̀ɛ̀ ì Bɛ̀ll; kìɓan kifog, rì nɗem wu saaɗ, ɓi ɗii ɗi Bɛ̀ll ìnnɛ ɓìsiì kakali yɔ̀ yɛ̀ɛ ɓɛ̀kìì-ɓìsay ɓɛ Kiris ɓi mis mɛ Bɛ̀ll.

2 KƆ̀RƐ̀ŊTYƐŊ 6:3

Ɓìsii kɔni ɓi lɛ di tyàa kɛ̀ɓtii mum fìɓàg nsoò ɓi bee inɛ là, lɛ kìsay kis ki ghɛɛ̀sɛɛ kì ɓaà kɛ̀ɛ̀ kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n ɓìsi miì.

2 KƆ̀RƐ̀ŊTYƐŊ 8:8

Ǹkpaa ɓi mini kìɓan kiǹ lɛ kɛɛ ɓa ǹkàŋɗɛ̀n, wɔ̀lɛ ǹɗèsii mìni rìfalɛ̀n ɗi ɓum ɓɛɗɛŋ, lɛ di ɓi yi yɛ̀ɛ ɓì rì lɛ ɓì rèsì lɛ nɗem wu geesɛ̀n wu ɓì rì rì wɔ, wu ri lɛ sɛɛghi sɛɛghi.

GÀLAT 5:11

Ɓɔɔsoŋ̀, ɓi ɓɛg ànɛ a lɔ̀ŋkɛm̀, i kaa rì lɛ ǹkaka ǹɗèrèsì ɓum lɛ ɓɛ ghɛɛ̀sɛɛ kì kɛ̀rɛɛ, di ɓi cɛ nnɛ ɓɛ ri lɛ ɓɛ kɛnkɛ̀n asu ɓɛ tɔtɔ̀ɓ mɛ̀? I kaa rì fɔlɔɔ, di rìwu ɗi Kiris à wughà ɓi kɔrɔs ɗi yin lɛ ɗi kɛɓtì tì mum fìɓàg.

EFÈZYƐŊ 4:15

Wɔ̀lɛ, i ti kakali saaɗ rì ǹɗem wu nkɔ̀nɛ̀n, tì ɓiì tɔɔtɔɔ ɓɛɓɛg ɓɛ̀cèm ɓi Kiris ànɛ à rì nto.

EFÈZYƐŊ 5:10

Yiina rìghasì ɗi ɓiɓan ɓi ɓyɛɛ̀ rɔɔghi Kan.

EFÈZYƐŊ 5:27

à kɔ̀ngà lɛ Kìseŋi kìn kɛɛ kpaŋ ɓi mis mii ɗi rìkem, kɛ̀ɛ̀ tìfin, nsoò fìrun, nsoò kìɓeɓtàg ki kiɓan kidɛŋ. Wɔ̀lɛ ki kɔngà nyi lɛ Kìseŋi kìn kɛɛ ɓa kìtɛnɛn kɛ̀ɛ̀ kìɓan ki ɓɛ fen miì.

EFÈZYƐŊ 6:24

Fɔɔnnɛ geesɛ̀n ì Bɛ̀ll yɛ̀ɛ ɓa rì ɓum ɓɛ̀cèm ɓɛ ɓɛ keesii Kan wìs Yeesus Kiris rì ǹkɔ̀nɛ̀n ànɛ à yin lɛ à ɗyoŋ.

FÌLÌPYƐŊ 1:16

Ɓɛ̀roɓɛ̀n ɓɛɛ̀ kìki kisay rì ǹkɔ̀nɛ̀n lɛ ɓɛ yii lɛ Bɛ̀ll à rɛsìghà mɛ̀ lɛ nkaàkàmɛ̀n rì Syeesyee à Ɓɔlɛ.

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

FÌLÌPYƐŊ 2:16

ɓì rèrèsì ɓɔ ɓɔlɛ à cɛɓ; kìɓan kiǹ ki ri mɛ̀ ɓiì ɓaà kìɓan ki nkeŋkem miì ɓi ŋwos a Kiris, ki ki rèsi lɛ ǹkpuùkpùtɛ̀ngà ɓi, kɛ̀ɛ nki ɗiɗig mɛtɔɓ zɛy.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

TÈSÀLÒNÌSYƐŊ 5:21

Kìɓan kifog, fiɓɓaaghna ɓìɓan ɓìcèm lɛ syeesyee, ɓi ɓi rɔɔtɛɛ ɓyɛɛ̀ɓi ɓì ɓèŋ.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

1 ZYAŊ 4:1

Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.

ÀPÒKÀLIƁSƐ̀ 2:2

Ǹ-yii mɛ̀kìkìì mɔɔ, ǹ-yii kìsay kɔɔ rì kìsììrì kɔɔ. Ǹ-yii lɛ ù yin lɛ ù cenɛ̀n ɓìɓeɓtàg ɓi ɓum, wɔ̀ɔ nfèèghrɛ̀ ɓumɓɛ ɓɛ nkpaakpaa lɛ ɓɔɔ ri ɓɛ̀kɛ̀nì-fìtom, kɔm̀ lɛ ɓɛ yin ɓɛkɛ̀nì-fìtom, fɔɔnnɛ wɔ̀ɔ nghɛɛ lɛ ɓɛ ri ɓɛ̀pwààpwaà.