FÌLÌPYƐŊ 1:1 - Bafia Nouveau Testament

¹ Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

FÌLÌPYƐŊ 1:1 Iomraidhean Croise

MARIKUS 13:34

Kìɓan kiǹ ki ri ɓiì ɓaà lɔŋ yɛ̀ɛ ŋwaànɛ à kɛ̀ɛ rìkɛ̀ɛ̀, à càɗ mɛɛ mii, à reɓsàg ɓìɓan ɓii ri ɓɛ̀kìì-ɓìsay lɛ, rì ànɛn miì rì ìsu wii wu kisay, à ki siitag m̀ɓèŋì-ìsuunaa lɛ, a kɔri cem.

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

MƐ̀KÌKÌÌ MƐ ƁƐKƐ̀NÌ-FÌTOM 1:20

Wɔ̀lɛ ki ri kì kànɛn ɓi kaàtà à Ɓɛ̀sam lɛ: Ɓɛ ghɛɛ̀sɛɛ kì rinii mɛɛ mii, mum kɛ̀ɛ kɔ̀ri miì, ri tì lɛ: Ŋwaàdɛŋ à ghɛ̀ɛ̀sɛɛ kì terì ìkɔ̀ɔ̀ wii wu kisày.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 9:13

Ananyas à ɓàg lɛ: Kan, m̀mɛ wog di ɓum lɛɛ̀gwey ɓɛɛ sɛsɛg rigɛn ɗi ŋwaànɛ̀n àa nkìi ɓɛ̀gherɛ̀n ɓɛ a Yorisalɛm.

RÒMƐŊ 1:1

Pol, ǹkìì-kìsay a Yeesus Kiris, ànɛ Bɛ̀ll à reŋìghà lɛ a ɓa ǹkɛ̀nì-fìtom a Yeesus, à ki ɓa ti nɗɛsiyɛn dɛgà ɓi rìghagsì ɗi Syeesyee à Ɓɔlɛ à Bɛ̀ll.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

1 KƆ̀RƐ̀ŊTYƐŊ 16:10

I Timote à kpaŋi foo, ɓì kì com ki lɛ a ɓa kɛ̀ɛ̀ mɛ̀riighrikì ɓi nyìinyìm wìn ɓisuulɛ à rì ŋwaànɛ a kìki kisay ki Kan lɔŋ yɛ̀ɛ mɛ̀.

2 KƆ̀RƐ̀ŊTYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì geni wìs Timote tì kàni lɛ rì Kìseŋi ki Bɛ̀ll ki ki ri a Kɔrɛŋt, rì ɓɛ̀gherɛ̀n ɓɛ̀cèm ɓɛ ɓɛ ri ɓi kìlànà ki zi ki lɛ Akayi kìcèm.

GÀLAT 1:10

Nni ɓigomìnɛ, mɛ̀sɛɛ̀ghsɛɛgh mɛ ɓum mɛɛ̀mɛ ǹkaakàà giǹ mɛ Bɛ̀ll? Rìkɔ̀n ɗyɛm̀ ɗi ri nya lɛ ɓum ɓɛɛ wog kìrɔɔ rì mɛ̀? Èe èe, i màa kaka ǹkaakàà lɛ ɓum, ɓɛɛ wog kìrɔɔ rì mɛ̀ di ǹ-yin nkìì-kìsay a Kiris.

GÀLAT 3:26

ɓisuulɛ mìniìcèm ɓì rì ɓɔn ɓɛ Bɛ̀ll ɓi rìgherɛ̀n ɗi ɓì gherɛɛ Yeesus Kiris.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

EFÈZYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, mɛ̀ yɛɛ kani ɓumɓɛ Bɛ̀ll rì ɓɛ̀gherɛ̀n ɓɛ ɓɛ ri ɓɛ̀falɛn ɓi Kiris Yeesus a Efɛɛzɛ.

EFÈZYƐŊ 1:15

Kìɓan kiǹ kɛɛ̀ki, yɛ̀ɛ mɛ̀ɛ nwoogh girig di ɓɛɛ̀ sɛsɛg lèg ànɛ ɓì gherɛɛ Kan Yeesus, rì nkɔ̀nɛ̀n ànɛ ɓì rì rì nyi ɓi san à ɓɛ̀gherɛ̀n ɓɛ̀cèm,

EFÈZYƐŊ 6:24

Fɔɔnnɛ geesɛ̀n ì Bɛ̀ll yɛ̀ɛ ɓa rì ɓum ɓɛ̀cèm ɓɛ ɓɛ keesii Kan wìs Yeesus Kiris rì ǹkɔ̀nɛ̀n ànɛ à yin lɛ à ɗyoŋ.

FÌLÌPYƐŊ 2:19

Ǹɗì rì dyàɓɛn ɓi Kan Yeesus, lɛ cààmɛ̀n lɛsàg ǹɗì ɓiì romìì Timote a lɔ̀ŋkin, lɛ di ɓɛ̀ɓɔlɛ ɓin ɓɛ ǹɗì ɓiì terì ɓɛɛ foŋdi mɛ̀ ìtèɗ ɓi nɗem;

FÌLÌPYƐŊ 2:5

Ɓi nyìinyìm wìn, ɓaana rì mɛ̀yitì mɛ Yeesus Kiris à ɓaghà rì mɔ.

FÌLÌPYƐŊ 3:12

Ki yin loo lɛ m̀mɛ kpaŋzɛn mɛ̀ree lɛ nteɗ mɛ̀lèɓ, nsoò lɛ m̀mɛ kpaŋ ɓi nɗɛli wulɛ kìɓan ki ɓɛ feèdì a lɔ̀ŋkɛm̀, kɛ̀ kɛɛ̀ ɓa ti. Kìɓan kifog, nka kɛ̀nkɛn lɔŋ asu rì mɛ̀ree, ǹki tèeteèsì nyoo lɛ nkobɛn mɛ̀lèɓ mɛ ɓi mɛ̀ree mɛ̀n ɓisuulɛ Yeesus Kiris à mɛ ɓan mɛ.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

FÌLÌPYƐŊ 3:8

Ǹghɛɛ gì lɛ ɓìɓan ɓìcèm ɓi ri rìɗimzì di ù fèegh ɓyɔ rì coo kirɔɔ ki ki laŋi ɓìrɔɔ ɓìcèm, kìrɔɔ kìn kɛɛ ri rìyi ɗi Yeesus Kiris; ɓisu wii nnɛ ǹgherɛ̀ngà lɛ mmɛm̀ ɓìɓan ɓìcèm, fɔɔnnɛ nseesee ɓyom ɓìcèm yɛ̀ɛ ɓyaaɓi ɓi kìkùnkùn lɛ di nfɔǹ Kiris,

TÈSÀLÒNÌSYƐŊ 1:1

Mɛ̀ Pol, ɓɛɛ Silas rì Timote, tì kàni ɓumɓɛ ɓi Kìseŋi ki a Tesalonika ki ki ri ɓi Bɛ̀ll Seŋi rì ɓi Yeesus Kiris Kan. Geesɛ̀n, rì fyòoog ɓyɛɛ ɓa ɓìfayɛn a lɔ̀ŋkin.

TÈSÀLÒNÌSYƐŊ 2:2

Di tì ka kpaŋ ɓi a lɔ̀ŋkin, tì ghɛngà mɛ̀tɔɓ, ɓum ɓɛ ki yeesi ɓisi a Filiɓ lɔŋ yɛ̀ɛ ɓì yii, wɔ̀lɛ Bɛ̀ll à faghà ɓìsi ìtèɗ wulɛ ti ghagsi mìni Syeesyee à Ɓɔlɛ wìì nsoò yɛ̀ɛ ki ɓaghà bimiɗ à wɛ̀y.

2 TÈSÀLÒNÌSYƐŊ 1:1

Mɛ̀ Pol, ɓɛɛ̀ Silas, rì Timote, tì kàniì ɓumɓɛ ɓi Kìseŋi ki ɓɛgherɛ̀n ki a Tesalonika, ki ki ri ki Bɛ̀ll à Seŋi wìs, ɓi Yeesus Kiris à Kan wìs.

2 TÈSÀLÒNÌSYƐŊ 1:10

yɛ̀ɛ à ri yù ɓi ŋwos anɛ̀n lɛ a kem̀ ɓi ɓum ɓii, ɓɛ ki sɛsɛg nyi rì mis ɓi ɓɛ̀roɓɛ ɓɛ gherɛ̀ngà nyi ɓɛ̀cèm; mìnii gherɛ̀ngà gì kɔm̀ ɓɔlɛ ànɛ tì kalìghà mìni.

TIMOTE 1:2

Ǹkàni Timote, à kɔɔ̀kɔɔ̀ wɛ̀m à man ɓi rìgherɛ̀n, Bɛ̀ll Seŋi rì Kan wìs Yeesus Kiris ɓɛɛ fa wɔ̀ lɛ, rì geesɛ̀n, rì rìcenɛ̀n, rì fyòoog.

TIMOTE 3:8

Ɓɛ̀dyaakìrɛ̀ girig ɓɛɛ ɓa rì rìmum, ɓɛ ɓa ɓumɓɛ ɓɛ yin ɓiì ghèeghelɛ̀n ɓɛ̀ kɛɛ̀ falɛn ɓi mɛ̀rɔ̀g lɛɛ̀gwey, ɓɛ̀ kɛɛ̀ ki ɓa ɓumɓɛ ɓɛ yin ɓiì kaakaa rifɔ̀n ɗi mɛsòo;

Kaàtà ànɛ Pol à kàngà TIT 1:1

Mɛ̀ Pol ànɛ ǹɗì ǹkìì-kìsay a Bɛ̀ll, ǹki ɓa ti ǹkɛ̀nì-fìtom a Yeesus Kiris lɛ nsyoŋ̀ yì ɓumɓɛ ɓɛ ri ɓɛ̀ɓɔ̀nɛn lɛ ɓɛɛ gherɛn Bɛ̀ll, ɓɛ ki yi saaɗ ànɛ à rì yɛ̀ɛ rìgherɛ̀n ɗis ɗyɛɛ̀ kpaakpàà,

Kaàtà ànɛ Pol à kàngà TIT 1:7

Lɛ ki ghɛɛ̀sɛɛ lɛ ǹkɛ̀ɛ̀sì-kìseŋi a ɓa kɛ̀ɛ̀ tìcɔrɔɓ fɛlɛ yɛ̀ɛ m̀ɓèŋì ɓyom ɓi Bɛ̀ll; à ghɛ̀ɛ̀sɛɛ ɓi ki ɓaà rì kalɛn kɛ̀ɛ ɓa ŋwaà bim, kɛ̀ɛ ɓa kinɔɔ̀ mɛ̀rɔ̀g, kɛ̀ɛ ɓa ri ɓìgùg, kɛ̀ɛ ɓa ri kìsyɔ̀ɔ̀ ki lɛ a fɔngi mɔ̀ɔ̀ni ɓi kìcòò.

FILEMƆŊ 1:1

Mɛ̀ Pol ànɛ ǹɗì kìmbùŋ ɓisuu Yeesus Kiris ɓɛɛ̀ geni wɛ̀m ànɛ lɛ Timote, ɓìsi yɛɛ kani lɛ rì Filemɔŋ à reŋkàŋ wìs a ǹɗem, ànɛ ti kìki kisay kifog rì nyi,

EBIREEGH 13:23

Yiina lɛ, ɓɛ ncàri Timote à geni wìs anɛ àa nɗì m̀ɓamɓanɛn, i à fyaŋzii fɛ kì kpaŋì, di tì rì mìni ɓiì yùu ki ghɛɛ̀ ǹɗaŋ lɛ rì mɛ̀ rì nyi.

ZYAG 1:1

Mɛ̀ Zyag, ànɛ ǹɗì Ǹkìì-kìsay a Bɛ̀ll rì à Kan Yeesus Kiris, ǹkàni mɛ̀pwìɗ mɛ Isirayɛl, ǹtɛ̀ɗ ɗì mɛɓɛɛ̀ mɛ mɛ saàtɛ̀ngà zi bimiɗ. Ǹtògsii yàà!

1 PYƐƐRI 2:25

Ɓisuulɛ ɓì ɓaghà fɛlɛ yɛ̀ɛ jɔ̀ɔ̀ yi yɛɛ dèŋdèŋ kɛ̀ɛ̀ m̀ɓèŋì, wɔ̀lɛ ɓigomìnɛ, ɓì mɛ sugti yɛ̀ɛ mɓèŋì-jɔ̀ɔ̀ ànɛ a ɓèŋɓeŋ mɛghay min.

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.

ÀPÒKÀLIƁSƐ̀ 1:1

Àpòkàliɓsɛ̀ à Yeesus Kiris, ànɛ Bɛ̀ll à faghà nyi lɛ a resi ɓɛ̀kìì-ɓìsay ɓii ɓiɓan ɓi ɓi ghɛɛ̀sɛɛ kì kìlɛɛ di maa cààmɛ̀n à ghaghii, ɓyɛɛ̀ɓi à kìghà lɛ ɓum ɓɛɛ yi, yɛ̀ɛ à romgày mum wiì à fìtom yɛ̀ɛ nkìì-kìsay wiì ànɛ lɛ Zyaŋ,

ÀPÒKÀLIƁSƐ̀ 1:20

Ɓi ɓɛg ànɛ a ɓɛ̀azi ɓɛ a rìnyam ɓɛ ɓi tyɔɛy ti kitaàɓɛ̀ɛ̀ ti wàa ghɛɛ mɛ̀ rì tyɔ ɓi càg ki weèlem, rì ɓìrɛsì ɓi lamɓà ɓi gol taàɓɛ̀ɛ̀, tyɔɛy ti kitaàɓɛ̀ɛ̀ ti ri ɓum ɓɛ titom ɓɛ Ɓiseŋi ɓi kitaàɓɛ̀ɛ̀, ɓìrɛsì ɓi lamɓà ɓi kitaàɓɛ̀ɛ̀ ɓyɔɔ ri Ɓìseŋi ɓi kitaàɓɛ̀ɛ̀ ɓincèm.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.

ÀPÒKÀLIƁSƐ̀ 2:12

Kàna ŋwaà-fìtom anɛ ɓi kìseŋi ki a Pɛrigam lɛ, fɛlɛ nnɛ roànɛ à rì rì gàfàg ìnɛ ì rì ǹto lɛ pyɔŋpyɔŋ, yɔ̀ mpooyɛn ɓɛɓɛg ɓɛ̀cèm a kalàg:

ÀPÒKÀLIƁSƐ̀ 2:8

Kàna ŋwaà-fìtom anɛ ɓi Kìseŋi ki a Simirinɛ lɛ: Mum ànɛ à rì lɛ nyi ŋwaà ǹtonto, nyi ŋwaà siitòn, mum ànɛ à wughà à ki ghèmɓɛn, a kpaaghi fɛlɛ:

ÀPÒKÀLIƁSƐ̀ 22:9

Kìɓan kifog à kpaaghà mɛ̀ lɛ, kɔ̀ɔ fèghrɛn ki kìi com kidɛŋ fɔlɔɔ! Ǹɗì lɛ, mɛ̀ reŋkàŋ wɔ̀ɔ̀ a kìsay, ǹki ɓati reŋkàŋ à ɓɛ̀goni ɓɛ lɛ ɓɛ̀kpaŋzì-ɓìɓan, rì ɓɛ̀roɓɛ ɓɛɛ̀ ɓèŋɓeŋ jɛ̀ɛ̀ yi ɓi kaàtà ànɛ, Bɛ̀ll innɛ ɓɔgsi.