MATYOO 4:3 - Bafia Nouveau Testament

³ Fɔɔnnɛ ǹfèèghrɛ̀n-ɓum à tyɛ̀ɛ̀tɛ̀ngà nyi jàŋbog, à kpaa nyi lɛ: I ù rì Man à Bɛ̀ll kali gɔ̀g yi, yɛɛ ghay ɓìɗilàg.

MATYOO 4:3 Iomraidhean Croise

MATYOO 14:33

Ɓumɓɛ ɓɛ ɓaghà ɓi kìkɔm ɓɛ ɓakà Yeesus mɛ̀ɗu asu ɓɛ kpaa nyi lɛ: Ù rì lɔŋ Man à Bɛ̀ll a tààkaà.

MATYOO 16:16

Simɔn Pyɛɛri à ɓàg lɛ: U rì Kiris, Man à Bɛ̀ll ànɛ à rì cem.

MATYOO 26:63

Wɔ̀lɛ Yeesus à maamààghà lɔŋ. Nni ǹlàmì-ɓɛ̀pìrɛɛtìrɛ̀ àgwey à tɔgtìghà nyi lɛ: Ɓi ɗii ɗi Bɛ̀ll ànɛ à rì cencem ǹtɔɔgh lɛ ù kali ɓìsi ù ki kànɛn bɛ̀ɗ ǹkòo wɔ̀ yɛɛ ri Kiris Man à Bɛ̀ll

MATYOO 3:17

Nni jɛ̀ɛ̀ ì ɓaghày ɓi ɗyoo ì kpaa lɛ: Roànɛ à rì Man wɛm̀ ànɛ ǹkeesii, ɓi nyi nnɛ ǹfogà ǹkɔ̀nɛ̀n wɛ̀m bimiɗ.

MARIKUS 1:1

Rìtumɛ̀n ɗi Syeesyee à Ɓɔlɛ à Yeesus Kiris Man à Bɛ̀ll.

MARIKUS 3:11

Ɓìɓeɓtàg ɓi mɛghay ɓi ɓalàkà lɛ, i ɓi ghɛɛ Yeesus, ɓi ɓag nyi mɛ̀ɗu asu, ɓi ki syan jɛ̀ɛ̀ aɗyoo lɛ: Ù ri Man à Bɛ̀ll.

MARIKUS 5:7

à ki syan jɛ̀ɛ̀ aɗyoo rì ìtèɗ lɛ: Yeesus, Man à Bɛ̀ll ànɛ à teŋmɛɛ kɛ̀ɛ̀ vèg cɛ kɛɛ rì wɔ̀ rì mɛ̀? M̀ɓɔ̀ŋzii wɔ̀ ɓi ɗii ɗi Bɛ̀ll lɛ, kɔ̀ɔ ki mɛ ǹtɔɓ.

LUKAS 1:35

Ŋwaàfìtom a pɛ̀ɛ̀zì nyi lɛ: Kìtɛntɛ̀ɛ̀n ki Nghay ki rì ɓiì yùu a lɔ̀ŋkɔɔ, fɔlɔɔ nnɛ ìteɗ wu Bɛ̀ll ànɛ à teŋmɛɛ kɛ̀ɛ̀ vèg wu rì wɔ̀ ɓiì ɓyɔɔ. Fɔlɔɔ nnɛ ɓɛ ri regi kìtɛntɛ̀ɛ̀n ki Man ki ù ɓiì yalì lɛ: Man à Bɛ̀ll.

LUKAS 22:70

Nni ɓɔɔ̀cèm ɓɛ tɔkà lɛ: Yɛɛ lɔɔ lɛ ù rì Man à Bɛ̀ll wa? Yeesus à ɓàg ɓɔ lɛ: Ɓì kpaa miì, ǹɗì Man à Bɛ̀ll.

LUKAS 4:3

Nni Satàn a kpaaghà nyi lɛ: I ù yii lɛ ù rì Man à Bɛ̀ll, kali gɔ̀g ìnɛ lɛ yɛ̀ɛ ghas̀ bìrɛs.

LUKAS 4:41

Ɓìɓeɓtàg ɓi mɛghay ɓi kpaŋkpàŋgà girig ɓum lɛɛ̀gwey ɓi nyoo, di ɓyɛɛ̀ syaasyaàdɛ̀n ɓi kpaakpàà lɛ: Ù rì Man à Bɛ̀ll, wɔ̀lɛ Yeesus kɛ̀ɛ fa ɓyɔ bee ìnɛ lɛ, ɓyɛɛ toòghrɛn, ɓisuulɛ ɓi yighà lɛ nnyɛɛ ri Kiris.

LUKAS 4:9

Fɔɔnnɛ Satàn a kɛ̀ɛ̀dìtìghà rì Yeesus a Yorisalɛm, à ɓɔgsì nyi ɓi fìran fi naà-Bɛ̀ll à kpaa nyi lɛ: I ù yii lɛ ù rì Man à Bɛ̀ll, lɛla fɛ, u kɛǹ kì ciɓì ɓi zi.

ZYAŊ 1:34

Mɛ̀ ǹghɛngà kìɓan kiǹ, fɔɔnnɛ ǹkpaaghà miì lɛ, nnyɛɛ ri Man à Bɛ̀ll.

ZYAŊ 1:49

Fɔɔnnɛ Natanayɛl à kpaaghà min Yeesus lɛ: Raɓì, ù rì Man à Bɛ̀ll, ù rì rìfòm ɗi Isirayɛl.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 9:35

Yɛ̀ɛ Yeesus à wokà lɛ, ɓɛ nnàɓi ŋwaànɛ̀n, nni à tuusɛ̀ngà rì nyi, à kpaa nyi lɛ: Ù gherɛɛ nya Man à mum?

MƐ̀KÌKÌÌ MƐ ƁƐKƐ̀NÌ-FÌTOM 9:20

Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll.

2 KƆ̀RƐ̀ŊTYƐŊ 1:19

Ɓisuulɛ Man à Bɛ̀ll Yeesus Kiris ànɛ ɓìsii kakàlìghà ɓum foo a lɔ̀ŋkin lɛ rì mɛ̀ rì Silas rì Timote, à ɓaghà ɓi mɛgheri mɛɓɛɛ̀ lɛ rì ɛ̀ɛ̀ rì èe èe; lɔŋ ɛ̀ɛ̀ nyi rì nyi yɛɛ ri a lɔ̀ŋkii.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

TÈSÀLÒNÌSYƐŊ 3:5

Fɔlɔɔ nnɛ yɛ̀ɛ m̀ɓatìghà ɓi lɛ m̀ɓoŋɓòŋ tì nni ǹɗomgày Timote lɛ a yu kìwoògh lannɛ rìgherɛ̀n ɗin ɗyɛɛ̀ kɛ̀ɛ̀kɛ̀ɛ̀, lɛ ǹɗirìsìghà lɛ kɛ̀ kɛ̀ɛ ɓa lɛ ǹfèèghrɛ̀n-ɓum à fèèghrɛ̀ngà mìni lɛ kìsay kis kɛɛ wu zɛy.

EBIREEGH 12:16

Ɓì konàg lɛ ŋwaàdɛŋ kɛ̀ɛ ɓa ri cɛɓ ki tɔɔtɔɓki, nsoò lɛ a ɓa rì zɛɛtɛn ɓi ɓyom ɓi ɓi ri kìcèlì fɛlɛ yɛ̀ɛ Eso ànɛ à kàɓkà ìkɔ̀ɔ̀ wii wu risɛ̀ɛ̀mɛn ɓisuu càà ki ɓiɗilàg.

EBIREEGH 4:14

Yɛ̀ɛ tì rì min ri nkɔ̀mɛ̀n-ɓɛ̀pìrɛɛtìrɛ̀ àgwey lɛ Yeesus ànɛ à rì Man à Bɛ̀ll ànɛ à ɓɔkà aɗyoo yɛ̀ɛ Bɛ̀ll, tì ghɛ̀ɛ̀sɛɛ kì sììrɛɛ lɛ syeesyee ɓi ɓìɓan ɓi tì gherɛɛ ɓyɛɛ̀ɓi tì ti tì kakàlì ɓum.

EBIREEGH 7:3

À rì kɛ̀ɛ̀ seŋi, kɛ̀ɛ̀ jɛɛ, kɛ̀ɛ̀ rìfuuyì; ɓɛ ɓuŋi ɓi kiɓan ki riyalɛ̀n ɗii, nsoò ki riwù ɗii jàŋ idɛŋ, à pisɛɛ Man à Bɛ̀ll ànɛ à rì lɔŋ pìrɛɛtìrɛ̀ fìɗyàɓ fikɔ̀ɔ̀.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.