LUKAS 9:12 - Bafia Nouveau Testament

¹² Di ŋwos a ti ɓiì kɛ̀nkɛni, nni ɓɛ̀yilàg ɓii ǹtɛ̀ɗ rì ɓɛɓɛɛ̀ ɓɛ tyɛɛ̀tɛ̀ngày, ɓɛ kpaa nyi lɛ: Kali gwìy ì ɓum ìnɛ lɛ, yɛ̀ɛ kɛǹ ɓi ɓìlɔ̀ŋ rì ɓi jɛ̀m yi ɓilɔ̀ŋ ɓi ɓi ri fɛ jàŋbog, ɓɛɛ kaà fìlo, rì com ki ɓɛ rì lɛ ɓɛ ɗi, ɓisuulɛ jàŋ inɛ tì rì ìnɛ ì rì kɛ̀ɛ̀ com.

LUKAS 9:12 Iomraidhean Croise

MATYOO 14:13

Yɛ̀ɛ Yeesus à wokà ɓɔlɛ ànɛ̀n, à pɛ̀sɛ̀n ɓi jàŋ inɛ̀n ɓi kìkɔm, à kɛ̀n kìpàs ɓi kìlɛŋ ki jàŋ. Yɛ̀ɛ ɓum ɓɛ wokà fɔlɔɔ, ɓɛ pɛɛ̀pɛ̀sɛ̀n yì ɓi bàn, ɓɛ nɔɔ̀tàg nyi wɔɔ ri mɛ̀kòò.

MATYOO 15:23

Wɔ̀lɛ Yeesus à mìnɛ̀n giɓ anɛ̀n; ɓɛ̀yilàg ɓii ɓɛ tyoŋdɛ̀n nyi a nyoo, ɓɛ kpaa nyi lɛ: Nàɓa giɓ anɛ, ɓisuulɛ a nɔ̀ɔnɔɔ̀tìì ɓìsi ajɛ̀m rì kìyoòyòò.

MATYOO 15:32

Nni Yeesus à reŋighà ɓɛ̀yilàg ɓii, à kpaa ɓɔ lɛ: Nyìighnyìg ì kìi mɛ̀ rì gwìy ì ɓum ìnɛ, ɓisuulɛ mɛ̀ru mɛɛ ti lɛ mɛraa, yɛ̀ɛ ɓɛ rì fɛ rì mɛ̀. Kɛ̀ɛ̀ com ki lɛ ɓɛɛ ɗi. Ki kɔni ɓi mɛ lɛ ncaɗ ɓɔ lɛ ɓɛɛ kɛǹ zày, lɛ àdɛŋ à rì ɓiì ki kpìi ɓi bee.

LUKAS 9:11

Yɛ̀ɛ ɓìtuu ɓi ɓum ɓi wokà jàŋ inɛ à ɓaghà, nni ɓi nɔɔtàkà nyi wɔɔ, Yeesus à ghàɓ ɓɔ lɛ syeesyee, à kpaakpaa ɓɔ ɓɔlɛ̀ à kìlɔ̀ŋ ki Bɛ̀ll, à ki wɔ̀ɔwɔɔ̀zì ɓumɓɛ ɓɛ ɓaghà rì rìkɛŋ ɓi nyòò.

LUKAS 9:13

Yeesus à ɓàg ɓɔ lɛ: Mìniìɓɔmiɗ, faana ɓɔ ɓìɗilàg; wɔ̀lɛ ɓɛ̀roɓɛǹ ɓɛ kpaa nyi lɛ: Tì rì lɔŋ fɛ lɛ bìrɛs yitaǹ, rì ɓìzɛn ɓìɓɛɛ̀; tì rì lɛ tì lam ɓumɓɛ ɓɛ̀cèm di tì ɓa tii yì nya kìlaàgh ɓiɗilàg ɓidɛŋ ɓisu wàà.

ZYAŊ 6:1

Ajɛ̀m ìnɛn, Yeesus à syààghà cɛcɛɗ ki riɓày ànɛ a Galile, ànɛ ɓɛ nɗegì tì lɛ rìɓày ànɛ a Tiɓeriyaadɛ.

FÌLÌPYƐŊ 1:19

ɓisuulɛ ǹ-yii lɛ, kìɓan kiǹ ki ɓiì lɔ̀ɔ̀ghrɛɛ ɓi bee inɛ lɛ mɛ̀ ǹghɛɓ lɛ bɔ̀ŋzɛ̀n yin, rì ǹghɛɓsɛn wu Ǹghay à Yeesus Kiris à ti à yùlàg rì wɔ.