LUKAS 9:1 - Bafia Nouveau Testament

¹ Nni Yeesus à taŋzɛ̀ngà ɓɛ̀yilàg ɓii ǹtɛ̀ɗ rì ɓɛɓɛɛ̀, à fa ɓɔ itèɗ wu nàɓɛn ɓiɓeɓtàg ɓi mɛghay mɛ̀kuu mɛ̀cèm, rì wulɛ ɓɛɛ wɔɔ̀wɔ̀ɔ̀zì ɓɛ̀roroɓ.

LUKAS 9:1 Iomraidhean Croise

MATYOO 16:19

Nɗì wɔ̀ ɓiì faà tìɗìɓà ti ɓi kìlɔ̀ŋ ki aɗyòò, fɔɔnnɛ com ki ù kàŋi fɛ ɓi ziinɛ, kɛɛ̀ki ɓɛ ri kàŋ aɗyòò, ki ù fumii fɛ ɓi ziinɛ, kɛɛ̀ki ɓɛ ri fùmi aɗyòò.

MATYOO 4:24

Rìkem ɗii ɗi saaghà jàŋbimiɗ a Sirii, fɔɔnnɛ ɓɛ yuyùghày nyi lɛ, rì ɓum ɓɛ̀cèm ɓɛ ɓɛ roròɓkà tìroɓ mɛ̀kuu mɛ̀kuu rì, ɓɛ ɓɛ wowòkà rìkɛŋ bee lɛ bee, ri ɓɛ̀roɓɛ ɓɛ ɓaghà rì ɓìɓeɓtàg ɓi mɛghay, rì ɓɛ̀roɓì kìtìs, rì ɓìsɛkɛ̀rɛ̀, Yeesus à ki wɔ̀ɔwɔɔ̀zì ɓɔ.

MATYOO 8:9

Ɓisuulɛ, màànɛ ǹɗì ànɛ, ǹɗì ri ɓumɓɛ ɓɛ lamii mɛ̀, ǹki ɓa girig rì ɓɛ̀sujàà ɓɛ mɛ̀ ǹlàmii; i nkalii àdɛŋ lɛ, kɛ̀na, à kɛ̀n, ǹkalì roàmbog lɛ, yuiy, à yùy, nsoò ǹkìì-kìsay wɛm̀, i nkpaa nyi lɛ kìya rìkuu ɗi kiɓan ɗi, à kì.

LUKAS 10:1

Ajɛ̀m ìnɛn, Kan à ɓɔ̀ɔ̀dìghà ɓɛ̀yilàg ɓɛdɛŋ mɛ̀tin mɛraa rì ǹtɛ̀ɗ à log ɓɔ kì romì beèbɛ̀y ɓɛ̀sɛ̀ɛ̀ ɓɛɓɛɛ̀ ɓɛɓɛɛ̀, ɓi bàn rì ɓi jàŋ yicèm yi nyimiɗ à ghɛ̀ɛ̀sɛ̀ngà wɔɔ ki kɛ̀ɛ.

LUKAS 10:19

Ghɛɛna lɛ, mɛ̀ɛ nfaa mìni ìtèɗ wulɛ ɓi kɛɛ̀kɛɛ ɓi nyoo, rì ɓi tìrèè, ɓi ki dùŋzag ìteɗ wu bènàbena ànɛ lɛ Satàn wùcèm; fɔɔnnɛ com kaa kì ɓi wààdɛŋ.

ZYAŊ 14:12

Ǹkalii mìni saaɗ à rìkpaa lɛ, ŋwaànɛ à gherɛɛ mɛ̀, à ɓiì kìi girig ɓìɓan ɓi mɛ̀ɛ nkìkì, à ki kì kɔm̀ ɓìɓan ɓi ɓi cee ɓiǹ ɓisuulɛ ǹkɛ̀ɛ yɛ̀ɛ Tààta.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 3:16

Ǹtyweeyi wu tì rì rì wɔ ɓi ɗii ɗi Yeesus wɛɛ kii lɛ, ɗii ɗìn ɗyɛɛ fa mɛ̀kòò mɛ ŋwaànɛ ɓi yii ànɛ ìtèɗ yɛ̀ɛ ɓi seesèè, fɔɔnnɛ ǹtyweeyi wu ɓi Yeesus wɛɛ kii lɛ, a wɔǹ lɛ kɔɔ̀kɔɔ̀ lɔŋ yɛ̀ɛ ɓi seesee lɔɔ ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 4:30

Nàmas̀ càg kɔɔ lɛ ɓum ɓɛɛ̀ wɔ̀nwɔn tìroɓ, ɓɛ̀koŋnyoo ri dàm yi ɓiɓan ɓi kiìkìlɛ̀n ɓi ɗii ɗi Yeesus ànɛ àrì ǹkìì-kìsay wɔɔ à ntɛnɛn.

MƐ̀KÌKÌÌ MƐ ƁƐKƐ̀NÌ-FÌTOM 9:34

Nni Pyɛɛri à kpaaghà ŋwaànɛ̀n lɛ: Enee wɔ̀, Yeesus Kiris à wɔ̀ɔ̀zii wɔ̀, pɛ̀sɛn aɗyoo, u pegsɛn ɓyom ɓilɔ̀ŋ ɓyɔɔ. Fɔɔnnɛ ŋwaànɛ̀n à ghàskà kì pɛ̀sɛɛ aɗyoo.