LUKAS 8:15 - Bafia Nouveau Testament

¹⁵ Boo ìnɛ ì kpìghà ɓi zi i m̀fɔmɛn yɛ̀ɛ ri fɛlɛ yɛ̀ɛ ɓɛ̀roɓɛ ɓɛ ti ɓɛ wokì jɛ̀ɛ̀ ì Bɛ̀ll syeesyee à rìwog, ri mɛ̀rem mɛ syeesyee mɛ mɛ ki rì mɛ̀tɛnɛn, ɓɛ ɓeŋ̀ yɔ̀, ɓɛ ki wum ɓiɗùn lɛ kìsììrì kaa.

LUKAS 8:15 Iomraidhean Croise

MATYOO 24:13

Wɔ̀lɛ ŋwaànɛ à rì ɓiì sììrɛɛ ɓi rìgherɛ̀n à kpaŋ a rìsugtɛ̀n, à ɓiì ghɛɛ̀ cɛɓ.

LUKAS 11:28

Wɔ̀lɛ Yeesus à ɓàkà nyi lɛ: Ɓumɓɛ ɓɛɛ̀ kìki lɛ, ɓɛ wowòg jɛ̀ɛ̀ ì Bɛ̀ll ɓɛ ki ɓèŋɓeŋ yɔ̀, ɓɛɛ ri kom̀ ɗì ɓɛ̀mààgh.

LUKAS 6:45

Syeesyee à mum à ti à kìlàg ɓìɓan ɓi syeesyee lɛ, à rì rì syeesyee à ǹɗem; kìɓeɓtàg ki mum ki kilàg ɓìɓan ɓi ɓeɓtɛn lɛ, ki ri rì kìɓeɓtàg ki ǹɗem, lɛ ŋwɔm wu mum wɛɛ̀ kpaakpaa kiɓan ki ki roni nyi ǹɗem.

LUKAS 8:14

Boo ìnɛ ì kpìghà ɓi ɓìkàrag ì rèsii ɓɛ̀roɓɛ ɓɛ rilàg lɛ, i ɓɛ woogh jɛ̀ɛ̀ ì Bɛ̀ll, ɓyom ɓi lɛ, rì cɛɛ̀-ǹɗem ànɛ ɓi ɓìɓan ɓi zɛy rì zɛy, rì rìyɛ̀y ɗi zi, ɓi duŋzì rìgherɛ̀n ɗyaa, ɗi rɔɓ bee ri bee, ɗyɛ̀ kɛɛ̀ wum ɓidùn ɓi lɛ ɓɛ kɔs.

LUKAS 8:16

Ŋwaà yin lɛ à ròòsì lamɓà lɛ a sigtɛn nyi rì kìbɔkɔ̀, nsoò lɛ a rɛsi nyi a ɓyomɓilɔ̀ŋ ɓii zi; com ki à rì lɛ à kì ki ri lɛ, a saagh nyi ɓi com aɗyòò, lɛ i mum à ɗiŋii yì ɓi naa, à ghɛnɛ̀n.

ZYAŊ 14:15

I ɓì keesii mɛ̀, ɓì ɓiì ɓèŋi ɓidɔ̀gsɛna ɓyɛm̀.

ZYAŊ 15:10

I ɓì ɓèŋi ɓìdɔ̀gsɛna ɓyɛm̀, ɓì ɓiì kɔ̀rii ɓi nkɔ̀nɛ̀n wɛ̀m, fɛlɛ yɛ̀ɛ mɛ̀ m̀ɓègà ɓìdɔ̀gsɛna ɓi Seŋi wɛ̀m fɔɔnnɛ ǹkɔ̀kɔrii ɓi nkɔ̀nɛ̀n wìì.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

RÒMƐŊ 7:18

Ɓisuulɛ ǹ-yii lɛ ìtèɗ wu kìyɛn kiɓan ki syeesyee, wu kaarɛɛ mɛ̀, lɛ ǹɗì mum rì mɛ̀mùù, ǹɗi ɓeg lɛ nki kìrɔɔ, kìɓan kifog, kɛ̀ɛ mɓa ri ìtèɗ wulɛ ǹkì kɔ.

RÒMƐŊ 7:4

Ɓɛ̀geni ɓɛ̀m, ki ri girig fɔlɔɔ ɓisu win ɓi san ànɛ a ɓìdɔ̀gsɛna, ɓì rì ɓiloŋ lɛ nyoo ì Kiris, lɛ ɓi ɓa ɓumɓɛ ɓɛ wooghrɛɛ rì ŋwaàdɛŋ; ɓigomìnɛ, ɓì wooghrɛɛ rì roànɛ à ghèmɓɛ̀ngày a ɓìloŋ lɛ di ti ki ɓìɓan ɓi syeesyee ɓisuu Bɛ̀ll.

RÒMƐŊ 8:25

Wɔ̀lɛ i ti ɗyàaɗyaɓɛ̀n com ki tì ghɛɛ ɓi, tì rì kɔ ɓiì ɓoŋɓoŋi ri kìsììrì.

1 KƆ̀RƐ̀ŊTYƐŊ 7:19

Kìɓan ki lɛ ŋwaà rì ǹkɛ̀rɛn nsoò lɛ à yin ǹkɛ̀rɛn, ki ghɛɓsii ɓi com, lɔŋ rìɓèŋ ɗi ɓidɔ̀gsɛna ɓi Bɛ̀ll ɗyɛɛ ghɛɓsii.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

EBIREEGH 10:36

Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

EBIREEGH 2:1

Kìɓan kiǹ kɛɛ̀ki tì ghɛ̀ɛ̀sɛɛ kì ɓiisɛɛ ki ɓaà ɓɛ̀ sììrɛn ɓi ɓìɓan ɓi tì wokà di tì kɔ̀ni ɓi lɛ, ti ɗyaŋ.

ZYAG 1:4

kìɓan kifog, ki ghɛɛ̀sɛɛ lɛ rìnìɗ ɗin ɗi nɗem ɗyɛɛ ki ɓìɓan ɓi ɓi rɔɔtɛɛ lɛ kɔɔ̀kɔɔ̀, di fɔlɔɔ nnɛ ɓi ɓa ɓumɓɛ ɓɛ kii lɛ, ɓɔ kɛ̀ɛ̀ bɛ̀lɛn nsoò bog, ɓɛ ki ɓa ɓɛronɛn ɗi ɓìɓan ɓìcèm, com ki ki kaarɛ̀n ɓɔ, kɛ̀ kɛɛ̀ ɓa.

1 ZYAŊ 2:3

I ti ɓèŋɓeŋ ɓidɔ̀gsɛna ɓi Bɛ̀ll, fɔɔnnɛ tì rì lɛ tì yi lɛ, tì mɛ yi Bɛ̀ll.