LUKAS 8:13 - Bafia Nouveau Testament

¹³ Ɓɛ̀roɓɛ ɓɛ ri ɓi tìcɔg ɓɛ ri ɓumɓɛ ɓɛ ti i ɓɛ woogh jɛ̀ɛ̀ ì Bɛ̀ll, ɓɛ ghaɓ yɔ̀ rì kìnyàà kìɓan kifog, ɓɛ̀ kɛɛ̀ càɗ jɛ̀ɛ̀ ìnɛn lɛ yɛ̀ɛ ɓag gàŋ ɓi mɛ̀rem maa; i mɛ̀fèèghrɛn mɛ kpaŋi a lɔ̀ŋkaa, ɓɛ naŋ rìgherɛ̀n.

LUKAS 8:13 Iomraidhean Croise

MARIKUS 6:20

lɛ Eroodɛ àa ǹnìgàg Zyaŋ, à ki kàmag ri nyi, lɛ à yighà lɛ Zyaŋ à ɓaghà saaɗ à mum, à ki ɓa ti ǹtɛnɛn ɓi mis mɛ Bɛ̀ll. Ɗyomzɛ̀n ɗi ǹti ɗi ɗimgì Eroodɛ cààmɛ̀n kìcèm ki à woogh ɓìtòkì ɓi Zyaŋ, kɔm̀ lɛ ki ǹkɔ̀ngì nyi lɛ a wowog ɓyɔ.

LUKAS 8:12

Ɓɛ̀roɓɛ ɓɛ ri ɓi tim̀ à bee, ɓɔ yɛɛ rilàg lɛ, i ɓaa wog jɛ̀ɛ̀ ì Bɛ̀ll, Satàn a yùy ɓɔ yɔ̀ ki pisii ɓi mɛ̀rem lɛ ɓɛɛ rɔɓ kɛ̀ ɓɛɛ̀ gherɛn, ɓɛ ki mɛ̀n cɛɓ.

LUKAS 8:14

Boo ìnɛ ì kpìghà ɓi ɓìkàrag ì rèsii ɓɛ̀roɓɛ ɓɛ rilàg lɛ, i ɓɛ woogh jɛ̀ɛ̀ ì Bɛ̀ll, ɓyom ɓi lɛ, rì cɛɛ̀-ǹɗem ànɛ ɓi ɓìɓan ɓi zɛy rì zɛy, rì rìyɛ̀y ɗi zi, ɓi duŋzì rìgherɛ̀n ɗyaa, ɗi rɔɓ bee ri bee, ɗyɛ̀ kɛɛ̀ wum ɓidùn ɓi lɛ ɓɛ kɔs.

ZYAŊ 15:2

Ŋwaɓ wucèm wu wu ri wù ròŋɛn ɓi mɛ̀, wɛ̀ kɛɛ̀ wum ɓiɗùn, à ti à rengì wɔ. Ŋwaɓ wucèm wu wu wumi ɓìɗùn, à farì wɔ lɛ wɛɛ konag tì kì wumì.

ZYAŊ 15:6

Ŋwaànɛ à yin nɗàrɛn ɗi mɛ̀, ɓɛ mag nyi ɓi dan yɛ̀ɛ ŋwaɓ wu kite, à womdàg; ɓɛ ɓadɛ̀n min myaɓ mɛ ɓiloŋ mɛǹ, ɓɛ pig mɔ ɓi ɗuu, mɛ ɗikì.

ZYAŊ 5:35

Zyaŋ à ɓaghà fɛlɛ yɛ̀ɛ lamɓà ànɛ a ròòròò, à kpeèkpèŋzì jàŋ, nni ki kɔngà mìni lɛ ɓi nyaàrɛn rì kìtɛɛtɛn kii ɓi maa cààmɛ̀n.

1 KƆ̀RƐ̀ŊTYƐŊ 13:2

Nsoò màa rì rì rìfa ɗi Nghay ɗi lɛ nkpaàkpàŋzì ɓìɓan ɓi Bɛ̀ll, màa soo yii dàm yi ɓiɓan yicèm yi a rìnyam, ǹki yi ɓiɓan ɓìcèm, nsoò màa rì kɔm̀ ɗì rìgherɛ̀n ɗi ɗi ri lɛ ɗi pɛsì dòn lɛ yɛ̀ɛ, pɛsɛn jàŋ inɛ ì rì, i ǹ-yin ɗi ǹkɔ̀nɛ̀n, di ǹɗì lɔŋ com ki zɛy.

1 KƆ̀RƐ̀ŊTYƐŊ 15:2

Syeesyee à Ɓɔlɛ ànɛ̀n innɛ ɓì ki rì ɓiì ghɛɛ̀ cɛɓ lɛ nyi, di ɓì ɓèŋi nyi lɔŋ yɛ̀ɛ ǹghagsìghà mìni nyi, kɛ̀ɛ̀ fɔlɔɔ, di rìgherɛ̀n ɗi ɓì gherɛ̀ngà ɗi ri kɛ̀ɛ̀ ìsu.

GÀLAT 3:1

Mìni, ɓumɓɛ a Galasi, lannɛ ɓì yèghii fɛlɛ? Ghɛn yɛɛ yogsii mìni mɛ̀rem, mìni ɓɛ ɓɛ resìghà Yeesus Kiris ànɛ ɓɛ kpangà ɓi Kɔrɔs.

GÀLAT 3:4

Gɛ ɓìɓan anɛ ɓì mɛ ghɛn anɛ à wii yɛɛlɔɔ zɛy? Di ɓi ki rì lɛ ɓi wu zɛy. Roànɛ à ti à falàg mìni Nghay à Bɛ̀ll,

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 2:7

Ɓaana ɓɛ̀ɓaghɛn gàŋ ɓi nyi, ɓì toŋ cɛɓ kin ɓi nyi, ɓì sììrɛ̀n ɓi rìgherɛ̀n lɔŋ yɛ̀ɛ ɓɛ resìghà mìni, ɓì ki fafa Bɛ̀ll ɓìtògsɛ̀n lɛɛ̀gwey.

TÈSÀLÒNÌSYƐŊ 3:5

Fɔlɔɔ nnɛ yɛ̀ɛ m̀ɓatìghà ɓi lɛ m̀ɓoŋɓòŋ tì nni ǹɗomgày Timote lɛ a yu kìwoògh lannɛ rìgherɛ̀n ɗin ɗyɛɛ̀ kɛ̀ɛ̀kɛ̀ɛ̀, lɛ ǹɗirìsìghà lɛ kɛ̀ kɛ̀ɛ ɓa lɛ ǹfèèghrɛ̀n-ɓum à fèèghrɛ̀ngà mìni lɛ kìsay kis kɛɛ wu zɛy.

TIMOTE 1:19

ù ɓèŋ rìgherɛ̀n rì syeesyee à ǹɗem. Syeesyee à ǹɗem ànɛ̀n, ɓum ɓɛdɛŋ ɓɛ mɛ naŋ nyi, rìgherɛ̀n ɗyaa ɗi ɓɛǹ mɛ̀nig yɛ̀ɛ ɓumɓɛ rìɓày à teri.

EBIREEGH 10:39

Ɓìsii yin ɓɛroɓɛ ɓɛ ti ɓɛ sugtàg rì jɛ̀m lɛ ɓɛɛ ɗyaŋ, ɓìsii ri ɓɛ̀roɓɛ ɓɛ gherɛɛ lɛ ɓɛɛ ghɛɓsi ɓyɛɓ ɓyàà.

ZYAG 2:26

Fɛlɛ yɛ̀ɛ nyoo ìnɛ ì rì kɛ̀ɛ̀ ǹghay ì rì kìloŋ, fɔlɔɔ nnɛ rìgherɛ̀n ɗi ɗi yin ɗi mɛ̀kìkìì ɗi ri girig kìloŋ.

2 PYƐƐRI 2:20

Fɔlɔɔ yɛɛ ri lɛ i ɓum ɓɛ ghasɛɛ yì rì ɓìɓan ɓi tifin ɓi ɓi ziinɛ lɛ rìyi ɗi ɓɛ yii Ǹghɛɓsì-ɓum, Kan Yeesus Kiris, nnɛ ɓɛ carɛɛ tì lɛ ɓɛɛ sugti ɓi ɓìɓan ɓiǹ ɓyɛɛ lami tì ɓɔ, rìɓa ɗyaa ɗi siitòn ɗi ɓiì ɓeɓtɛɛ ɗi cee ɗi ǹtonto.

2 PYƐƐRI 2:22

Kìɓan ki ki kighà ɓɔ ki resii saaɗ ànɛ ɓi dàɗkì ìnɛ yɛɛ̀ kpaaghi lɛ: Bu ìi nsugtii tì kì ɗiì ɓyom ɓi ì nlooghii, jèè inɛ ɓɛ wuɓsii lɔŋ a-kɔ̀ɔ̀, ì kɛ̀ɛ̀dì kì tɔɓɓɛɛ ɓi bìbìɗ.

1 ZYAŊ 2:19

Ɓumɓɛ̀n ɓɛ kpagày ɓi ǹɗaŋ wis kìɓan kifog, ɓɛ ɓaghà ɓi ɓɛɓàlɛn ɓi bàlì yìs i ɓum, lɛ i ɓɛɛ ɓa ɓɛ̀ɓàlɛn ɓi bàlì yìs, di ɓɛ rɔɓkà rì ɓìsi; nni ɓɛ mɛ ghasɛn ɗi ɓìsi lɛ kɛɛ ghɛnɛn lɛ tɛntɛ̀ɛ̀n lɛ, ɓɔɔ̀cèm ɓɛ ɓaghà ɓi ɓi bàlì ì ɓum ɓis.

ZYUUDƐ 1:12

Ɓumɓɛ̀n ɓɛɛ ti ɓɛ yulàg yì rì fìɓàg a ɓìɗilàg ɓin ɓi rigeni, jàŋ inɛ ɓɛ ti ɓɛ rokàg ɓi ɓìɗilàg kɛ̀ɛ̀ ǹtoòrìɗ ɓɛ fɔmfɔ̀m lɔŋ lɛ mùm maa mɔ rì mɔ. Ɓɛ ri yɛ̀ɛ ɓìkwìɗ ɓi bɛ̀ɓ yɛɛ̀ titìnì, ɓyɛ̀ kɛɛ̀ nɔsi bwey. Ɓɛ ri tì yɛ̀ɛ ɓìte ɓi ɓi ri kɛ̀ɛ ɓìɗùn nsoò ɓi cààmɛ̀n ki ɓyaa ghɛ̀ɛ̀sɛɛ kì wumì; ɓìte ɓi ɓi ri ɓì wuyɛn lɛ kɔɔ̀kɔɔ̀ ɓi ki ɓa ɓi mùsakɛn.