LUKAS 8:10 - Bafia Nouveau Testament

¹⁰ Nni Yeesus à ɓakà ɓɔ lɛ: Ɓi ɓɛg wìn, Bɛ̀ll à mɛ rèsi mini ɓìɓan ɓi ɓi kìlɔ̀ŋ kii, ɓi ɓi ɓaghà di ɓi kaka a rìnyam, wɔ̀lɛ ɓi ɓɛg ànɛ a ɓum ɓɛmbog, ɓìɓan ɓi ɓi ri ɓɔ yɛ̀ɛ dàɗkì lɛ di ɓɛɛ ɓa lɛ, ɓaa soo seesèè, ɓɛ̀ kɛɛ̀ ghɛn, ɓaa soo ki wowòg, ɓɛ̀ kɛɛ̀ yi.

LUKAS 8:10 Iomraidhean Croise

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

MATYOO 16:17

Nni Yeesus à teɗtìghà jɛ̀ɛ̀, a kpaa nyi lɛ: Wɔ̀ Simɔn, man à Zyonas, ù rì m̀màŋɛn, ɓisuulɛ, àa mum à mɛ̀mùù rì bwaɓ yɛɛ resii wɔ̀ kìɓan kiǹ, lɔŋ Seŋi wɛ̀m ànɛ à rì ɓi ɗyoo ɓi ɗùm nnyɛɛ resii wɔ̀ kɔ.

MARIKUS 4:11

Nni à ɓàkà ɓɔ lɛ: Mìnii ɓɛ ki ri ki fayɛn lɛ ɓi yi ɓìɓan ɓi ɓi ɓaghà ɓì nyamɛn ɓi kìlɔ̀ŋ ki Bɛ̀ll; ɓi ɓɛg ànɛ a ɓɛ̀ro ɓɛmbog ɓɛɛ̀ wowog lɔŋ ɓiɓan ɓìcèm yɛ̀ɛ dàɗkì

MARIKUS 4:12

lɛ kɛɛ ɓa lɛ, nsoò ɓaa seesèè lɛ tɛntɛ̀ɛ̀n, ɓɛ̀ kɛɛ̀ ghɛn, ɓɛ ri ki wog lɛ syeesyee, ɓɛ̀ kɛɛ̀ yi, lɛ di ɓɛ̀ kɛɛ̀ ki ɓa lɛ ɓɛ lɔɔ̀ghrɛ̀n mɛ̀rem, Bɛ̀ll à ki cenɛn ɓɔ ɓìɓe ɓyaa.

ZYAŊ 12:40

À ɗiŋzìghà ɓɔ tìɗyaŋ, à ki kì lɛ ɓɛ̀ kɛɛ̀ ɓa ti ri syeesyee à ɗyomzɛ̀n, lɛ ɓɛ̀ kɛɛ̀ ghɛnɛn ti rì mis maa, mɛ̀rem maa mɛ̀ kɛɛ̀ fègti kiɓan ki syeesyee, lɛ ɓɛ ɓiì ki lɔ̀ɔ̀ghrɛɛ mɛrem, ǹki wɔ̀ɔ̀zi ɓɔ.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

1 KƆ̀RƐ̀ŊTYƐŊ 12:11

Lɔŋ m̀bobog à Nghay ànɛ̀n nnyɛɛ̀ kìki ɓiɓan ɓiǹ ɓìcèm, à ki kàakàɓsì ɓyɔ lɛ rì ŋwaànɛ̀n miì à fa com ki à kɔ̀ni.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.