LUKAS 7:2 - Bafia Nouveau Testament

² Muu Ròmɛŋ àdɛŋ ànɛ à ɓaghà ǹkɔ̀mɛ̀n-ɓɛ̀sujàà, à ɓaghà rì ǹkìì-kìsay anɛ à keesìghà lɛɛ̀gwey; nni ǹkìì-kìsay anɛ̀n à roròɓkà, di à ti ɓiì kɔ̀ɔkɔɔ̀sì.

LUKAS 7:2 Iomraidhean Croise

MATYOO 27:54

Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

LUKAS 23:47

Yɛ̀ɛ ǹkɔ̀mɛ̀n-ɓɛ̀sujàà à ghɛngà com ki ki kilɛ̀ngà kiǹ, nni à faghà Bɛ̀ll rìkem, à kpaa lɛ: Ŋwaànɛ àa nɗì lɔŋ saaɗ à mum a tààkaà.

LUKAS 7:1

Yɛ̀ɛ Yeesus à lègsìghà kì kalii ɓiɓan ɓi à ɓaghà lɛ a kpaa gwìy ì ɓum ɓɛ kilɔ̀ŋ, fɔɔnnɛ à kɛ̀ngà a Kapɛrinawum.

LUKAS 7:3

Yɛ̀ɛ ǹkɔ̀mɛ̀n-ɓɛ̀sujàà ànɛn à wokà rìkem ɗi Yeesus, nni à pɛ̀sìghà ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛdɛŋ, à rom ɓɔ a lɔŋ̀kii, lɛ ɓɛɛ kpaa nyi lɛ, à yu kì ghɛɓsii ǹkìì-kìsay wiì.

LUKAS 8:42

ɓisuulɛ, à ɓaghà lɔŋ maa man bog, àncèm giɓ, di à ti bèg ǹtɛ̀ɗ rì yiɓɛɛ̀; nni man ancèm à kɔ̀ɔ̀kɔ̀ɔ̀sìghà. Yɛ̀ɛ Yeesus à kɛ̀nkɛ̀ngà wɔɔ, gwìy ì sììsììrìghà nyi lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 10:1

Ŋwaàdɛŋ à ɓaghà a Sezare ɗii lɛ Kɔrinɛy, à kɔ̀mɛ̀ngà ɓɛ̀sujàà mɛ̀tin mɛtaǹ ɓi ǹɗaŋ wu ɓɛsujàà wu a Italii.

MƐ̀KÌKÌÌ MƐ ƁƐKƐ̀NÌ-FÌTOM 10:7

Lɔŋ yɛ̀ɛ ŋwaà-fìtom ànɛ à tòtòkà ɗì nyi à ghaghìghà, Kɔrinɛy à ghàs kì reŋii ɓɛ̀kìì-ɓìsay ɓii ɓɛɓɛɛ̀ rì kìbog ki ɓi ɓɛ̀sujàà ɓɛ à làmìghà, sujàà ànɛ̀n à ɓaghà ǹfalɛn ɓi rìgherɛ̀n;

MƐ̀KÌKÌÌ MƐ ƁƐKƐ̀NÌ-FÌTOM 22:26

Yɛ̀ɛ ǹkɔ̀mɛ̀n ɓɛ̀sujàà àsàg ànɛn à wokà fɔlɔɔ, nni à kɛ̀ngà yɛ̀ɛ ǹkɔ̀mɛ̀n àgwey lɛ a kpaa nyi lɛ: Ù yii com ki u kɔ̀nkɔn lɛ u ki? Ŋwaànɛnii à rì muu Ròmɛŋ.

MƐ̀KÌKÌÌ MƐ ƁƐKƐ̀NÌ-FÌTOM 23:17

Fɔɔnnɛ Pol à reŋìghà kìbog ki ɓi ɓɛ̀kɔ̀mɛ̀n ɓɛ̀sujàà, à kpaa nyi lɛ: Kɛ̀na kì foŋì dɛlì ìnɛ yɛ̀ɛ ǹkɔ̀mɛ̀n ɓɛ̀sujàà àgwey lɛ, à rì rì kìɓan ki lɛ a kpaà nyi.

MƐ̀KÌKÌÌ MƐ ƁƐKƐ̀NÌ-FÌTOM 27:1

Yɛ̀ɛ ɓɛ rengà lɛ tì ghɛ̀ɛ̀sɛɛ kì kɛ̀ɛ a Italii ɓi fìtimà, nni ɓɛ tekà lɛ rì Pol, rì ɓum ɓɛdɛŋ, ɓɛ fa ɓɔ rì ǹkɔmɛ̀n-ɓɛ̀sujàà àsàg ànɛ ɓi kìtuu ki ɓɛsujàà ki ɓɛ nɗegì lɛ, ɓɛ̀sujàà ɓɛ Kaaza ànɛ a Italii ɗii lɛ: Zyulyus.

MƐ̀KÌKÌÌ MƐ ƁƐKƐ̀NÌ-FÌTOM 27:3

Yɛ̀ɛ tì rɛlìghà a Sidɔŋ ɓi duri tana fɔɔnnɛ Zyulyus ànɛ à ɓeŋɓèŋgà Pol rì syeesyee à ǹɗem, à gherɛ̀ngà lɛ Pol a kɛǹ ki ghɛɛ̀ mɛ̀ghan mii, mɛɛ fa nyi ɓyom ɓi ɓi kaàkààrɛ̀ngà nyi.

MƐ̀KÌKÌÌ MƐ ƁƐKƐ̀NÌ-FÌTOM 27:43

Kìɓan kifog yɛ̀ɛ ǹkɔ̀mɛ̀n-ɓɛ̀sujàà à kɔ̀nkɔ̀ngà lɛ a ghɛɓsi Pol, nni à rèkà ɓɛ̀sujàà ɓɛǹ lɛ ɓɛ̀ kɛɛ̀ kì fɔlɔɔ. Fɔɔnnɛ à reɓsìghà min ɓɛroɓɛ ɓɛ yighà kìwɔg lɛ, ɓɛɛ log kì kpìi ɓi rìɓày ɓɛɛ wɔg ɓɛɛ kpaŋ̀ a cɛɗ.

KÒLÒSYƐŊ 3:22

Mìni ɓɛ̀kìì-ɓìsay, kìina ɓɛ̀masà ɓin ɓɛ ɓi mɛ̀mùù mɛ̀wog ɓi ɓìɓan ɓìcèm, kɛ̀ ɓi kì lɔŋ ɓɔ mɛ̀wog cààmɛ̀n ki ɓɛɛ̀ seesee mini kɔ rì kɔ, yɛ̀ɛ ɓɛɛ̀ kali lɛ, ɓum ɓɛɛ̀ɓɛ ɓi kɔ̀nkɔn lɛ ɓi puɓsi ǹɗem, kìɓan kifog kìina ɓɔ mɛ̀wog rì nɗem wu sɛɛghi sɛɛghi ɓisuu bɔgsɛ̀n ìnɛ ɓì rì rì yɔ̀ ɓi san ànɛ yɛ̀ɛ Kan.