LUKAS 7:13 - Bafia Nouveau Testament

¹³ Yɛ̀ɛ Kan à ghɛngà giɓ anɛ̀n, à wog nyi nyìighnyìg, à kpaa nyi lɛ: Kɔ̀ɔ rènɗen.

LUKAS 7:13 Iomraidhean Croise

MARIKUS 8:2

Nyìighnyìg ì kìi mɛ̀ rì gùl ìnɛ ɓisuulɛ mɛ̀ru mɛɛ ti lɛ mɛraa, yɛ̀ɛ tì rì nɗaŋ ɗi ɓumɓɛ, ɓɛ ki yiìdi ri com ki lɛ ɓɛ ɗi.

LUKAS 10:1

Ajɛ̀m ìnɛn, Kan à ɓɔ̀ɔ̀dìghà ɓɛ̀yilàg ɓɛdɛŋ mɛ̀tin mɛraa rì ǹtɛ̀ɗ à log ɓɔ kì romì beèbɛ̀y ɓɛ̀sɛ̀ɛ̀ ɓɛɓɛɛ̀ ɓɛɓɛɛ̀, ɓi bàn rì ɓi jàŋ yicèm yi nyimiɗ à ghɛ̀ɛ̀sɛ̀ngà wɔɔ ki kɛ̀ɛ.

LUKAS 11:1

Ŋwos adɛŋ, Yeesus à ɓɔ̀ɔ̀ɓɔ̀ŋzìghà ɓi jàŋ idɛŋ; yɛ̀ɛ à lègsìghà bɔ̀ŋzɛ̀n nni n-yilàg wìì adɛŋ, à kpaaghà nyi lɛ: Kan, rèsàg ɓìsi yɛ̀ɛ ti ɓɔ̀ŋzag, fɛlɛ yɛ̀ɛ Zyaŋ à rèsàkà ɓɛ̀yilàg ɓii, lannɛ ɓɛɛ ɓɔŋzag.

LUKAS 11:39

Wɔ̀lɛ, Kan à kpaa nyi lɛ: Mìni Ɓɛ̀fàrìzyɛŋ ɓɛ, ɓi ti ɓì tɔ̀sàg lɛ, rì jɛ̀m ì ɓeŋ, rì jɛ̀m ì taasà, kìɓan kifog mɛ̀rem min mɛ ron lɛ rì wii rì rìgɛn.

LUKAS 12:42

Kan à ɓàg nyi lɛ: Ghɛn yɛ̀ɛ ri syeesyee à m̀ɓèŋì-ìkum anɛ à rì rì ɗyomzɛ̀n, nnɛ masà à rì ɓiì reɓsɛɛ ɓɛ̀kìì-ɓìsay ɓii ri nyi, lɛ a rɔɓ ɓɔ kì faà gàɓ yàà i ɓìɗilàg, ɓi cààmɛ̀n ki ki ghɛɛ̀sɛɛ.

LUKAS 13:15

Fɔɔnnɛ Kan à ɓàkà nyi lɛ: Ɓì rì lɛ fyɛɛ̀-fyɛɛ̀ ɓi ŋwɔm ìghèy ɓi ɗùm; mum ǹcèm ànɛ ɓi mìni a ti kɛ̀ɛ fùmi sanìnya wìì, nsoò lɛ jàɗki yìì, à kɛ̀n yɔ̀ ki nɔsii mɛnig ŋwosi Saɓàt?

LUKAS 17:5

Fɔɔnnɛ ɓɛ̀kɛ̀nì-fìtom ɓɛ kpaaghà Kan lɛ: Tègsi rìgherɛ̀n ɗis.

LUKAS 17:6

Nni Kan à ɓàkà ɓɔ lɛ: I ɓyàarì rì rìgherɛ̀n ɗi ɗi ri lɛ ɗi teghɛ̀n lɔŋ yɛ̀ɛ zàm ì nyas, di ɓì rì lɛ, ɓì kpaa kìte ki lɛ: Pɛ̀sɛn fɛ, u kɛǹ kì ɓɛlɛɛ ɓi rìɓày à kìkòn, kìte kiǹ ki ki fɔlɔɔ.

LUKAS 18:6

Kan à ɓɔ̀ɓtì jɛ̀ɛ̀ lɛ: Wooghna kìɓan ki ǹ-yɔ̀mì-ɓìɓan a kìɓeɓtàg ki nɗem à kpaa!

LUKAS 19:8

Fɔɔnnɛ Zasye à pɛ̀sɛ̀ngà aɗyòò, à kpaa Kan lɛ: Kan, ǹɗì ɓiì kàɓi ikum wɛm̀ gàɓ yiɓɛɛ̀, ǹfa gàɓ bog rì ɓɛ̀soghàsogha. I ǹtekà mum dolà bog ɓi kìcòò, ǹɗì nyi ɓiì lèɓi dolà yiniǹ.

LUKAS 22:61

Kan Yeesus à lɔ̀ɔ̀ghrɛ̀ngày à pɛɓsɛ̀n Pyɛɛri Fɔɔnnɛ Pyɛɛri à yitìghà jɛ̀ɛ̀ ìnɛ Kan Yeesus à kpaaghà nyi lɛ: Ǹlem à zag a rì ɓiì rɔŋì gɛɛ̀nɛ di ù mɛ roòzɛn mɛ gɛ̀n yiraa.

LUKAS 24:3

Nni ɓɛ ɗiŋìghà, wɔ̀lɛ ɓɛ̀ kɛɛ̀ ghɛn kiloŋ ki Kan Yeesus.

LUKAS 24:34

di ɓɛɛ̀ kpaakpaa lɛ, ki ri lɔŋ saaɗ lɛ Kan àa ghèmɓɛɛ, Simɔn àa ghɛɛ nyì.

LUKAS 7:12

Yɛ̀ɛ à ɓaghà di à ti jàŋbog rì ìsuunaa wu ɓi rìɗìŋɗàg ɗi bàn ìnɛn, nni ɓɛ kɛnkɛ̀ngà kì ɓomi kìloŋ ki mum; mum àncèm à ɓaghà m̀bobog à man à ǹkpɔɓ wu giɓ wudɛŋ. Ɓumɓɛ ɓi bàn ìnɛn, lɛɛ̀gwey ɓɛ kɛɛ̀kɛ̀ɛ̀zɛ̀ngày ǹɗaŋ rì ǹkpɔɓ wiǹ.

LUKAS 7:14

Fɔɔnnɛ à tyoŋdɛ̀ngà, à kòm fìkɔrɔŋ fi kilòn; ɓumɓɛ ɓɛ tɛtɛ̀kà fyɔ ɓɛ rɛlì, Yeesus à kpaa lɛ: Dɛlì ì mum, ǹkpaa wɔ̀ lɛ, pɛ̀sɛn aɗyòò!

LUKAS 7:19

Fɔɔnnɛ Zyaŋ à reŋìghà ɓɛ̀yilàg ɓii ɓɛɓɛɛ̀, à rom ɓɔ yɛ̀ɛ Kan, lɛ ɓɛɛ tɔg nyi lɛ: Wɔ̀ yɛɛ ri nya roànɛ à ghɛ̀ɛ̀sɛɛ kì yùu gìn, ti ɓoŋ̀ɓoŋ tì roàdɛŋ?

LUKAS 8:52

Ɓum ɓɛ̀cèm ɓɛ rɔŋɗɔ̀ŋgà ɓìkiŋ di ɓɛɛ̀ sàasarɛ̀n rì ǹɗemi-kɛŋɛn ɓisuu man ànɛ̀n. Nni Yeesus à kpaaghà min ɓɔ lɛ: Kɛ̀ ɓi rènɗen, a wii ɓi, à rì ɓi fìlo.

ZYAŊ 11:2

Marii ànɛn yɛɛ sisìŋìghà Kan tìrààre, à ki tɔ̀si nyi mɛ̀kòò ri tyòŋ tii; nni geni Marii à baŋì yɛɛ roròɓkà lɔɔ lɛ Lazaari.

ZYAŊ 11:3

Rìgeni ɗi ɓɛ̀yiɓ ɗiǹ, ɗi romgà mum lɛ a kali Yeesus lɛ: Kan, mum wɔɔ̀ ànɛ u keesàg, à yin cem.

ZYAŊ 20:13

Ɓum ɓɛ titom ɓɛǹ ɓɛ tɔg nyi lɛ: Giɓ anɛ, cɛ u rènɗèn? Nyii ɓaàg ɓɔ lɛ: Ɓaa pisii Kan wɛ̀m nni mɛ̀ ǹ-yii ɓi jàŋ inɛ ɓaa foŋi nyi.

ZYAŊ 20:15

Nni Yeesus à tɔkà nyi lɛ: Giɓ anɛ, ɓi cɛnnɛ u rènɗèn? Ghɛn innɛ u kaakàà? Nyii fefèkà lɛ m̀ɓèŋì-dɛm yɛɛ ri. Fɔɔnnɛ à kpaaghà nyi lɛ: Kan! i wɔ̀ yaa pisii nyi fɛ, kali mɛ̀ jàŋ inɛ wàa foŋi nyi di mɛ̀ɛ nteɗ yì nyi.

ZYAŊ 4:1

Yeesus à wokà lɛ ɓɛ nkalii Ɓɛ̀fàrìzyɛŋ lɛ nyiì syòŋsyoŋ ɓum à cee Zyaŋ lɛ ɓɛɛ ɓa ɓɛ̀yilàg ɓii, à ki ɓàaɓaɓtì ɓɔ;

ZYAŊ 6:23

Wɔ̀lɛ ɓìkɔm ɓidɛŋ ɓi ɓaghày a Tiɓeriyaadɛ, jàŋbog rì jàŋ inɛ ɓɛ ɗighà bìrɛs, di Kan à mɛ fa Bɛ̀ll ɓìtògsɛ̀n.

1 KƆ̀RƐ̀ŊTYƐŊ 7:30

ɓɛ̀roɓɛ ɓɛɛ rènɗèn ɓɛ ɓa yɛ̀ɛ ɓɛ yin ɓiì rènɗeni, ɓɛ ɓɛɛ nyàànyàà ɓɛ ɓa yɛ̀ɛ ɓɛ yin ɓiì nyàànyaa; ɓɛ̀roɓɛ ɓɛɛ̀ làlag ɓyom ɓɛ ɓa yɛ̀ɛ ɓɛ yin ɗi ɓyɔ;

TÈSÀLÒNÌSYƐŊ 4:13

Ɓɔɔsoŋ̀, tì kɔ̀ni ɓi lɛ ɓi ɓa lɛ dùŋdùŋ ɓi kìɓan ki ki seesee ɓɛroɓɛ ɓɛ ri ɓìloŋ lɛ di kɛ̀ ɓi ɓa lɛ mɛ̀rem min mɛ ɓeɓtɛ̀n ɓi mùm yɛ̀ɛ mɛ ɓum ɓɛm̀bog ɓɛ ɓɛ rì kɛ̀ɛ̀ dyàɓɛn.

EBIREEGH 2:17

Kìɓan kiǹ kɛɛ̀ki à ghɛ̀ɛ̀sɛ̀ngà kì pisɛɛ ɓɛgeni bee yicèm lɛ, di a ɓa rìfòm ɗi ɓɛpìrɛɛtìrɛ̀ ɗi ɗi ri rì nɗem wu nyìighnyìg, ɗi kikì kìsay ki Bɛ̀ll lɔŋ yɛ̀ɛ ki ghɛɛ̀sɛɛ, lɛ ɗyɛɛ soò ɓìɓe ɓi ɓum ɓɛ kilɔ̀ŋ.

EBIREEGH 4:15

Ɓisuulɛ ǹlàmì ɓɛ̀pìrɛɛtìrɛ̀ wìs àgwey a yin rikuu ɗi ɗi ri lɛ, ɗi taŋ̀ ǹɗem wu nyìighnyìg ɓi rìɓa ɗi tì rì kɛ̀ɛ̀ ìtèɗ, lɛ à tulɛ̀ngà rì mɛ̀fèèghrɛn mɛkuu mɛ̀cèm lɔŋ yɛ̀ɛ ɓìsi, kìɓan kifog, à kìghà ɓi kiɓe.