LUKAS 6:35 - Bafia Nouveau Testament

³⁵ Kìɓan kifog, keesiina ɓɛ̀bènàbena ɓin, ɓì kìkì ɓɔ kìrɔɔ, ɓì ki ɓɔ̀rag ɓum ɓyom, kɛ̀ ɓi mìngi tityɛɛ lɛ, ɓɛ ri mìni ɓiì pɛ̀ɛ̀zii ɓyɔ. I ɓì kìi fɔlɔɔ, mɛ̀lèɓ min mɛ ri ɓiì tèghɛɛ, ɓì ki ɓa ɓɔn ɓɛ Bɛ̀ll ànɛ à teŋmɛɛ kɛ̀ɛ̀ vèg ɓisuulɛ, nyii rilàg rì geesɛ̀n ɓi ɓɛg ànɛ a ɓɛ̀tènteǹ rì ɓɛ̀kìì-rìgɛn.

LUKAS 6:35 Iomraidhean Croise

MATYOO 5:9

Mààgh rì ɓumɓɛ ɓɛɛ̀ kìki lɛ, fyòoog a ɓa ɓi nyìinyìm à ɓum, lɛ ɓɛ ri reŋi ɓɔ lɛ ɓɔn ɓɛ Bɛ̀ll.

MARIKUS 5:7

à ki syan jɛ̀ɛ̀ aɗyoo rì ìtèɗ lɛ: Yeesus, Man à Bɛ̀ll ànɛ à teŋmɛɛ kɛ̀ɛ̀ vèg cɛ kɛɛ rì wɔ̀ rì mɛ̀? M̀ɓɔ̀ŋzii wɔ̀ ɓi ɗii ɗi Bɛ̀ll lɛ, kɔ̀ɔ ki mɛ ǹtɔɓ.

LUKAS 1:32

A ɓiì ɓaà kìtèetèɗ ki mum, ɓɛ regì nyi lɛ Man à Bɛ̀ll ànɛ à teŋmɛɛ kɛ̀ɛ̀ vèg. Fɔɔnnɛ Kan Bɛ̀ll à rì nyi ɓiì faà ìkɔ̀ɔ̀ wu rìlàmì wu Davit à seŋì à ǹsɛ̀ɛ̀.

LUKAS 6:36

Ɓaana rì ǹɗem wu nyìighnyìg lɔŋ yɛ̀ɛ Seŋi wìn a rì rì ǹɗem wu nyìighnyìg.

ZYAŊ 13:35

I ɓì kɔ̀nɛɛ, ɓum ɓɛ̀cèm ɓɛ ri ɓiì yiì lɛ ɓì rì ɓɛ̀yilàg ɓɛm.

ZYAŊ 15:8

I ɓì wumi ɓìɗùn lɛɛ̀gwey, fɔlɔɔ nnɛ Seŋi wɛ̀m à ɓiì terì rìkem, mìnii ki ɓa ɓɛyilàg ɓɛm.

MƐ̀KÌKÌÌ MƐ ƁƐKƐ̀NÌ-FÌTOM 14:17

Nsoò fɔlɔɔ, à rèrèsìghà lɔŋ riɓa ɗii, ɓi ɓìrɔɔ ɓi à kìkìghà ɓum, à ti à nɔsàg mìni bwey, à kì lɛ, ɓìɗilàg ɓyɛɛ ɗiŋi mìni, à fa mìni ɓyom ɓiɗiyɛn lɛɛ̀gwey, à ki roòzi mɛrem min ɗi kìnyàà.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

2 TIMOTE 3:2

Ɓisuulɛ ɓum ɓɛ ri ɓa ɓɛ̀wemwèm, ɓɛ̀keesì-mɔ̀ɔ̀ni, ɓɛ ɓa ɓɛ̀daŋàdaŋa, ɓɛ ɓa ɓɛ̀kìì-kalɛn, ɓɛ feèfèngì Bɛ̀ll, ɓɛ kikì ɓɛ̀yalì ɓaa ntoòtèɗ, ɓɛ̀ kɛɛ̀ foŋ kirɔɔ ki ɓum ɓɛ kii ɓɔ, ɓɛ̀ kɛɛ̀ risi ɓyom ɓi ɓi ri kìcèlì.