LUKAS 5:34 - Bafia Nouveau Testament

³⁴ Fɔɔnnɛ Yeesus à ɓàkà ɓɔ lɛ: Ɓì rì nya lɛ ɓì kɔ̀ɔ̀sì ɓɛ̀reŋkàŋ ɓɛ ǹwɔlì giɓ zày, di ǹwɔlì giɓ a kaka rì ɓɔ?

LUKAS 5:34 Iomraidhean Croise

MATYOO 22:2

Kìlɔ̀ŋ ki aɗyòò ki pisɛɛ rì rìfòm ɗidɛŋ ɗi ɗi reŋɗɛ̀ngà kìsɛ̀nɛ̀ ɓi rìwɛy ɗi dɛlì yìì.

MATYOO 9:15

Nni Yeesus à ɓàkà ɓɔ lɛ: Ɓumɓɛ ɓɛ ri ɓɛ̀reŋiyɛn a tìcàɓ ti riwɛy ɓɛ yin lɛ ɓɛ ɓa rì rìnɗemikɛŋɛn, cààmɛ̀n ki ŋwaà-rìwɛy à kaka ǹɗaŋ rì ɓɔ. Cààmɛ̀n ki lɛ ɓɛɛ pisi ŋwaà-rìwɛy ɓi nyìinyìm wàà ki tiì. Cààmɛ̀n kiǹ kɛɛ̀ki ɓɛ ri ɓiì cèlii ɓiɗilàg miì.

LUKAS 5:33

Ɓum ɓɛ kpaaghà Yeesus lɛ: Ɓyààmɛ̀n ɓidɛŋ, ɓɛ̀yilàg ɓɛ Zyaŋ ɓɛ ti ɓɛ celàg ɓìɗilàg, ɓɛ kikì bɔŋzɛ̀n, ɓɛ̀yilàg ɓɛ Ɓɛ̀fàrìzyɛŋ girig, wɔ̀lɛ ɓɛnkɔɔ ɓɔɔ ɗiɗì, ɓɛ ki nɔnɔ (cààmɛ̀n kìcèm).

LUKAS 5:35

Cààmɛ̀n ki lɛ ɓɛɛ ɓatɛn ɓɔ ǹwɔlì giɓ ki tiì, mɛ̀ru mɛ̀n mɛɛ̀mɛ ɓɛ ri cèli ɓiɗilàg miì.

ZYAŊ 3:29

Ŋwaànɛ à rì rì giɓ, yɛɛ ri yii giɓ; wɔ̀lɛ rìghan ɗi yii giɓ ɗi ɗi ri wɔɔ ɗi ti ɗi nyaàràg yɛ̀ɛ mɛ̀nɔ̀ɓɔ̀, lɛ jɛ̀ɛ̀ ì yii giɓ inɛ ɗyɛɛ̀ wowòg. Rìkuu ɗi kinyàà ɗiǹ ɗyɛɛ̀ɗi mɛ̀ ǹɗì ǹɗonɛn ri ɗyɔ̀.

2 KƆ̀RƐ̀ŊTYƐŊ 11:2

Ɓisuulɛ, ǹɗì rì yɔ̀ɔ̀tì ɓi san wìn, yɔ̀ɔ̀tì ànɛn à rìì yɛ̀ɛ Bɛ̀ll rì kìsyɔ̀ɔ̀ lɛ, ɓì rì fɛlɛ yɛ̀ɛ gɔ̀n ì giɓ ìnɛ ì ka yiɓi ɓɛbaŋì, ì ki ɓa ntɛnɛn, ìnɛ ì kàkà lɛ ì ɓiì wɔlì m̀bobog à yii lɛ Kiris.