LUKAS 5:24 - Bafia Nouveau Testament

²⁴ Nkɔ̀nkɔn lɛ ɓi yi lɛ, Man à mum à rì rì ìtèɗ wulɛ à cenɛ̀n ɓum ɓìɓe fɛ ɓi ziinɛ. Fɔlɔɔ nnɛ à kpaaghà min kisɛkɛ̀rɛ̀ lɛ: Nkpaa wɔ̀ lɛ: Pɛ̀sɛn aɗyòò, u teɗ kon wɔɔ̀ u kɛǹ a mɛɛ.

LUKAS 5:24 Iomraidhean Croise

MATYOO 16:13

Yɛ̀ɛ Yeesus à kpagà ɓi kòdò ànɛ à ɓaghà jàŋbog rì bàn ì Sezare ìnɛ a Filiɓ, nni à tɔkà ɓɛ̀yilàg ɓii lɛ: Ɓum ɓɛɛ̀ kpaaghi ɓaà lɛ, mɛ̀ Man à mum mɛ̀ ǹɗì ghɛn?

MATYOO 25:31

Yɛ̀ɛ Man à mum à rì ɓiì yùu, ɓì rìgwey ɗii, ǹɗaŋ ri ɓum ɓɛ titom ɓɛ̀cèm, à ɓiì kɔ̀rii ɓi-kɔ̀ɔ̀ wii wu rilàmì wu rikem.

MATYOO 26:64

Yeesus à ɓàg nyi lɛ: Wàa kpaà. Nni ǹki kpaatii mìni lɛ, à tumɛ̀n ɓigomìnɛ, ɓì ri ghɛn Man à mum di à kɔ̀kɔrii ɓi weèlem à Bɛ̀ll à ìtèɗ wucèm, ɓì ki ghɛɛ̀di nyi di a yùyuiy aɗyoo ɓi ɓìkwìɗ.

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

MATYOO 4:24

Rìkem ɗii ɗi saaghà jàŋbimiɗ a Sirii, fɔɔnnɛ ɓɛ yuyùghày nyi lɛ, rì ɓum ɓɛ̀cèm ɓɛ ɓɛ roròɓkà tìroɓ mɛ̀kuu mɛ̀kuu rì, ɓɛ ɓɛ wowòkà rìkɛŋ bee lɛ bee, ri ɓɛ̀roɓɛ ɓɛ ɓaghà rì ɓìɓeɓtàg ɓi mɛghay, rì ɓɛ̀roɓì kìtìs, rì ɓìsɛkɛ̀rɛ̀, Yeesus à ki wɔ̀ɔwɔɔ̀zì ɓɔ.

MATYOO 9:6

Nni ɓi ɗi lɛ ɓi yi lɛ, Man à mum à rì rì ìtèɗ wulɛ à cenɛ̀n ɓum ɓìɓe fɛ ɓi ziinɛ, Yeesus à kpaaghà kìsɛkɛ̀rɛ̀ kiǹ lɛ: Pɛ̀sɛn aɗyoo, u teɗ kon wɔɔ̀ u sug a mɛɛ mɔɔ.

LUKAS 5:13

Nni Yeesus à nàmgà càg, à kòm nyi, à kpaa lɛ: Ki kɔni mɛ̀ fɔlɔɔ, ɓati lɛ syeesyee ɓi nyoo yɔ̀ɔ̀; kwiy a ghàs nyi kì lèegh ɓi nyòò.

LUKAS 5:18

Nni ɓum ɓɛdɛŋ ɓɛ tɛkày mum ànɛ à yitìghà ɓi rikɛ̀ɛ̀ ɓi kon, ɓɛ kaakàà bee inɛ lɛ ɓɛɛ ɗiŋi rì nyi ɓi naa, di ɓɛɛ ŋɔŋzi Yeesus nyi asu.

LUKAS 5:23

Rì rìkpaa ɗì lɛ: Ɓìɓe ɓyɔɔ ɓi ti ɓìcenɛn, rì ɗi lɛ pɛ̀sɛn aɗyòò u kɛɛghi, ɗibe ɗyɛɛ ri lɛ fyɛ̀ɗ?

LUKAS 7:14

Fɔɔnnɛ à tyoŋdɛ̀ngà, à kòm fìkɔrɔŋ fi kilòn; ɓumɓɛ ɓɛ tɛtɛ̀kà fyɔ ɓɛ rɛlì, Yeesus à kpaa lɛ: Dɛlì ì mum, ǹkpaa wɔ̀ lɛ, pɛ̀sɛn aɗyòò!

LUKAS 8:54

Kìɓan kifog Yeesus à ɓangà man ànɛ̀n ɓi càg, à kpaa jɛ̀ɛ̀ aɗyòò lɛ: Mutyàànɛ pɛ̀sɛn aɗyòò.

ZYAŊ 11:43

Yɛ̀ɛ à kpaaghà fɔlɔɔ, nni à pɛ̀sìghà jɛ̀ɛ̀ aɗyoo rì ìtèɗ à kpaa lɛ: Lazaari kpaŋay.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 3:13

Ŋwaàdɛŋ à ka ɓɔkà ɓi aɗyòò i ki cee ɓi lɛ Man à mum ànɛ à sɛngày aɗyòò.

ZYAŊ 5:27

À faghà nyi ìtèɗ wulɛ a yɔm̀ ɓìɓan ɓi ɓum lɛ, à rì Man à mum.

MƐ̀KÌKÌÌ MƐ ƁƐKƐ̀NÌ-FÌTOM 14:10

Nni à kpaaghà ŋwaànɛ̀n jɛ̀ɛ̀ aɗyoo lɛ: Pɛ̀sɛn aɗyoo, u rɛli mɛrɛy wɛ̀ɛmiɗ. Fɔɔnnɛ ŋwaànɛ̀n à pɛ̀sɛ̀ngà aɗyoo lɛ fàtweɗ, à ghagsɛ̀n ɗì rìkɛ̀ɛ̀.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 9:34

Nni Pyɛɛri à kpaaghà ŋwaànɛ̀n lɛ: Enee wɔ̀, Yeesus Kiris à wɔ̀ɔ̀zii wɔ̀, pɛ̀sɛn aɗyoo, u pegsɛn ɓyom ɓilɔ̀ŋ ɓyɔɔ. Fɔɔnnɛ ŋwaànɛ̀n à ghàskà kì pɛ̀sɛɛ aɗyoo.

MƐ̀KÌKÌÌ MƐ ƁƐKƐ̀NÌ-FÌTOM 9:40

Nni Pyɛɛri à kpaŋzìghà min ɓum ɓɛ̀cèm ɓidan, à ɓag mɛ̀ɗu ɓi zi, à ɓɔ̀ŋzàg Bɛ̀ll, ajɛ̀m ìnɛn à lɔ̀ɔ̀ghrɛ̀n min ɓi ɓɛg à kìloŋ à kpaa lɛ: Taɓita wɔ̀, pɛ̀sɛn aɗyoo! Nni à ŋwàɗkà min mis à ghɛn Pyɛɛri, à pɛ̀sɛ̀n kìkɔ̀ɔ̀kɔ̀ɔ̀.

ÀPÒKÀLIƁSƐ̀ 1:13

Wɔ̀lɛ ɓi nyìinyìm à ɓyom ɓìn, rìkuu ɗi com ɗi ɓaghà lɔŋ yɛ̀ɛ mum. À ɓaghà rì coo jɔmpàs, nyi tì ǹwaatɛn kànɗa à gol ɓi dwey.