LUKAS 5:17 - Bafia Nouveau Testament

¹⁷ Ŋwos adɛŋ, Yeesus à rèrèsàkà ɓum ɓìɓan ɓi Bɛ̀ll nni Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ɓɛ pɛsɛngày ɓi ɓɔɔ ɓilɔ̀ŋ ɓɛ a Galile, rì ɓɛ a Zyude rì ɓɛ a Yorisalɛm ɓɛ kɔkɔ̀rìghà wɔɔ. Ìtèɗ wu Bɛ̀ll wu wu ɓaghà ɓi Kan wu kikìghà lɛ, a wɔɔ̀wɔ̀ɔ̀zì ɓum.

LUKAS 5:17 Iomraidhean Croise

MATYOO 11:5

Ɓyɛɛ ri lɛ, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n, ɓɛ̀lɛnlɛm ɓɛ̀ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ pɛɛ̀zɛ̀n kìɓaà lɛ syeesyee ɓi nyoo yàà, ɓɛ̀lɔlɔg ɓɛ woòghwòòghrɛ̀n, ɓìloŋ ɓi gheèghèmɓɛ̀n, Syeesyee à Ɓɔlɛ à ki kaakalɛ̀n a ɓumɓɛ ɓɛ ri nyìighnyìg.

MATYOO 15:1

Nni Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ pɛsɛ̀ngày a Yorisalɛm ɓɛ yu yɛ̀ɛ Yeesus ɓɛ kpaa nyi lɛ:

MARIKUS 1:45

Kìɓan kifog, yɛ̀ɛ ŋwaànɛ̀n à kɛ̀ngà, nni à tumɛ̀ngà rìlààlàmɓɛ̀n ɗi ɓɔlɛ à kìɓan kiǹ, à sààsààtì nyi lèg ànɛ lɛ Yeesus à ɓatìghà ɓi lɛ à ɗiŋì ɓi bàn ìdɛŋ ɓi mɛ̀tàna. Wɔ̀lɛ àa ǹti à kɔ̀ràg ɓi ɓɛ̀kòdò ɓɛ ɓɛ lɛŋzɛɛ rì bàn, rì jàŋ yi ɓum ɓɛ wuɓsɛɛ ɓi, fɔɔnnɛ ɓum ɓɛ pɛɛ̀pɛ̀sɛ̀ngày ɓɛ̀tum ɓɛ̀cèm, ɓɛ yuyù nyi kì ghɛnghɛni.

MARIKUS 16:18

Ɓɛ ɓiì ɓanì nyoo rì ɓyàg, ɓɛ ki nɔ nsoò ìrɔ̀g, com kɛ̀ kɛɛ̀ kì ɓɔ; ɓɛ ri ɓiì saghii ɓɛroroɓ ɓyàg ɓi nyoo, ɓɛ̀roroɓ ɓɛ wɔngì.

MARIKUS 3:22

Ɓɛ̀rèsàg-ɓìdɔ̀gsɛna ɓɛ ɓɛ pɛsɛ̀ngày a Yorisalɛm, ɓɛ kpaaghà girig lɛ: À rì rì kìɓeɓtàg ki nghay ki lɛ Bɛlzeɓul, a nànaɓ ɓiɓeɓtàg ɓi mɛghay rì ìtèɗ wu Bɛlzeɓul ànɛ à rì rìfòm ɗi ɓiɓeɓtàg ɓi mɛghay.

MARIKUS 5:30

Yeesus nyii ghas kì woògh fɛlɛ yɛ̀ɛ ìtèɗ wudɛŋ wu pɛsɛɛ nyi ɓi nyoo, à nìmɓɛ̀n ɓi nyìinyìm à ɓum, à tɔg lɛ: Ghɛn yɛɛ komi mɛ̀ ɓi kìlàà?

MARIKUS 7:1

Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ɓɛ pɛsɛ̀ngày a Yorisalɛm ɓɛ taŋzɛ̀ngà Yeesus a nyòò,

LUKAS 15:2

Fɔɔnnɛ Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ŋwɔŋwɔ̀ŋìghà di ɓɛɛ̀ kpaakpaa lɛ: Ŋwaànɛ a ghàghaɓ ɓiɓeɓtàg ɓi ɓum lɛ syeesyee, à ki ɗiɗi nɗaŋ ɗi ɓɔ.

LUKAS 2:46

Ɓi mɛ̀ru mɛɓɛɛ̀ nnɛ ɓɛ tanɛɛ nyi ɓi naà-Bɛ̀ll ǹkɔ̀kɔriyɛn ɓi nyìinyìm à ɓɛ̀rèsàg-ɓìdɔ̀gsɛna ɓɛ Ɓɛ̀yudɛ̀n, à tɔtɔ̀g ɓɔ mɛ̀tɔɔ̀ghtɔɔgh, à ki wowog riɓàg ɗyaa.

LUKAS 5:21

Fɔɔnnɛ ɓumɓɛ lɛ, rì ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ tumɛ̀ngà rìŋwɔ̀ŋwɔ̀ŋì di ɓɛɛ fèfeg ɓi mɛ̀rem maa lɛ ghɛn yɛɛ ri lɛ à cenɛ̀n ɓum ɓìɓe, i ki cee ɓi lɛ Bɛ̀ll cɛ̀ncii?

LUKAS 5:30

Nni Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ tumɛ̀ngà rìŋwɔ̀ŋwɔ̀ŋì di ɓɛɛ tɔtɔg ɓɛ̀yilàg ɓɛ Yeesus lɛ: Ɓisuucɛ nnɛ ɓi kìki lɛ, ɓì ɗiɗì, ɓì ki nɔnɔ ǹɗaŋ ri ɓɛ̀terì-làmpoŋ̀ rì ɓɛ̀kìì-kìɓe?

LUKAS 6:19

Ɓum ɓɛ̀cèm ɓɛ kaakààghà lɛ ɓɛɛ kòm nyi, ɓisuulɛ ìtèɗ wudɛŋ wu kpaŋkpàŋgày nyi ɓi nyoo, wu wɔɔ̀wɔ̀ɔ̀zì ɓɔɔ̀cèm.

LUKAS 7:30

Kìɓan kifog, Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓi Ɓɛ̀yudɛ̀n ɓɛ ɓengà fèg ànɛ Bɛ̀ll à ɓaghà rì nyi ɓisu waa, yɛ̀ɛ ɓɛ ɓengà kì kɛ̀ɛ lɛ Zyaŋ a ɓaɓti ɓɔ.

LUKAS 8:46

Wɔ̀lɛ Yeesus à pɛ̀ɛ̀zì nyi lɛ: Mum à kòmi mɛ̀, ɓisuulɛ, ǹwoogh yɛ̀ɛ ìtèɗ wudɛŋ wu kpaŋiì mɛ̀ ɓi nyòò.

ZYAŊ 3:10

Yeesus à kpaa nyi lɛ: Wɔ̀ lɔŋ nɗèsàg ànɛ a Isirayɛl, kɔ̀ɔ ki yi ɓiɓan ɓi?

ZYAŊ 3:21

Wɔ̀lɛ roànɛ à ti à kìlàg ɓìɓan ɓi saaɗ, nnyɛɛ ti à yùlàg jàŋ inɛ kìtɛɛtɛn ki ri, lɛ ɓɛɛ ghɛǹ lɛ tɛntɛ̀ɛ̀n lɛ, a kìki ɓiɓan yɛ̀ɛ kɛɛ̀ kɔ̀ngi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 19:11

Fɔɔnnɛ Bɛ̀ll à faghà Pol ìtèɗ wulɛ a kiki dàm yi ɓiɓan yi kuurakɛn,

MƐ̀KÌKÌÌ MƐ ƁƐKƐ̀NÌ-FÌTOM 4:30

Nàmas̀ càg kɔɔ lɛ ɓum ɓɛɛ̀ wɔ̀nwɔn tìroɓ, ɓɛ̀koŋnyoo ri dàm yi ɓiɓan ɓi kiìkìlɛ̀n ɓi ɗii ɗi Yeesus ànɛ àrì ǹkìì-kìsay wɔɔ à ntɛnɛn.

MƐ̀KÌKÌÌ MƐ ƁƐKƐ̀NÌ-FÌTOM 5:34

wɔ̀lɛ ŋwaàdɛŋ ànɛ ɓi ǹɗaŋ wu Ɓɛ̀fàrìzyɛŋ ɗii lɛ Gamalyɛl, ǹɗèsàg ɓìɓan ɓi Bɛ̀ll ànɛ ɓum ɓɛ̀cèm ɓɛ kuuràkà, à pɛ̀sɛ̀ngà aɗyoo ɓi nyìinyìm à Sànèdìrɛŋ, à tɔg lɛ ɓɛɛ ka kpaŋzi ɓɛ̀kɛ̀nì-fìtom ɓidan.