LUKAS 5:1 - Bafia Nouveau Testament

¹ Ŋwos adɛŋ, Yeesus à ɓaghà ɓi ǹwɔŋì wu riɓày ànɛ a Zyenezarɛt, fɔɔnnɛ gwìy ì kɔ̀mzɛ̀ngà nyi, ɓum ɓɛ tyɔɔ̀tyɔ̀ɔ̀rɛ̀n, lɛ ɓɛɛ wog ɓìɓan ɓi Bɛ̀ll,

LUKAS 5:1 Iomraidhean Croise

MATYOO 11:12

À tumɛ̀n ɓi mɛ̀ru mɛ Zyaŋ Bàɓtis à kpaŋ ɓigomìnɛ ɓum ɓɛɛ̀ rùurunɛ̀n kìlɔ̀ŋ ki aɗyoo nni ɓɛ̀tèteɗ ɓɛɛ ni ràgɛn ɗi kɔ.

MATYOO 14:34

Fɔɔnnɛ ɓɛ ratɛ̀ngà kì syàa riɓày ɓɛ kɛǹ kì kpaŋì ɓi kìlɔ̀ŋ ki lɛ Zyenezarɛt.

MARIKUS 3:9

Nni Yeesus à kpaaghà ɓɛ̀yilàg ɓii lɛ, ɓɛɛ yu nyi ri maa kìkɔm, lɛ gwìy i ɓum ìnɛ̀n yɛ̀ kɛɛ̀ turi nyi.

MARIKUS 4:1

Nni Yeesus à tumɛ̀ngà tì rìrèèrèsàg ɗi ɓum ɓi bèn ì rìɓày. Coo kituu ki ɓum ki taŋzɛ̀n nyi a nyoo lèg ànɛ lɛ à ɓɔkà ɓi kìkɔm à kɔ̀rìì ɓi mɛ̀nig, gɛ mum ànɛ̀n bimiɗ à rɔ̀ɓ yì a cɛɗ.

MARIKUS 5:24

Fɔɔnnɛ Yeesus ɓɛ sugtɛ̀ngà ɓɛɛ Zyayirus, coo kituu ki ɓum ki nɔɔ̀nɔ̀ɔ̀tì nyi, ki kɔm̀ nyi, ki ki sìisiìrì nyi.

MARIKUS 6:53

Yɛ̀ɛ ɓɛ ratɛ̀ngà kì syaà, ɓɛ kpaŋ ɓi kìlànà ki zi ki a Zyenezarɛt ɓɛ lomzì kìkɔm ɓi bèn ì rìɓày,

LUKAS 12:1

Ɓi cààmɛ̀n kɔm̀ kiǹ, bàlì ì ɓɛ̀tɔɔsìm ɓɛ ɓum ì taŋzɛ̀ngà ɓi lèg ànɛ lɛ, ɓɛ̀ro ɓɛdɛŋ ɓɛ ɓɔɓɔ̀kà ɓɛ̀ro ɓɛm̀bog ɓi mɛ̀kòò. Nni Yeesus à lokà ki kpaa ɓɛ̀yilàg ɓii lɛ: Konaaghna rì nwìɗ à Ɓɛ̀fàrìzyɛŋ nnyɛ̀ɛ ri lɛ fyɛɛ̀-fyɛɛ̀ ɓi ŋwɔm, ìghèy ɓi ɗùm.

LUKAS 5:2

nni à ghɛngà ɓìkɔm ɓiɓɛɛ̀ ɓi bèn ì rìɓày. Ɓɛ̀pììgh-dam ɓɛ ɓɛ ɓaghà rì ɓyɔ, ɓɛ sɛngà lɛ ɓɛɛ cug dam yaa.

LUKAS 8:22

Ŋwos adɛŋ, Yeesus à ɓɔkà ɓi kìkɔm rì ɓɛ̀yilàg ɓii, à kpaa ɓɔ lɛ: Ti syàana cɛcɛɗ ki riɓày. Fɔɔnnɛ ɓɛ pɛsɛ̀ngà lɛ ɓɛɛ syaà.

LUKAS 8:23

Yɛ̀ɛ ɓɛ kɛnkɛni ɓi kìkɔm, fìlo fi teɗ Yeesus; nni coo bɛ̀ɓ ì tumɛ̀ngà rìfɛɓsì ɓi rìɓày lɛɛ̀gwey, lèg ànɛ lɛ kìkɔm ki ɓaghà lɛ ki ɓim, ɓɔɔ ki cùù.

LUKAS 8:33

Ɓìɓeɓtàg ɓi mɛghay ɓi kpaŋ min ɓi ŋwaànɛ̀n, ɓi ɗiŋì ɓi kìtuu ki jèè. Fɔɔnnɛ jèè yi kɛɛ̀ghrɛ̀ngày ɓi dòn aɗyòò, yi suùrɛ̀n ɓi rìɓày, yi cuu mɛnig.

LUKAS 8:45

Nni Yeesus à tɔkà lɛ: Ghɛn yɛɛ komi mɛ̀ lɔɔ? Ɓum ɓɛ̀cèm ɓɛ ɓaghà ɓɛ ti ɓiì rooroòzɛ̀n, nni Pyɛɛri à ɓakà nyi lɛ: Ǹɗèsàg, ɓum ɓɛɛ ceŋzɛɛ wɔ̀ lɛ, ɓɛ ki sìisiìrì wɔ̀.

ZYAŊ 1:40

Andire à geni Simɔn Pyɛɛri à ɓaghà kìbog ki ɓi ɓum ɓɛ kiɓɛ̀ɛ̀ ɓɛ ɓɛ wokà kìɓan ki Zyaŋ à kpaaghà, ɓɛ nɔɔ̀tì Yeesus.

ZYAŊ 6:1

Ajɛ̀m ìnɛn, Yeesus à syààghà cɛcɛɗ ki riɓày ànɛ a Galile, ànɛ ɓɛ nɗegì tì lɛ rìɓày ànɛ a Tiɓeriyaadɛ.

EBIREEGH 13:7

Yitiina ɓumɓɛ ɓɛ lokà mìni kì kɛ̀ɛkɛɛ̀sì, ɓɛɛ wogsìghà mìni jɛ̀ɛ̀ ì Bɛ̀ll, ɓì fiɓì rìsyɔn ɗi cɛɓ kaa, ɓì nɔ̀ɔ̀tì ìkòò waa wu righerɛ̀n.