LUKAS 4:35 - Bafia Nouveau Testament

³⁵ Yeesus à fwaàdɛ̀ngà kìɓeɓtàg ki ǹghay kìn, à kpaa kɔ lɛ: Sìmdi ŋwɔm, u ki kpaŋ ɓi ŋwaànɛ; nni kìɓeɓtàg ki ǹghay ki rogà ŋwaànɛ̀n ɓi zi ɓi nyìinyìm à ɓum, ki kpaŋ kɛ̀ kɛɛ̀ ki nyi com.

LUKAS 4:35 Iomraidhean Croise

MATYOO 17:18

Nni Yeesus à fwààdɛ̀ngà kìɓeɓtàg ki nghay, ki kpaŋ ɓi mutyàànɛ̀n, à ghàs kì wɔ̀ni lɔŋ wɔɔ foo.

MATYOO 8:26

Nyii kpaa ɓɔ lɛ: Ɓisuucɛ nnɛ ɓi rirìsì? Mìni ɓum ɓɛ maa rìgherɛ̀n lɛsàg ɓɛ! Nni à pɛ̀sɛ̀ngà min aɗyoo à fwààdɛ̀n lɛ rì bɛ̀ɓ rì rìɓày, jàŋ i sugtì kì maarɛɛ lɛ fyòoog.

MARIKUS 1:26

Fɔɔnnɛ kìɓeɓtàg ki nghay kìn ki narìghà ŋwaànɛ̀n lɛ saɗ-sààɗ, ki kpaŋ ɓi ŋwaànɛ̀n di kɛɛ̀ syansyàn jɛ̀ɛ̀ aɗyòò.

MARIKUS 4:39

Nni Yeesus à ghèmbɛ̀ngà, à fwààdɛ̀n bɛ̀ɓ, à kpaa rìɓày lɛ: Maarɛn, u kɔri lɛ fyòoog, nsoò maa m̀pɔ̀ɓ kɛ̀ɛ wooghrɛn ti.

MARIKUS 9:26

Nni kìɓeɓtàg ki nghay ki ɓokà ŋwɔɓti ɓi zi rì ìtèɗ, ki faŋì di kɛɛ̀ kuukugsɛ̀n, ŋwutyàà mààghràg yɛ̀ɛ kìloŋ, ɓi lèg ànɛ lɛ ɓum lɛɛ̀gwey ɓɛ fefèkà lɛ à wii.

LUKAS 11:22

Wɔ̀lɛ i ŋwaànɛ à cee ŋwaànɛ̀n ɓi-tèɗ à kpaŋi, à kwiy nyi, à ɓàtɛ̀n ɓyom ɓi ribaŋì ɓi ŋwaànɛ̀n àa ǹɗì rì ǹtyweeyi miì, à kàɓsag ɓyom ɓii ɓìcèm ɓi à ɓàtaagh.

LUKAS 4:23

Yeesus à kpaa ɓɔ lɛ: Ǹ-yii saaɗ lɛ, ɓì rì mɛ̀ ɓiì terì dàɗkì ìnɛ lɛ: Wɔ̀ m̀ɓoò-ɓum, ɓoorɛn wɛ̀ɛmiɗ; ɓìɓan ɓi tì wokà lɛ, ù kìghà a Kapɛrinawum, kìya girig ɓyɔ fɛ ɓi kìlɔ̀ŋ kɔɔ.

LUKAS 4:39

Nni Yeesus à loŋmɛ̀ngà giɓ anɛ̀n ɓi nyoo, à fwààdɛ̀n kìfɛɓ ki ki ɓaghà nyi ɓi nyoo kìn, kìfɛɓ ki lèg, giɓ a ghàs kì pɛ̀sɛɛ aɗyoo, à tumɛ̀n ɓyom ɓi kìyɛn lɛ a kaà ɓɔ.

LUKAS 4:41

Ɓìɓeɓtàg ɓi mɛghay ɓi kpaŋkpàŋgà girig ɓum lɛɛ̀gwey ɓi nyoo, di ɓyɛɛ̀ syaasyaàdɛ̀n ɓi kpaakpàà lɛ: Ù rì Man à Bɛ̀ll, wɔ̀lɛ Yeesus kɛ̀ɛ fa ɓyɔ bee ìnɛ lɛ, ɓyɛɛ toòghrɛn, ɓisuulɛ ɓi yighà lɛ nnyɛɛ ri Kiris.

LUKAS 8:24

Nni ɓɛ̀yilàg ɓɛ tyoŋdɛ̀ngà Yeesus a nyoo, ɓɛ tum nyi rìghèmzì di ɓɛɛ̀ kpaakpaa lɛ: Ǹɗèsàg, ǹɗèsàg, ti cuu yɛɛ lɛ̀. Nni à ghèmbɛ̀ngà, à fwààdɛ̀n lɛ rì bɛ̀ɓ, rì ɓìkus ɓi riɓày, ɓyom ɓìn ɓi maarɛ̀n lɛ tɛ̀tɛ̀rɛ̀ɛ̀, jàŋ i sugtì lɛ fyòoog.

LUKAS 9:39

Kìɓeɓtàg ki nghay kidɛŋ ki ti lɛ, i ki sɛni ɓi nyi, à tumɛ̀n rìsyan a kɔ̀ɔ̀ à kìkì lɛ zaɗ zaɗ, di a fuufuùsì tìtyɛɛ; ki ti ki ɓalàg kìtètèɗ ki kiɓan lɛ kìɓeɓtàg ki ǹghay kìn kɛɛ caɗ nyi, ki mɛ fɔɔsi nyi lɛ kɔɔ̀kɔɔ̀.

LUKAS 9:42

Yɛ̀ɛ mutyàànɛn à tyɛ̀ɛ̀tɛ̀ngà yɛ̀ɛ Yeesus, kìɓeɓtàg ki ǹghay ki sɛn ɓi nyi, ki roŋ ɓi zi, à tumɛ̀n rì kìkì lɛ zaɗ zaɗ; fɔɔnnɛ Yeesus à fwààdɛ̀ngà kìɓeɓtàg ki ǹghay, à wɔ̀ɔ̀zì ŋwɔɓti, à pɛ̀ɛ̀zì nyi rì seŋì.

ÀPÒKÀLIƁSƐ̀ 12:12

Kìɓan kiǹ kɛɛ̀ki ɗyoo, rì mìni ɓumɓɛ ɓì kɔ̀kɔrii aɗyoo, ɓì ghɛ̀ɛ̀sɛɛ kìnyàànyaa! Nyìighnyìg rì ziinɛ, ɗì rìɓày à kìkòn, ɓisuulɛ Satàn a mɛ sɛn yi a lɔ̀ŋkin, ǹwoghɛn coo bim lɛ à yii lɛ, cààmɛ̀n kii ki mɛ rɔ̀ɓ lɛsàg.