LUKAS 4:23 - Bafia Nouveau Testament

²³ Yeesus à kpaa ɓɔ lɛ: Ǹ-yii saaɗ lɛ, ɓì rì mɛ̀ ɓiì terì dàɗkì ìnɛ lɛ: Wɔ̀ m̀ɓoò-ɓum, ɓoorɛn wɛ̀ɛmiɗ; ɓìɓan ɓi tì wokà lɛ, ù kìghà a Kapɛrinawum, kìya girig ɓyɔ fɛ ɓi kìlɔ̀ŋ kɔɔ.

LUKAS 4:23 Iomraidhean Croise

MATYOO 13:54

À kɛ̀ngà ɓi kìlɔ̀ŋ kii à ki tumɛn ɓum rìrèèrèsàg ɓi naa yaa yi bɔ̀ŋzɛ̀n; rìrèsì ɗii ɗi kìghà lɛ ɓum ɓɛɛ kuùghrag, ɓɛ ki tɔɔghtɔɔ̀ghrɛ̀n lɛ: Ɗyomzɛ̀n ɗi, rì ìtèɗ wu kìkiyɛn dàm miì, ɓi riì nyi fe?

MATYOO 4:13

À pɛ̀sɛ̀ngà a Naazarɛt, à kɛ̀n kì kɔ̀rii a Kapɛrinawum ànɛ à rì jàŋbog rì rìɓày à kìkòn, ɓi kìden ki zi ki ɓɔn ɓɛ Zaɓulon ri ɓɛ Nɛftalii.

MATYOO 4:23

Yeesus à rerènìghà ziì Galile bimiɗ di a rèresi ɓum ɓìɓan ɓi Bɛ̀ll ɓi naa yi bɔ̀ŋzɛ̀n, à lààlàmɓɛ̀n Syeesyee à Ɓɔlɛ à kìlɔ̀ŋ ki Bɛ̀ll. À wɔ̀ɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MARIKUS 6:1

Nni Yeesus à pɛsɛ̀ngà foo, à kɛ̀n ɓi bàn ìnɛ à tɔɔghà wɔɔ, ɓɛ̀yilàg ɓii ɓɛ nɔɔ̀tì nyi.

LUKAS 2:39

Yɛ̀ɛ ɓɛ̀yalì ɓɛ Yeesus ɓɛ legsìghà ɓìɓan ɓi ɓɛ ghɛɛsɛ̀ngà kì kìi lɔŋ yɛ̀ɛ ɓìdɔ̀gsɛna ɓi Kan ɓyɛɛ̀ kpaakpàà, nni ɓɛ sugtìghà rì nyi a Galile, ɓi ban ìnɛ ɓɛ kɔkɔ̀rìghà wɔɔ lɛ Naazarɛt.

LUKAS 2:51

Fɔɔnnɛ à sugtìghà min ri ɓɔ a Naazarɛt, a kìkì ɓɔ mɛ̀wog; jɛɛ à ɓèŋɓèŋgà ɓìɓan ɓiǹ ɓìcèm ɓi ǹɗem.

LUKAS 4:16

Yeesus à kɛ̀ngà a Naazarɛt ɓi bàn ìnɛ à tɔɔghà wɔɔ, a ɗiŋì ɓi naà-bɔ̀ŋzɛ̀n lɔŋ yɛ̀ɛ àa nti à kìlàg ɓɛ̀ŋwos ɓɛ Saɓàt. Nni à pɛ̀sɛ̀ngà aɗyòò lɛ a ɓay kaàtà à Bɛ̀ll.

LUKAS 4:31

Fɔɔnnɛ Yeesus à sɛngà a Kapɛrinawum ànɛ à ɓaghà bàn ìnɛ a Galile, à rèèrèsàg ɓum ɓìɓan ɓi Bɛ̀ll ŋwosi Saɓàt.

LUKAS 4:35

Yeesus à fwaàdɛ̀ngà kìɓeɓtàg ki ǹghay kìn, à kpaa kɔ lɛ: Sìmdi ŋwɔm, u ki kpaŋ ɓi ŋwaànɛ; nni kìɓeɓtàg ki ǹghay ki rogà ŋwaànɛ̀n ɓi zi ɓi nyìinyìm à ɓum, ki kpaŋ kɛ̀ kɛɛ̀ ki nyi com.

LUKAS 6:42

Nsoò lɛ: Lannɛ ù rì lɛ ù kpaa goni lɛ, maasòŋ, kìya m̀pisi wɔ̀ kìfɛfɛy ki wɔ̀ ɓi ɗis, kɔm̀ lɛ ù ghɛɛ ɓi nwɔ̀g wu wu ri ɓi ɗiǹkɔ̀ɔ̀? Wɔ̀ ŋwaà fyɛy fyɛy ɓi ŋwɔm ìghèy ɓi ɗùm! Ka pisi ǹwɔ̀g wu wu ri wɔ̀ ɓi ɗis, di fɔlɔɔ nnɛ u konag kì ghɛɛ̀ yɛ̀ɛ u pisi kìfɛfɛy ki ki ri ɓi ɗis ɗi goni.

ZYAŊ 4:28

Nni giɓ a càɗkà bèè yiì ì mɛ̀nig, à sugtì ɓi bàn, à kpaa ɓumɓɛ wɔɔ lɛ:

2 KƆ̀RƐ̀ŊTYƐŊ 5:16

Fɔlɔɔ nnɛ à tumɛ̀n ɓigomìnɛ ɓìsii yitii tì ɓi mum ɓi rìyi ɗi ɓi mɛ̀mùù; nsoò tì yighà Kiris ɓi rìyi ɗi ɓi mɛ̀mùù, tì yitii tì ɓi nyi ɓi rìkuu ɗi riyi ɗìn, ɓigomìnɛ.