LUKAS 4:18 - Bafia Nouveau Testament

¹⁸ Nghay à Kan à rì ɓi mɛ̀ ɓisuulɛ à ɓɔngà mɛ̀ à siŋì mɛ̀ mɔ̀ɔ lɛ ǹkakàlì ɓɛ̀yɛɓàyɛɓa Syeesyee à Ɓɔlɛ, à rom mɛ̀ lɛ, nghagsi ɓum ɓɛ naà-zày lɛ: ɓɛ ɓiì kpagii naà-zày; à rom dì mɛ̀ lɛ, ǹkpaà ɓɛ̀ɗyaŋɗyàŋ lɛ ɓɛ ri ɓiì ghɛnɛɛ ti; ɓumɓɛ ɓɛ̀ro ɓum ɓɛɛ̀ kìki mɛtɔɓ m̀pisì ɓɔ ɓi mɛ̀tɔɓ,

LUKAS 4:18 Iomraidhean Croise

MATYOO 11:5

Ɓyɛɛ ri lɛ, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n, ɓɛ̀lɛnlɛm ɓɛ̀ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ pɛɛ̀zɛ̀n kìɓaà lɛ syeesyee ɓi nyoo yàà, ɓɛ̀lɔlɔg ɓɛ woòghwòòghrɛ̀n, ɓìloŋ ɓi gheèghèmɓɛ̀n, Syeesyee à Ɓɔlɛ à ki kaakalɛ̀n a ɓumɓɛ ɓɛ ri nyìighnyìg.

MATYOO 12:18

Ǹkìì-kìsay wɛm̀ ànɛ ǹɗɔ̀tɛ̀ngà innɛ̀n, nyi nnɛ ǹkeesàg, kìnyàà kɛm̀ kìcèm ki ri ɓi nyi. Ǹɗì ɓiì foŋì Nghay wɛ̀m ɓi nyi, fɔlɔɔ nnɛ à ɓiì kpaa ɓìlɔ̀ŋ saaɗ wɛ̀m.

MATYOO 12:20

Àa ɓun ɓi kisyòŋ ki ki ti kì tuŋiyɛn, kɛ̀ɛ ki ɗimzi filàà fi fyɛɛ̀ ka syoosyòò, à kpaŋ yɛ̀ɛ à rì ɓiì lègsii ki kìi lɛ, saaɗ a yagsag.

MATYOO 4:16

Kìlɔ̀ŋ ki ki ɓaghà kìkɔ̀kɔriyɛn ɓi birìm, ki ǹghɛɛ coo kitɛɛtɛ̀n; fɔɔnnɛ kìtɛɛtɛn ki ǹlòmi a ɓɛ̀roɓɛ ɓɛ ǹɗì ɓi kìlɔ̀ŋ ki ɓi birìm ì rìwu ɓi ɗùm.

MATYOO 5:3

Mààgh rì ɓumɓɛ ɓɛ yii lɛ ɓɛ ri nyìighnyìg, ɓi mɛ̀ghay maa ɓisuulɛ kìlɔ̀ŋ ki aɗyoo ki ri ɓisu wàà.

LUKAS 4:17

Ɓɛ ceesìghà nyi kaàtà à ǹkpaŋzì-ɓìɓan anɛ lɛ Ezayii, yɛ̀ɛ à ŋwàɗkà kaàtà ànɛn à tanɛ̀n jàŋ inɛ ì rì ǹkànɛn lɛ:

LUKAS 6:20

Fɔɔnnɛ Yeesus à pɛɓsɛ̀ngà ɓɛ̀yilàg ɓii, à kpaa ɓɔ lɛ: Mààgh rì mìni ɓɛ ɓì rì ɓɛ̀soghàsogha ɓisuulɛ kìlɔ̀ŋ ki Bɛ̀ll ki ri kiŋkìn.

LUKAS 7:22

Fɔɔnnɛ à kpaaghà ɓumɓɛ Zyaŋ à romgày ɓɛǹ a lɔ̀ŋkii lɛ: Kɛ̀ɛna kì kpaà Zyaŋ ɓìɓan ɓi ɓì ghɛɛ, rì ɓi ɓì woogh; ɓyɛɛ ri lɛ: ɓɛ̀ɗyaŋɗyàŋ ɓɛ ghɛɛghɛnɛ̀n tì, ɓɛ̀lɛnlɛm ɓɛ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ teètèètì syeesyee à nyoo, ɓɛ̀lɔlɔg ɓɛ woòwòòghrɛ̀n, ɓìloŋ ɓì gheèghèmɓɛ̀n, Syeesyee à Ɓɔlɛ à kaàkàlɛ̀n a ɓɛ̀soghàsogha.

ZYAŊ 1:41

Andire ànɛn à lokà kì tanɛɛ ri Simɔn à geni, à kpaa nyi lɛ: Tyàa ghɛɛ Mèsii, yɛɛ lɔɔ lɛ Kiris.

ZYAŊ 12:46

Mɛ̀ ǹ-yùghà ɓi ziinɛ fɛlɛ yɛ̀ɛ kìtɛɛtɛn, lɛ mum ǹcèm ànɛ à gherɛɛ mɛ̀ kɛ̀ɛ ɓa ɓi birìm.

ZYAŊ 3:34

Ɓisuulɛ, roànɛ Bɛ̀ll à romgày, a kakali ɓiɓan ɓi Bɛ̀ll; lɛ Bɛ̀ll à ti à roòzàg nyi rì Nghay wìì lɛ pisa.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

MƐ̀KÌKÌÌ MƐ ƁƐKƐ̀NÌ-FÌTOM 4:26

Mɛ̀fòm mɛgwey mɛ ɓi ziinɛ mɛ ramiì wɛ̀y, mɛ̀fòm mɛ sàgsàg mɛ ɓasɛ̀n yì kìbyɔg kìfog lɛ mɛɛ ɗuù rì Kan, rì Mèsii wiì.

MƐ̀KÌKÌÌ MƐ ƁƐKƐ̀NÌ-FÌTOM 4:27

Ɓi saaɗ, ɗì Eroodɛ rì Pɔŋs-Pilat ɓɛ mɓasɛɛ rì ɓɛ̀kèn, ri mɛ̀kuu mɛ a Isirayɛl ɓi ban ìnɛ, lɛ ɓɛɛ ɗuù rì Yeesus ànɛ à rì ǹkìì-kìsay wɔɔ̀ à ǹtɛnɛn ànɛ ù rɛsìghà.

KÒLÒSYƐŊ 1:13

À kwèɗkà ɓìsi ɓi rìkpàn ɗi mɛtèɗ mɛ birìm, à ceesì ɓìsi ɓi kìlɔ̀ŋ ki Man wiì à ǹɗem,

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;