LUKAS 4:15 - Bafia Nouveau Testament

¹⁵ A rèrèsàkà ɓum ɓìɓan ɓi Bɛ̀ll ɓi naa yi bɔŋ̀zɛ̀n, ɓum ɓɛ̀cèm ɓɛ sɛsɛ̀g nyi.

LUKAS 4:15 Iomraidhean Croise

MATYOO 13:54

À kɛ̀ngà ɓi kìlɔ̀ŋ kii à ki tumɛn ɓum rìrèèrèsàg ɓi naa yaa yi bɔ̀ŋzɛ̀n; rìrèsì ɗii ɗi kìghà lɛ ɓum ɓɛɛ kuùghrag, ɓɛ ki tɔɔghtɔɔ̀ghrɛ̀n lɛ: Ɗyomzɛ̀n ɗi, rì ìtèɗ wu kìkiyɛn dàm miì, ɓi riì nyi fe?

MATYOO 4:23

Yeesus à rerènìghà ziì Galile bimiɗ di a rèresi ɓum ɓìɓan ɓi Bɛ̀ll ɓi naa yi bɔ̀ŋzɛ̀n, à lààlàmɓɛ̀n Syeesyee à Ɓɔlɛ à kìlɔ̀ŋ ki Bɛ̀ll. À wɔ̀ɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 9:35

Yeesus à kɛ̀ɛ̀kɛ̀ɛ̀ghà lɛ rì ɓi bàn yìcèm rì ɓi ɓɔɔ ɓilɔ̀ŋ ɓɛ̀cèm di a rèresi ɓum ɓìɓan ɓi Bɛ̀ll ɓi naa yaa yi bɔ̀ŋzɛ̀n, à kakàlì Syeesyee à Ɓɔlɛ à kìlɔ̀ŋ ki Bɛ̀ll, à ki wɔ̀ɔwɔɔ̀zì tìròɓ, rì ɓìlɛm mɛ̀kuu mɛ̀cèm.

MATYOO 9:8

Yɛ̀ɛ gwìy ì ɓum ì ghɛngà fɔlɔɔ, ìris wu ɓan yɔ̀, ì ki kemzi Bɛ̀ll lɛ, à mɛ fa ɓum rìkuu ɗi itèɗ yɛ̀ɛ ɗiǹ.

MARIKUS 1:27

Ìris wu ɓangà ɓum ɓɛ̀cèm ɓɛ ɓɛ ghɛngà kìɓan kiǹ ɓɛ tɔɔ̀ghtɔ̀ɔ̀ghrɛ̀n ɓɔ rì ɓɔ lɛ: Cɛ kɛɛ ri kɔmiɗ lɛ! wooghna nyɔɔnyɔn à dɔgtɛ̀n ànɛ a rèresi ri ìtèɗ wu rilàmì; a kɔ̀ɔkɔmɛ̀n lɛ rì ɓìɓeɓtàg ɓi mɛghay miì, ɓi ki kìki nyi mɛ̀wog'

MARIKUS 1:39

Fɔɔnnɛ à kɛ̀ngà di a rereni ziì Galile à kakàlì Ɓɔlɛ à Bɛ̀ll ɓi naa yi bɔ̀ŋzɛ̀n à ki nànaɓ ɓiɓeɓtàg ɓi mɛghay.

MARIKUS 1:45

Kìɓan kifog, yɛ̀ɛ ŋwaànɛ̀n à kɛ̀ngà, nni à tumɛ̀ngà rìlààlàmɓɛ̀n ɗi ɓɔlɛ à kìɓan kiǹ, à sààsààtì nyi lèg ànɛ lɛ Yeesus à ɓatìghà ɓi lɛ à ɗiŋì ɓi bàn ìdɛŋ ɓi mɛ̀tàna. Wɔ̀lɛ àa ǹti à kɔ̀ràg ɓi ɓɛ̀kòdò ɓɛ ɓɛ lɛŋzɛɛ rì bàn, rì jàŋ yi ɓum ɓɛ wuɓsɛɛ ɓi, fɔɔnnɛ ɓum ɓɛ pɛɛ̀pɛ̀sɛ̀ngày ɓɛ̀tum ɓɛ̀cèm, ɓɛ yuyù nyi kì ghɛnghɛni.

LUKAS 13:10

Yɛ̀ɛ Yeesus à rèrèsàkà ɓum ɓi naà-bɔ̀ŋzɛ̀n ìdɛŋ ŋwosi Saɓàt,

LUKAS 4:16

Yeesus à kɛ̀ngà a Naazarɛt ɓi bàn ìnɛ à tɔɔghà wɔɔ, a ɗiŋì ɓi naà-bɔ̀ŋzɛ̀n lɔŋ yɛ̀ɛ àa nti à kìlàg ɓɛ̀ŋwos ɓɛ Saɓàt. Nni à pɛ̀sɛ̀ngà aɗyòò lɛ a ɓay kaàtà à Bɛ̀ll.