48 Ɓì rì ɓɛ̀wusìnɛ̀ɗ ɓɛ ɓi kìɓan kiǹ.
Mìni girig, ɓì ri tɛɛzi ɓum kìɓan kɛm̀ ɓisuulɛ, rì mɛ̀ rì mìni, tì rì ǹɗaŋ, à tumɛ̀n a rìtumɛ̀n.
à tumɛ̀n lɔŋ yɛ̀ɛ Zyaŋ à ɓàɓtìghà nyi à kpaŋ yɛ̀ɛ àa m̀pɛsɛɛ ɓi nyìinyìm wìs a ɓɔg aɗyoo, kìbog ki ɓi ɓɔ kɛɛ ɓasɛn ɗì ɓìsi lɛ kɛɛ ɓa wusìnɛ̀ɗ ɓi rìghèmɓɛ̀n ɗii.
Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.
Ɓìsii ri ɓɛ̀wusìnɛ̀ɗ ɓi ɓìɓan ɓi à kìghà ɓi zi ì Ɓɛ̀yudɛ̀n rì a Yorisalɛm, nni Yeesus ànɛ̀n innɛ ɓɛ ǹwoli di ɓɛ kpani ɓi kɔrɔs.
Wɔ̀lɛ àa ɓum a ɓɛ̀cèm nnɛ à rèsɛ̀ngà, lɔŋ a ɓɛ̀wusìnɛ̀ɗ ɓɛ Bɛ̀ll à lokà kì ɓɔ̀ni. A ɓìsi ɓumɓɛ ti kìghà lɛ, tì ɗi, tì ki nɔ nɗaŋ ɗì nyi di à mɛ ghemɓɛn yi a ɓìloŋ.
Fɔɔnnɛ à rèsɛ̀ngà bàlì ì mɛ̀ru lɛɛ̀gwey a ɓumɓɛ à pɛ̀sɛ̀ngày rì ɓɔ a Galile ɓɛ ɓɔg a Yorisalɛm ǹɗaŋ, ɓɔ yɛɛ ti ɓɛ̀wusìnɛ̀ɗ ɓɛ ɓɛɛ̀ tɛɛtɛɛ̀zì ɓumɓɛ a Isirayɛl kìɓan kii.
Yeesus ànɛ̀n nnɛ Bɛ̀ll àa ǹghèmzii, ɓìsiìcèm tì rì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.
ɓisuulɛ ù rì ɓiì ɓaà wusìnɛ̀ɗ wìì, lɛ u ghagsi ɓum ɓɛ̀cèm ɓìɓan ɓi ù kìghà lɛ, ù ghɛn, ù ki wog.
Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.
Ɓɛkɛ̀nì-fìtom ɓɛ kpaakpààghà ɓum kìɓan ki righèmɓɛ̀n ɗi Kan Yeesus rì ìtèɗ lɛɛ̀gwey, fɔɔnnɛ coo geesɛ̀n ì Bɛ̀ll ì rongà a ɓɔɔ̀cèm.
Tì rì ɓɛ̀wusìnɛ̀ɗ ɓɛ ɓi ɓìɓan ɓiǹ lɛ, rì ɓìsi, rì Kìtɛntɛ̀ɛ̀n ki Nghay ki Bɛ̀ll àa ǹɗomiì ɓumɓɛ ɓɛɛ̀ kìki nyi mɛ̀wog.
Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,
