LUKAS 23:2 - Bafia Nouveau Testament

² Wɔɔ nnɛ ɓɛ sɔmɛ̀ngà nyi, ɓɛ kpaa lɛ: Tìi ǹsììdii ŋwaaànɛ di a tootoòsì ɓumɓɛ ɓi kìlɔ̀ŋ kis lɛ, ɓɛ̀ kɛɛ̀ wog com ki ɓɛ̀làmì ɓɛɛ̀ kpaakpàà, à règ lɛ ɓɛ̀ kɛɛ̀ peeti làmpoŋ̀ à Kaaza, à ki reŋɗɛn nyimiɗ lɛ Kiris, yɛ̀ɛ lɔɔ lɛ rìfòm.

LUKAS 23:2 Iomraidhean Croise

MATYOO 17:27

Wɔ̀lɛ ɓi ɗi lɛ tyɛ̀ ki kɛ̀ɓti ɓɔ fìɓàg, kɛ̀na ɓi rìɓày, u pig fìlɔɓ, kìzɛn ki ki ɓiì loògh kì ɗiì, sɔri kɔ̀, pini kɔ ŋwɔm fɔɔnnɛ, ù ɓiì tanɛɛ firaŋ̀ fi mɔ̀ɔ̀ni miì, tera fìraŋ̀ fiǹ u fa ɓɔ fyɔ ɓisuu làmpoŋ̀ wìs, lɛ rì mɛ̀ rì wɔ̀.

MATYOO 22:21

Ɓɛ̀roɓɛ̀n ɓɛ ɓaàg lɛ: Kaaza yɛɛ ri rì ɓyɔ. Nni Yeesus à kpaaghà min ɓɔ lɛ: Pɛ̀ɛ̀ziina lɔŋ ɓyom ɓi Kaaza ɗì Kaaza, ɓì pɛ̀ɛ̀zì ɓi Bɛ̀ll ɗì Bɛ̀ll.

MATYOO 27:11

Yeesus à rɛlìghà ɓɛ̀yɔ̀m ɓi mis mɛ gɔmìnà; gɔmìnà à tɔg nyi lɛ: Ù rì nya rìfòm ɗi Ɓɛ̀yudɛ̀n? Yeesus à ɓàg lɛ: Wɔ̀ yɛɛ kpaa.

MARIKUS 12:17

Yeesus à kpaa min ɓɔ lɛ: Pɛ̀ɛ̀ziina ɓyom ɓi Kaaza rì Kaaza, ɓì pɛ̀ɛ̀zì ɓi Bɛ̀ll rì Bɛ̀ll. Ɓɛ kuuràkà lɛɛ̀gwey yɛ̀ɛ à ɓàkà ɓɔ fɔlɔɔ.

MARIKUS 15:2

Nni Pilat à tɔkà nyi lɛ: Ù rì nya rìfòm ɗi Ɓɛ̀yudɛ̀n? Yeesus à ɓàg nyi lɛ: Wàa kpaa.

LUKAS 23:14

À kpaa ɓɔ lɛ: Ɓyàa yùu mɛ̀ rì ŋwaànɛ rì ǹkpaà lɛ a tootoòsì ɓum ɓɛ kilɔ̀ŋ lɛ ɓɛ̀ kɛɛ̀ wog rilàmì. Nni màa tɔkii nyi mɛ̀tɔɔ̀ghtɔɔgh ɓi mis min, kɛ̀ɛ ǹghɛn nsoò kìɓan kifog ki à kìi ɓi mɛ̀to mɛ ɓiɓan mɛ ɓyàa sɔmɛɛ nyi miì.

LUKAS 23:5

Wɔ̀lɛ ɓɔɔ siìrɛ̀ngà lɔŋ ɓi rìkpaakpàà lɛ, àa ntoosii ɓumɓɛ ɓi kìlɔ̀ŋ lɛ ɓɛɛ ɓa rì ǹtoòtèɗ, ɓi rìrèsàg ɗi a fafa ɓɔ; à tumɛ̀ngà com kìn a Galile, à renì ziì Zyude bimiɗ, à yù fɛ kì kpaŋì.

ZYAŊ 18:29

Fɔɔnnɛ gɔmìnà ànɛ lɛ Pilat à kpagày, à kɛ̀n jàŋ inɛ ɓɛ ɓaghà, à kpaa lɛ: Kìɓan adi kɛɛ̀ki ɓi kpaaghì ɓì ràɗ rì ŋwaànɛ?

ZYAŊ 18:30

Ɓɛ pɛɛ̀zì nyi lɛ: I àa yin fàràfara, di tì yùu yì ɓi ri nyi a lɔ̀ŋkɔɔ.

ZYAŊ 19:12

À tumɛ̀n ɓi cààmɛ̀n kiǹ, Pilat à kaakààghà bee inɛ lɛ a caɗ nyi, kìɓan kifog, Ɓɛ̀yudɛ̀n ɓɛ kpaakpààghà jɛ̀ɛ̀ aɗyoo lɛ: I ù càri ŋwaànɛ̀n di ù yin righan ɗi Kaaza, lɛ mum ǹcèm ànɛ à kalii lɛ à rì rìfòm, à rì ŋwaànɛ a ɗùùɗuu ri Kaaza.

MƐ̀KÌKÌÌ MƐ ƁƐKƐ̀NÌ-FÌTOM 24:13

ɓumɓɛ ɓɛ ri ɓɛ, ɓɛ yin ɗi kìɓan kidɛŋ ki ɓɛ ri lɛ ɓɛ ɓaàzì sɔmìnà wàà miì yɛ̀ɛ ɓɛ rɛrɛlii lɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 24:5

Tìi ǹghɛɛ lɛ ŋwaànɛ à rì fìɓàg, a ɓiighɓigtì kìyoòyòò ɓi nyìinyìm à Ɓɛ̀yudɛ̀n ɓi Zi bimiɗ. Nnyɛɛ ki rìtì rìfòm ɗi righerɛ̀n ɗi nyɔn ɗi ɓumɓɛ a Nazarɛt.

RÒMƐŊ 13:7

Lèɓkiina mum ǹcèm com ki ki ghɛɛ̀sɛɛ rì nyi, ɓì peeghì làmpoŋ̀ rì ŋwaànɛ a tɔtɔg mini làmpoŋ̀, ɓì peeghì tikis rì ǹtɔɔ̀gh-tikis, ɓì risàg ɓɛ̀roɓɛ ɓì ghɛ̀ɛ̀sɛɛ kì risii, ɓì ki nyaasag ɓɛroɓɛ ɓì ghɛ̀ɛ̀sɛɛ kì nyaasii.