LUKAS 21:8 - Bafia Nouveau Testament

⁸ Yeesus à ɓàg lɛ: Ɓì konàg lɛ mum kɛ̀ɛ yègsi mini, ɓisuulɛ ɓum lɛɛ̀gwey ɓɛ ɓiì yùyuu ri ɗii ɗyɛ̀m, rì ànɛn miì à kpaa lɛ: Mɛ̀ yɛɛ ri Kiris, rì tì lɛ cààmɛ̀n ki ti jàŋbog; kɛ̀ ɓi nɔ̀ɔ̀ti ɓɔ.

LUKAS 21:8 Iomraidhean Croise

MATYOO 24:11

Ɓɛ̀pwààpwaà ɓɛ ɓɛkpaŋzì-ɓìɓan ɓɛ ri ɓiì yùu lɛɛgwey, ɓɛ syoŋ ɓum kìtuu.

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 4:17

Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

LUKAS 17:23

Ɓɛ ri mìni ɓiì kpaà lɛ innɛnii, nsoò lɛ innɛ fɛ̀, kɛ̀ ɓi kɛ̀n wɔɔ, kɛ̀ ɓi mɛŋ wɔɔ ri mɛ̀ree.

LUKAS 21:7

Nni ɓɛ tɔkà nyi lɛ: Ǹɗèsàg! fin innɛ kìɓan kiǹ ki ɓiì kìlɛɛ? Kìrèmzɛnà aɗi kɛɛ ri ɓiì rèsii lɛ kìɓan kiǹ ki ti jàŋbog ɗì rìkìlɛ̀n?

LUKAS 21:9

Yɛ̀ɛ ɓì rì ɓiì woògh di ɓɛɛ̀ kpaakpaa ɓiɓan ɓi mɛ̀y, rì kìɓùùsì ki ɓi ɓìlɔ̀ŋ, kɛ̀ ɓi risi, lɛ ɓìɓan ɓiǹ ɓi ghɛɛ̀sɛɛ kì loògh kì rèsɛɛ, kìɓan kifog àa rìlèg ɗi zi ɗyɛɛ ri lɔɔ ɓiì ɓaà.

ZYAŊ 5:43

Ǹ-yùghà ɓi ɗii ɗi Seŋi wɛ̀m kɛ̀ ɓi kɔ̀n lɛ ɓi ghaɓ mɛ̀, wɔ̀lɛ, i ŋwaàdɛŋ à yùu ɓi ɗii ɗii ɗi nyimiɗ, nyi nnɛ ɓì rì ɓiì ghàɓi.

ZYAŊ 8:24

Fɔlɔɔ nnɛ màa kpaa mìni lɛ, ɓì ɓiì wiì ɓi ɓìɓe ɓin ɓiɗùm; lɛ i ɓì gherɛɛ ɓi lɛ Mɛ̀ nɗì... , di ɓì wii ɓi ɓìɓe ɓin ɓiɗùm.

ZYAŊ 8:28

Nni Yeesus à kpaaghà min ɓɔ lɛ: Yɛ̀ɛ ɓì ri pɛ̀si Man à mum aɗyoo, lɛ teŋtèŋ̀ŋ̀, fɔɔnnɛ ɓì ri yi min lɛ Mɛ̀ yɛɛ ri, rì tì lɛ mɛ̀ ǹ-yin ɓiì kìkii kiɓan kidɛŋ rì nto wɛ̀m, kìɓan kifog, mɛ̀ɛ nkpaakpaa ɓiɓan ɓi Seŋi wɛ̀m à rèsàkà mɛ̀.

1 KƆ̀RƐ̀ŊTYƐŊ 6:9

Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

EFÈZYƐŊ 5:6

Mum kɛ̀ɛ yègsi mini rì ɓìtòkì ɓi kɛ̀ɛ̀-su lɛ ɓisuu ɓiɓan ɓiǹ innɛ bim i Bɛ̀ll ì rì ɓiì sɛni ɓi ɓɔn ɓɛ ɓɛ ri rì ǹtoòtèɗ.

2 TÈSÀLÒNÌSYƐŊ 2:3

Ŋwaàdɛŋ kɛ̀ɛ yègsi mini, nsoò ɓi-ghèy wu la, ɓisuulɛ ŋwos anɛ̀n à yin lɛ à kpaŋ di ɓum ɓɛ ka resi ɓi lɛ ɓɛ naŋi rìgherɛ̀n, Kìɓeɓtàg ki mum ki ki ghɛɛ̀sɛɛ kì ɗyaŋì, ki resɛ̀n.

2 TIMOTE 3:13

Kìɓan kifog ɓìɓeɓtàg ɓi ɓum rì ɓɛ̀pwààpwaà ɓɛ ri ɓiì kɛ̀nkɛni lɔŋ beèbɛ̀y ɗì rìkìkì ɗi kiɓe, ɓɛ naànààzì ɓum bee lɛ ɓɔmiɗ ɓɔɔ ka rì ɓɛ̀ɗimɛn bee.

1 ZYAŊ 4:1

Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.

2 ZYAŊ 1:7

Lɛ ɓɛ̀yègsì-ɓum ɓɛ mɛ sààtɛn ɓi ziinɛ lɛɛ̀gwey; ɓɛ gherɛɛ ɓi lɛ, Yeesus Kiris à yalɛ̀ngà lɔŋ mum. Rìkuu ɗi mum ɗìn ɗi ri ǹ-yègsì-ɓum ɗi ki ɓa ŋwaànɛ a ɗùùɗuu ri Kiris.

ÀPÒKÀLIƁSƐ̀ 1:3

Mààgh lɛ, rì roànɛ a ɓàɓày rì ɓɛ̀roɓɛ ɓɛɛ̀ wowog ɓiɓan ɓi Bɛ̀ll ɓi ɓɛ resii ɓi, ɓɛ ki nɔ̀ɔnɔɔ̀tì com ki ki ri kìkànɛn miì ɓisuulɛ cààmɛ̀n ki lɛ ɓyɛɛ kilɛn ki ti jàŋbog.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.