LUKAS 20:16 - Bafia Nouveau Testament

¹⁶ Ŋwaàdɛm a rì ɓiì yùu, à cuusì ɓumɓɛ̀n ɓɛ̀cèm, à ki fa dɛm inɛ̀n rì ɓum ɓɛdɛŋ. Yɛ̀ɛ kìlɔ̀ŋ kìcèm ki wokà rìkpaa ɗi Yeesus ɗiǹ, ki kpaa lɛ: Kɛ̀ kɛɛ̀ ɓa ɓaà fɔlɔɔ.

LUKAS 20:16 Iomraidhean Croise

MATYOO 21:34

Yɛ̀ɛ viìnyɛ̀ ì ɓàgà lɛ ɓɛɛ kɛs, nni à pɛ̀sìghà ɓum, à rom yì a ɓɛ̀kìì-ɓìsay ɓɛ à càɗkà dɛm rì ɓɔ lɛ ɓɛɛ rom gàɓ yìì i ɓìɗilàg.

MATYOO 21:41

Nni ɓɛ ɓakà Yeesus lɛ: À ɓiì cuusii ɓìɓeɓtàg ɓi ɓɛ̀kìì-ɓìsay ɓiǹ kɛ̀ɛ̀ rìrɔ̀ɓ, à ki teɗ dɛm yiì, à fa yɔ̀ ɓi rɛntì rì ɓɛ̀kìì-ɓìsay ɓɛdɛŋ ɓɛ ɓɛ rì nyi ɓiì falaagh gàɓ yìì i ɓìɗilàg di bèg ì kpaŋi.

MATYOO 22:7

Nni rìfòm ɗi wokà bim, ɗi rom ɓɛ̀sujàà ɓii ɓɛ cuusì ɓɛ̀wolì-ɓum ɓɛ̀n, ɓɛ ki ɗigsi bàn yàà.

MARIKUS 12:9

Nni ǹtɔɔ̀tɔɔgh wu ri lɛ: Cɛ kɛɛ̀ ki ŋwaàdɛm a rì ɓiì kìi? Ŋwaàdɛm a ɓiì yùu, à cuusì ɓɛ̀kìì-ɓìsay ɓɛǹ à ki reɓsɛn dɛm ri ɓum ɓɛdɛŋ lɛ ɓɛɛ sasay.

LUKAS 19:27

Ɓi ɓɛg ànɛ a ɓɛ̀bènàbena ɓɛm, ɓɔɔ kɔngà ɓi lɛ ǹlami ɓɔ, nni yùunay fɛ rì ɓɔ, ɓi siì ɓɔ ɓɛ̀ɓoŋ foo ɓi mis mɛ̀m.

LUKAS 20:15

Nni ɓɛ kpaŋzìghà nyi ɓi dɛm, ɓɛ ki wey nyi. Ɓigomìnɛ̀n, cɛ kɛɛ̀ ki ŋwaànɛ̀n à ɓiì ghalì rì ɓumɓɛ à faghà dɛm ri ɓɔ?

MƐ̀KÌKÌÌ MƐ ƁƐKƐ̀NÌ-FÌTOM 13:46

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ kpaghà ɓɔ lɛ fwàafwàày lɛ: Ki ǹghɛ̀ɛ̀sɛɛ lɛ, jɛ̀ɛ̀ ì Bɛ̀ll yɛ̀ɛ log kì kpaarɛɛ a lɔ̀ŋkin, nni yɛ̀ɛ ɓì ɓèni yɔ̀ yɛɛ lɔɔ lɛ, ɓì ghɛɛ lɛ cɛɓ ki fìɗyàɓ fikɔ̀ɔ̀ ki ghɛɛ̀sɛɛ ɓi ri mìni, nni ɓìsii tiŋ̀mɛɛ min a ɓumɓɛ ɓɛ yin Ɓɛ̀yudɛ̀n.

RÒMƐŊ 11:1

Nni ǹtɔɔgh lɛ, Bɛ̀ll àa m̀màagh nya kìlɔ̀ŋ kii? Èe èe, à màagh ɓi kɔ. Ɓisuulɛ, mɛ̀ ǹɗì girig kìyalì ki a Isirayɛl, dòò yì Abiraham ɓi rìpwìɗ ɗi Bɛŋzyamɛŋ.

RÒMƐŊ 11:11

Nni ǹtɔɔgh lɛ, Ɓɛ̀yudɛ̀n ɓɛ kɛɓtɛ̀ngà nya lɛ ɓɛɛ kpi kìzog ki isuùcèm? Èe èe, ki yin fɔlɔɔ, wɔ̀lɛ rìkpì ɗi ɓɛ kpighà ɗyɛ̀ɛ mɛ ki lɛ, ɓìlɔ̀ŋ ɓi zɛy ɓyɛ̀ɛ ɓa ɓìkòrɛn, lɛ di Ɓɛ̀yudɛ̀n ɓɛɛ ki yɔ̀ɔ̀tì.

RÒMƐŊ 3:31

Kìɓan kiǹ ki resii nya yɛɛ lɔɔ lɛ tì pisii ìtèɗ wu ɓidɔ̀gsɛna lɛ rìgherɛ̀n? Èe èe, fɔlɔɔ a rì kɔm̀ lɛ tì sììraagh ɓìdɔ̀gsɛna.

RÒMƐŊ 3:4

Ɓi saaɗ ki yin fɔlɔɔ! Ɓum ɓɛ ghɛɛ̀sɛɛ kì gherɛɛ lɛ, Bɛ̀ll à rì roànɛ à ti à kpaaghì saaɗ, ɓum ɓɛɛ ri ɓɛ̀pwààpwaà ɓɛ̀sɛ̀ɛ̀ ɓɛcèm; lɛ ki ri kìkànɛn lɛ: Ki ghɛɛ̀sɛɛ lɛ ɓɛɛ yi lɛ ù rì mum à saaɗ ɓi ɓìɓan ɓi ù kalii, ù ki yagsag ɓɛyɔ̀m di ɓɛ sɔmɛɛ wɔ̀.

RÒMƐŊ 3:6

Ki yin fɔlɔɔ! I Bɛ̀ll àa rì fɔlɔɔ di à rì lɛ à yɔ̀m ziinɛ la?

RÒMƐŊ 6:15

Nni la min? Tì rì nya ɓiì kìkii kiɓe lɛ yɛ̀ɛ ɓìdɔ̀gsɛna ɓi lamii ɓi ɓisi, lɔŋ geesɛ̀n ì Bɛ̀ll yɛ̀ɛ lamii ɓìsi wa? Ki yin fɔlɔɔ.

RÒMƐŊ 6:2

Èe èe. Tì rì ɓìloŋ ɓi san ànɛ a kìɓe, nni lannɛ tì rì lɛ tì ghɛɓtì ɓi kìɓe?

RÒMƐŊ 7:13

Syeesyee à com à ghali yɛɛ lɔɔ com ki kɛɛ wey mɛ̀? Àg! À ghali ɓi nsoò, wɔ̀lɛ kiɓe kɛɛ tekà com ki ki ri lɛ syeesyee, ki ki lɛ mɛ̀ nwu lɛ di kɛɛ resɛn lɛ ki ri kìɓe, ɓìdɔ̀gsɛna ɓi ɓa com ki kɛɛ resi yɛ̀ɛ kìɓe ki ɓeɓtɛɛ ki ciɓtàg.

RÒMƐŊ 7:7

Nni cɛ kɛɛ̀ki tì rì min lɛ tì kpaa? Ɓìdɔ̀gsɛna ɓi ri nya kìɓe? Àg. Ɓi yin kiɓe nsoò lɛsàg, wɔ̀lɛ ɓìdɔ̀gsɛna ɓi kighà lɛ n-yi com ki lɛ kìɓe. Ɓisuulɛ i ɓìdɔ̀gsɛna ɓyɛ̀ kɛɛ̀ kpaa lɛ, kɔ̀ɔ lem com ki mum, mɛ̀ m̀ɓaghà ɓi lɛ ǹ-yi cɛ kɛɛ ri lɛ rìlem ɗi com ki mum.

RÒMƐŊ 9:14

Tì rì min lɛ tì kpaa la? Bɛ̀ll à rì nya ɓèèɓeè? Èe, èe, à yin ɓèèɓeè.

1 KƆ̀RƐ̀ŊTYƐŊ 6:15

Ɓì yii ɓi lɛ nyoo yin yi ri ɓìkàɓ ɓi Kiris? Nni ǹɗì nya lɛ ǹteɗ ɓìkàɓ ɓi Kiris lɛ nghaasi ɓyɔ ɓìkàɓ ɓi giɓ a rìɓàmɓà?

GÀLAT 2:17

Wɔ̀lɛ, i ki kpaŋi lɛ cààmɛ̀n ki ti kaakaa lɛ ti ɓa lɛ saaɗ ɓi mis mɛ Bɛ̀ll lɛ rìgherɛ̀n ɗi tì gherɛɛ Kiris, ki ghɛnɛɛ lɛ ɓìsi girig tì rì ɓɛ̀kìì-kìɓe, fɔlɔɔ a rèsì nya lɛ Kiris a sasay ɓisuu kiɓe? Àg! Ki yin fɔlɔɔ.

GÀLAT 3:21

Fɔlɔɔ a rèsii nya lɛ ɓìdɔ̀gsɛna ɓi wɛɛsɛɛ ɓi ri mɛ̀kàg mɛ Bɛ̀ll? Àg! Ki yin fɔlɔɔ; i kìdɔ̀gsɛna kidɛŋ ki ki ri lɛ ki fa cɛɓ kɛɛ ɓa wɔɔ, di rìɓa ɗi mum a ɓa lɛ saaɗ ɓi mis mɛ Bɛ̀ll ɗi ri lɛ ɗi ghɛnɛ̀n a tààkaà ɓi ɓìdɔ̀gsɛna.

GÀLAT 6:14

Ɓi san wɛ̀m, ki yin fɔlɔɔ, mɛ̀ ǹ-yin ɗi com kidɛŋ ki lɛ nsaàsànɛ̀n i ki cee ɓi lɛ kɔrɔs à Kan wìs Yeesus Kiris. Lɛ kɔrɔs à Yeesus ànɛ̀n, ziinɛ ì rì kìloŋ ɓi mis mɛ̀m, fɛlɛ yɛ̀ɛ mɛ̀ɛmiɗ ǹɗì kìloŋ ɓimis mɛ ziinɛ.