LUKAS 2:36 - Bafia Nouveau Testament

³⁶ Giɓ adɛŋ ɗii lɛ Ana, gɔ̀n ì Fanuɛl, ŋwaànɛ ɓi rìpwìɗ ɗi Azɛr a ɓatìghà girig ǹkpaŋzì-ɓìɓan a Bɛ̀ll. À ɓaghà di à mɛ rùn lɛɛ̀gwey; à ghɛɓkà bèg taàɓɛ̀ɛ̀ rì ŋwaànɛ ɓɛ wɔlɛ̀ngà ɓɛɛ̀ nyi ɓi rìgɔ̀n ɗii.

LUKAS 2:36 Iomraidhean Croise

LUKAS 2:35

Wɔɔmiɗ anɛ, ù ɓiì woògh ǹɗemi-kɛŋɛn yɛ̀ɛ mɛ̀nɔ̀ɓɔ̀, fɔlɔɔ nnɛ mɛ̀yitì mɛ mɛ rì ɓum lɛɛ̀gwey ɓi mɛ̀rem mɛ ɓiì yilɛɛ.

LUKAS 2:38

Nni giɓ anɛ̀n à yùghày girig ɓi cààmɛ̀n kɔm̀ kiǹ, à tum rìfa ɗi Bɛ̀ll rìkem, à ki kpaakpaa ɓum ɓɛ̀cèm ɓɛ ɓɛ ɓoŋɓòŋgà gòri ì Bɛ̀ll ɓisuu Yorisalɛm kìɓan ki Yeesus.

MƐ̀KÌKÌÌ MƐ ƁƐKƐ̀NÌ-FÌTOM 2:18

Ɛ̀ɛ̀! ɓi mɛ̀ru mɛ̀n nfoŋi gɛ Ǹghay wɛ̀m ɓi ɓɛ̀kìì-ɓìsay ɓɛm lɛ, rì ɓɛ ɓɛbaŋì, rì ɓɛ ɓɛ̀yiɓ lɛ ɓɛɛ kpaŋzi ɓìɓan.

MƐ̀KÌKÌÌ MƐ ƁƐKƐ̀NÌ-FÌTOM 21:9

À ɓaghà rì ɓɛ̀gɔ̀n ɓɛnin, ɓɛ ɓɛ ɓaghà di ɓɛ ka yi ɓi ɓɛbaŋì, ɓɛ ki ɓa ti ɓɛkpaŋzì-ɓìɓan.

1 KƆ̀RƐ̀ŊTYƐŊ 11:5

Wɔ̀lɛ giɓ bimiɗ ànɛ a kìki bɔ̀ŋzɛ̀n, nsoò lɛ a kpaakpaŋzì ɓìɓan ɓi Bɛ̀ll à rèsii nyi, di à rì ǹto zɛy, à sɛɛtii rìfòm ɗii; ki ri lɔŋ yɛ̀ɛ giɓ anɛ à rì ǹkɛ̀ŋɗɛn kpuu.

1 KƆ̀RƐ̀ŊTYƐŊ 12:1

Ɓɔɔsoŋ̀, ɓi kìɓan ki ki seesee ɓìɓan ɓi Kìtɛntɛ̀ɛ̀n ki Nghay ki ti ki falàg ɓum ìtèɗ wu kìyɛn, mɛ̀ ǹkɔ̀ni ɓi lɛ ɓi rɔɓ lɛ dùŋdùŋ.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

TIMOTE 5:9

Ɓi ɗi lɛ ɓɛɛ kaǹ ǹkpɔɓ wu giɓ ɓi bàlì ì mɛ̀kpɔɓ, wu ghɛɛ̀sɛɛ ɓi kiɓaà giɓ anɛ à ka kpaŋ ɓi bèg mɛ̀tin mɛraa, wu ki ghɛ̀ɛ̀sɛɛ kì ɓaà giɓ anɛ à wɔlà lɔŋ yii bog.

ÀPÒKÀLIƁSƐ̀ 7:6

ɓi rìpwìɗ ɗi Azɛr ɓum ɓɛ̀tɔɔsìm ǹtɛ̀ɗ rì ɓɛɓɛɛ̀; rìpwìɗ ɗi Nɛftalii ɓum ɓɛ̀tɔɔsìm ǹtɛ̀ɗ rì ɓɛɓɛɛ̀; rìpwìɗ ɗi Manase ɓum ɓɛ̀tɔɔsìm ǹtɛ̀ɗ rì ɓɛɓɛɛ̀;