LUKAS 2:34 - Bafia Nouveau Testament

³⁴ Fɔɔnnɛ Simeyɔŋ à màgà ɓɔ, à kpaa Marii à jɛɛ man lɛ: Man ànɛ A ɓiì kìi lɛ ɓumɓɛ a Isirayɛl lɛɛ̀gwey ɓɛɛ kɛɓtɛn fìɓàg ɓi mis mɛ Bɛ̀ll, ɓɛ̀ro ɓɛmbog ɓɛ ɓa kɛ̀ɛ̀ bɛ̀lɛn; à rì ɓiì ɓaà fɛlɛ yɛ̀ɛ roànɛ a konag kì rèsii yɛ̀ɛ ɓum ɓɛ ɓeèzɛɛ rìkì ɗi Bɛ̀ll,

LUKAS 2:34 Iomraidhean Croise

MATYOO 11:19

Man à Mum à yù, à kìkì lɛ, à ɗiɗì ɓìɗilàg, à ki nɔnɔ mɛrɔ̀g, nnyaa ànɛn à rì lɛ, ànɛ̀n ǹɗiì-com, ànɛn ǹnɔɔ̀-mɛ̀rɔ̀g, à ki ɓa ti righan ɗi ɓɛ̀terì-làmpoŋ̀, rì ɓɛ̀kìì-kìɓe. Kìɓan kifog ɗyomzɛ̀n ɗi Bɛ̀ll ɗi ti ɗi ghɛnàg lɛ ɗi ri lɛ saaɗ ɓi ɓìɓan ɓi ɗi kiì.

MATYOO 12:46

Yɛ̀ɛ Yeesus à ɓaghà di a ka tòtog ri gwìy ì ɓum, nni jɛɛ wìì rì ɓɛ̀geni ɓii ɓɛ rɛlìghày ɓi dan, ɓɛ kaakàà lɛ di ɓaa tòòghrɛɛ rì nyi.

MATYOO 21:44

Mum ǹcèm ànɛ à ɓiì kpìi ɓi gɔ̀g ìnɛ, à ɓiì ɓumɓuni miì, ŋwaànɛ ì kpìi ɓi nyoo, ì turì nyi.

MATYOO 27:63

ɓɛ kpaa nyi lɛ: Gɔmìnà àgwey, tì yitii lɛ pwààpwaà à mum ànɛ̀n àa ǹkpaa di à kaka cem lɛ: Ajɛ̀m ì mɛ̀ru mɛraa, ǹɗì ɓiì ghèmɓɛɛ yi a ɓìloŋ.

LUKAS 2:35

Wɔɔmiɗ anɛ, ù ɓiì woògh ǹɗemi-kɛŋɛn yɛ̀ɛ mɛ̀nɔ̀ɓɔ̀, fɔlɔɔ nnɛ mɛ̀yitì mɛ mɛ rì ɓum lɛɛ̀gwey ɓi mɛ̀rem mɛ ɓiì yilɛɛ.

ZYAŊ 3:20

Lɛ mum ǹcèm ànɛ a kìki kiɓe, à ti à ɓèèzàg kìtɛɛtɛn, kɛ̀ɛ ki yù jàŋ inɛ kìtɛɛtɛn ki ri, lɛ ìris wulɛ ɓìɓan ɓii ɓyɛ̀ kɛɛ̀ ki kpagi dan.

ZYAŊ 5:18

Ɓi jɛ̀ɛ̀ ìnɛn nnɛ Ɓɛ̀yudɛ̀n ɓɛ teèsìghà tì nyoo ɓi rìkaakàà ɗi bee inɛ ɓɛɛ wey nyi, àa lɛ rìyogsì ɗi à yoòyògsìghà kìcèlì ki Saɓàt ɗyɔ rì ɗyɔ, lɔŋ ɓisuulɛ à kpaaghà lɛ Bɛ̀ll à rì Seŋi wìì, à foŋɗɛn nyimiɗ ɓi nɗɛli wu Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:45

Yɛ̀ɛ Ɓɛ̀yudɛ̀n ɓɛ ghɛngà gɛ ɓum ànɛ̀n, nni ǹɗem wu yàaka wu ɓɔkày ɓɔ, ɓɛ tumɛ̀n rìfeèfèngì ɗi Pol di ɓɛɛ̀ sɛɛsɛ̀mgì nyi.

MƐ̀KÌKÌÌ MƐ ƁƐKƐ̀NÌ-FÌTOM 17:6

Yɛ̀ɛ ɓɛ tanɛ̀ngà ɓì ɓɔ, nni ɓɛ ɓangà lɛ rì Jazɔŋ rì ɓɛ̀gherɛ̀n ɓɛdɛŋ, ɓɛ kɛǹ rì ɓɔ a ɓɛ̀làmì bàn ìnɛn ɓɛ kpaa jɛ̀ɛ̀ aɗyoo lɛ: Ɓumɓɛ ɓɛ ɓuùsìghà ziinɛ bimiɗ, ɓɛ nkpaŋi girig fɛ ɓi bàn yìs,

MƐ̀KÌKÌÌ MƐ ƁƐKƐ̀NÌ-FÌTOM 24:5

Tìi ǹghɛɛ lɛ ŋwaànɛ à rì fìɓàg, a ɓiighɓigtì kìyoòyòò ɓi nyìinyìm à Ɓɛ̀yudɛ̀n ɓi Zi bimiɗ. Nnyɛɛ ki rìtì rìfòm ɗi righerɛ̀n ɗi nyɔn ɗi ɓumɓɛ a Nazarɛt.

MƐ̀KÌKÌÌ MƐ ƁƐKƐ̀NÌ-FÌTOM 28:22

Ɓìsiì kɔ̀nkɔn lɛ ti wog ɓi ŋwɔm wɔɔ com ki wɔ̀ɔ fèfèg, ɓisuulɛ tì yii lɛ bee inɛ̀n, ɓum ɓɛɛ̀ ɗùùɗuu ri yɔ̀ jàŋbimiɗ.

MƐ̀KÌKÌÌ MƐ ƁƐKƐ̀NÌ-FÌTOM 4:26

Mɛ̀fòm mɛgwey mɛ ɓi ziinɛ mɛ ramiì wɛ̀y, mɛ̀fòm mɛ sàgsàg mɛ ɓasɛ̀n yì kìbyɔg kìfog lɛ mɛɛ ɗuù rì Kan, rì Mèsii wiì.

MƐ̀KÌKÌÌ MƐ ƁƐKƐ̀NÌ-FÌTOM 6:7

Fɔɔnnɛ jɛ̀ɛ̀ ì Bɛ̀ll ì kɛ̀ngà asu di yɛ̀ɛ sààsàà, ɓàlì ì ɓɛ̀gherɛ̀n ì ki ɓɔg lɛɛ̀gwey a Yorisalɛm, kìgwey ki ɓɛpìrɛɛtìrɛ̀ ki ki foŋ ǹtyweeyi ɓi Yeesus.

RÒMƐŊ 9:32

Ɓisuucɛ nnɛ ki kilɛ̀ngà fɔlɔɔ? Ɓisuulɛ Isirayɛl à kaakààghà ɓi riɓa ɗi lɛ saaɗ ɗiǹ ɓi rìgherɛ̀n. Ɓɔɔ fefèkà lɔŋ lɛ ɓɛ ri ɓiì ɓaà lɛ saaɗ ɓi mis mɛ Bɛ̀ll lɛ mɛ̀kìkìì maa, ɓɛ ɓagtɛ̀ngà ɓi gɔ̀g ìnɛ ì rì rì fìɓàg,

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

EBIREEGH 7:1

Mɛlkisedɛg ànɛ̀n à ɓaghà rìfòm ɗi kilɔ̀ŋ ki lɛ Salɛm, nyi tì pìrɛɛtìrɛ̀ à Bɛ̀ll ànɛ à rì ǹteŋmɛn à cee, nnyɛɛ kɛngà kì tulɛɛ ri Abiraham, di roànɛ̀n a susug yi wɛ̀y wu à yakày mɛ̀fòm mɛdɛŋ miì à ki màŋ nyi.

EBIREEGH 7:7

Kɔlɛ mum bimiɗ à yii lɛ, rìɓa ɗi ŋwaànɛ ɓɛ maŋi ɗi wuɓsɛɛ ɓi ɗi ŋwaànɛ à màŋi nyi.

1 PYƐƐRI 4:14

I ɓɛɛ̀ sɛɛsɛmgì mìni lɛ ɗii ɗi Kiris, di ɓì rì ɓɛ̀mààghmaagh ɓisuulɛ Ǹghay à rìkem, Ǹghay à Bɛ̀ll à rì ɓi mìni.