LUKAS 18:9 - Bafia Nouveau Testament

⁹ Nni Yeesus à teetìghà dàɗkì ìdɛŋ ɓisuu ɓum ɓɛdɛŋ ɓɛ ɓɛ fefèkà lɛ ɓɔ yɛɛ ri ɓɛ̀saaɗ ɓɛ ɓum ɓi mis mɛ Bɛ̀ll ɓɛ ki sɛɛsɛɛ̀tì ɓɛ̀ro ɓɛm̀bog, à kpaa lɛ:

LUKAS 18:9 Iomraidhean Croise

LUKAS 10:29

Kìɓan kìfog yɛ̀ɛ ŋwaànɛ̀n à kɔ̀nkɔ̀ngà lɛ, a resi lɛ à rì saaɗ à mum, nni à tɔkà Yeesus lɛ: Ghɛn yɛ̀ɛ rì romum ànɛ à wuɓsɛɛ mɛ̀?

LUKAS 15:2

Fɔɔnnɛ Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ŋwɔŋwɔ̀ŋìghà di ɓɛɛ̀ kpaakpaa lɛ: Ŋwaànɛ a ghàghaɓ ɓiɓeɓtàg ɓi ɓum lɛ syeesyee, à ki ɗiɗi nɗaŋ ɗi ɓɔ.

LUKAS 16:15

Fɔɔnnɛ Yeesus à kpaaghà ɓɔ lɛ: Ɓì rì ɓumɓɛ ɓɛɛ kaakaa lɛ ɓum ɓɛdɛŋ ɓɛɛ ghɛǹ mìni lɛ ɓì rì ɓɛ̀saaɗ ɓɛ ɓum, wɔ̀lɛ Bɛ̀ll à yii mɛ̀rem min. Fɔɔnnɛ com kìcèm ki ki ri gìn i com ɓi nyìinyìm à ɓum, ki ri com ki Bɛ̀ll à ɓèèzɛɛ lɛɛ̀gwey.

LUKAS 18:11

Nni Fàrìzyɛŋ à rɛlìghà mɛ̀rey, à ɓɔ̀ɔ̀ɓɔ̀ŋzàg Bɛ̀ll rì ǹɗem, à kakàlì lɛ: Tààta Bɛ̀ll, ǹtògsaagh wɔ̀, ɓisuulɛ, ǹ-yin yɛ̀ɛ ɓum ɓɛm̀bog ɓɛ ɓɛ ri ɓɛ̀wiiwìì, rì ɓɛ̀kìì-kìɓe, rì ɓɛ̀kìì-tìsɔ̀mɔ̀g; nsoò yɛ̀ɛ ǹterì-làmpoŋ̀ ànɛnii.

LUKAS 19:7

Yɛ̀ɛ ɓum ɓɛ ghɛngà fɔlɔɔ, ɓɛ̀sɛ̀ɛ̀ ɓɛ̀cèm ɓɛ tum rìŋwɔ̀ŋwɔ̀ŋì di ɓɛɛ̀ kpaakpaa lɛ: À kɛ̀ɛ kì kɔ̀rii ɓi naa ì kìɓeɓtàg ki mum!

LUKAS 7:39

Yɛ̀ɛ Fàrìzyɛŋ ànɛ à reŋìghà Yeesus à ghɛngà fɔlɔɔ, à fèg ɓi ǹɗem wii lɛ: I Yeesus àa rì ǹkpaŋzì-ɓìɓan, di à rì lɛ, a yi lɛ, giɓ anɛ a kòmkom nyi ànɛ̀n, à rì kìɓeɓtàg ki giɓ.

ZYAŊ 8:48

Nni Ɓɛ̀yudɛ̀n ɓɛ ɓakà nyi lɛ: Ki ri lɔŋ saaɗ yɛ̀ɛ tìi nkpaa lɛ, ù rì ŋwaànɛ a Samari, ù ki ɓa ti ri kìɓeɓtàg ki nghay.

ZYAŊ 9:28

Fɔɔnnɛ ɓɛ sɛmgàkà ŋwaànɛ̀n, ɓɛ kpaa nyi lɛ: Wɔ̀ yɛɛ ri ǹ-yilàg wìì, ɓìsii ri ɓɛ̀yilàg ɓɛ Moyis.

ZYAŊ 9:34

Nni ɓɛ ɓakà nyi lɛ: Wàànɛ ù yalɛ̀ngà ɓi kìɓe wɛ̀ɛmiɗ bimiɗ, wɔ̀ yɛɛ̀ kɔ̀nkɔn lɛ u resag ɓìsi? Fɔɔnnɛ ɓɛ naɓkà nyi.

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

RÒMƐŊ 10:3

Yɛ̀ɛ ɓɛ yighà ɓi lannɛ Bɛ̀ll à ti à kìlàg lɛ mum à ɓa lɛ saaɗ ɓi mis mii, ɓɔɔ kaakàà bee yaa yi ɓɛ ri lɛ ɓɛ ɓa miì lɛ saaɗ ɓi mis mɛ Bɛ̀ll, ɓɛ ɓeǹ kì nɔ̀ɔ̀tii bee inɛ Bɛ̀ll à ti à kìlàg ɓum miì lɛ ɓɛɛ ɓa lɛ saaɗ ɓi mis mii.

RÒMƐŊ 14:10

Nni wɔ̀ɔ yɔmgi goni ɓisuucɛ? Nsoò lɛ wɔ̀ɔ sɛɛtag goni lɛ la? Ɓìsi ɓɛ̀sɛ̀ɛ̀ ɓɛ̀cèm tì rì ɓiì rɛlii ɓɛyɔ̀m ɓi kìkpana ki ɓɛyɔ̀m ki Bɛ̀ll.

RÒMƐŊ 14:3

Fɔɔnnɛ ŋwaànɛ a ɗiɗi ɓyom ɓìcèm à ghɛ̀ɛ̀sɛɛ ɓi lɛ à sɛɛtì roànɛ à yin ɓiì ɗiɗii, roànɛ à ki yin ɓiì ɗiɗii ɓyom lɛ ɓus ɓùs ɓus à ghɛ̀ɛ̀sɛɛ ɓi lɛ à sɛɛtì ŋwaànɛ a ɗiɗi ɓyom ɓìcèm ɓisuulɛ Bɛ̀ll à ghàɓkà ŋwaànɛ a ɗiɗi ɓyom ànɛ̀n.

RÒMƐŊ 7:9

Abɛ̀y, di ɓìdɔ̀gsɛna ɓi ka yin, m̀ɓaghà rì cɛɓ, nni lɔŋ yɛ̀ɛ ɓìdɔ̀gsɛna ɓi yughày, kìɓe kɔ ghemɓɛ̀n, mɛ̀ ǹwu.