LUKAS 18:7 - Bafia Nouveau Testament

⁷ Bɛ̀ll à rì nya lɛ à rɔ̀ɓ lɛ à ɓàagh ɓi kiɓan ki ɓum ɓii ɓɛ à ɓɔ̀ngà di ɓɛɛ̀ ɓeeɓeràg nyi yɛ̀ɛ ìru, yɛ̀ɛ ŋwos? À rì nya lɛ à lɛ̀mzì ɓi ɓɛg wàa?

LUKAS 18:7 Iomraidhean Croise

MATYOO 24:22

I mɛ̀ru mɛ̀n mɛ̀ kɛɛ̀ ɓa kìden, di nsoò mum bog à yin lɛ à ghɛɓ; wɔ̀lɛ ɓisuu ɓumɓɛ ɓɛ ri ɓɛ̀rɔ̀tɛn nnɛ mɛ̀ru mɛ̀n maa finɛn ɓi.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 7:11

I mìni ɓɛ ɓì ɓeɓtɛɛ mɛ̀rem ɓɛ, ɓì yii rìfa ɗi ɓɔn ɓin ɓyom ɓi syeesyee, lannɛ Seŋi wìn anɛ à rì ɓi ɗyoo ɓi ɗùm yɛɛ ri ɓiì rɔ̀ɓi kɛ̀ɛ fa ɓyom ɓi syeesyee a ɓumɓɛ ɓɛ lɔni nyi ɓyɔ.

LUKAS 11:13

I mìni ɓɛ ɓì rì ɓìɓeɓtàg ɓi ɓum ɓi yii rìfa ɗi ɓɔn ɓin ɓɛsyeesyee ɓɛ ɓyom, lannɛ Tààta ànɛ à rì aɗyòò à ɓiì rɔ̀ɓi kɛ̀ɛ fa Kitɛntɛ̀ɛ̀n ki Nghay a ɓumɓɛ ɓɛ tɔɔgh nyi kɔ̀?

LUKAS 2:37

Fɔɔnnɛ à rɔ̀ɓkà ǹkpɔɓ; yɛ̀ɛ à ɓaghà min di à ti bèg mɛ̀tin mɛnin rì bèg yinin, nni à kɔ̀rìghà ɓi naà-Bɛ̀ll ìsuùcèm, à kìkì Bɛ̀ll kìsay lɛ, rì ìru rì ŋwos; àa ǹti à cèlàg ɓìɗilàg ɓyààmɛ̀n lɛɛ̀gwey, à ki ɓɔ̀ɔɓɔŋzàg.

LUKAS 21:28

Yɛ̀ɛ ɓìɓan ɓiǹ ɓi ɓiì tumɛɛ righɛɛ̀ghɛ̀nɛ̀n, rɛliina mɛ̀rɛy, ɓì pɛ̀sì mɛ̀to aɗyòò lɛ gòri yìn i tiì jàŋbog.

RÒMƐŊ 8:33

Ghɛn yɛ̀ɛ ri min ɓiì sɔmɛɛ ɓumɓɛ Bɛ̀ll à ɓɔ̀ngà? Bɛ̀ll yɛ̀ɛ ri roànɛ à ri kpaa lɛ mum à rì lɛ saaɗ.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

TÈSÀLÒNÌSYƐŊ 3:10

Ti ɓɔ̀ɔɓɔ̀ŋzì yɛ̀ɛ ìru yɛ̀ɛ ŋwos, tì ki sììrɛn ɓi bɔ̀ŋzɛ̀n lɛ a ki lɛ ti ghɛnag tì a mɛ̀su, à ki roozi ɓìɓan ɓi ɓi kaarɛɛ ɓi rìgherɛ̀n ɗin?

2 TÈSÀLÒNÌSYƐŊ 1:6

Lɛ ɓi san ànɛ yɛ̀ɛ Bɛ̀ll ki ri lɛ saaɗ lɛ Bɛ̀ll a yeèsi girig ɓumɓɛ ɓɛɛ̀ yeeyeèsì mìni,

TIMOTE 5:5

Ǹkpɔɓ wu wu ri lɛ ǹkpɔɓ, wu wu rɔɓi nlɛŋlɛŋ̀ kɛ̀ɛ̀ mum, wu ri nkpɔɓ wu wu ri rì dyàɓɛn yɛ̀ɛ Bɛ̀ll, wɔ yɛɛ ti wɛ̀ kɛɛ̀ fwɛy ritɔtɔ̀g ɗi Bɛ̀ll ǹghɛɓsɛn ɓi bɔ̀ŋzɛ̀n yɛ̀ɛ ìru yɛ̀ɛ ŋwos.

2 TIMOTE 1:3

Ǹfaa Bɛ̀ll ànɛ nkìki kisay ɓitògsɛ̀n; kìsay kiǹ, ki ri rìkɛ̀n ɗi beèbɛ̀y ɗì kìsay ki ɓɛ̀seŋi ɓɛ̀m ɓɛ ɓɛsɛ̀ɛ̀ ɓɛ kighà nyi; nkìki kɔ rì nɗem wu sɛɛghi sɛɛghi, fɔlɔɔ nnɛ ǹfɔli ɓi wɔ rìɓùŋ yɛ̀ɛ ìru yɛ̀ɛ ŋwos ɓi bɔ̀ŋzɛ̀n yɛm̀;

2 TIMOTE 2:10

Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

Kaàtà ànɛ Pol à kàngà TIT 1:1

Mɛ̀ Pol ànɛ ǹɗì ǹkìì-kìsay a Bɛ̀ll, ǹki ɓa ti ǹkɛ̀nì-fìtom a Yeesus Kiris lɛ nsyoŋ̀ yì ɓumɓɛ ɓɛ ri ɓɛ̀ɓɔ̀nɛn lɛ ɓɛɛ gherɛn Bɛ̀ll, ɓɛ ki yi saaɗ ànɛ à rì yɛ̀ɛ rìgherɛ̀n ɗis ɗyɛɛ̀ kpaakpàà,

1 PYƐƐRI 1:1

Mɛ̀ Pyɛɛri ànɛ ǹɗì ǹkɛ̀nì-fìtom a Yeesus Kiris, ǹkànì ɓumɓɛ Bɛ̀ll à ɓɔ̀ngà, ɓɛ ɓɛ ri a gwèɗ, ɓɔ ɓɛ̀sààtakɛn ɓi ɓìlànà ɓi zi ɓi lɛ rì Pɔŋ, rì Galasi, rì Kapados, rì Azii, rì Bitinii.

2 PYƐƐRI 3:9

Kan à lɛ̀mzii ɓi lɛ a roòzi ǹkàg wu à faghà yɛ̀ɛ ɓum ɓɛdɛŋ ɓɛɛ̀ fèfèg, ki ri yɛɛ ri lɛ, a nìniɗ nɗem rì mìni, lɛ ki kɔni ɓi nyi lɛ mum a ɗyaŋ̀ nsoò bog, rìkɔ̀n ɗii ɗi ri lɛ ɓum ɓɛ̀cèm ɓɛɛ kpaŋ ɓi nɗɛli wulɛ ɓɛɛ lɔɔ̀ghrɛn mɛ̀rem.

ÀPÒKÀLIƁSƐ̀ 18:20

Wɔ̀ ɗyoo, ù rì lɛ ù sàmsàm ɓi rìɗyaŋ ɗi bàn ìnɛn ì ɗyaŋi, rì mìni ɓɛ̀gherɛ̀n, rì ɓɛ̀kɛ̀nì-fìtom rì ɓɛ̀kpaŋzì-ɓìɓan girig, ɓisuulɛ Bɛ̀ll à rɔ̀ŋi kìɓan kin yɛ̀ɛ à pɔnɔsii yɔ̀.

ÀPÒKÀLIƁSƐ̀ 6:10

Ɓɛ nyàmgà jɛ̀ɛ̀ aɗyoo lɛ: Wɔ̀ Kan ànɛ ù rì ǹtɛnɛn, ù ki ɓa kɔɔ̀kɔɔ̀ à Bɛ̀ll, ù rì ɓiì ɓooɓoŋ̀zì ɓɛ̀yɔ̀m, ɗì rìrɔ̀ŋ ɗi bwaɓ yis yi ɓumɓɛ ɓi ziinɛ ɓɛ yogsìghà à kpaŋ fin?

ÀPÒKÀLIƁSƐ̀ 7:15

Kìɓan kiǹ kɛɛ̀ki ɓɛ rɛrɛlii miì asu wu ikɔ̀ɔ̀ wu rilàmì wu Bɛ̀ll, ɓɛ ki ɓɔɔɓɔgsì nyi yɛ̀ɛ ìru yɛ̀ɛ ŋwos ɓi naa yìì. Yɛ̀ɛ roànɛ à rì ǹkɔ̀kɔriyɛn ɓi-kɔ̀ɔ̀ wu rilàmì, à rì toŋ kìnuugh kii à foŋ ɓɔ miì.