LUKAS 18:32 - Bafia Nouveau Testament

³² Ɓisuulɛ ɓɛ ri nyi ɓiì kàɓi ri ɓumɓɛ ɓɛ yii ɓi Bɛ̀ll ɓɛ̀roɓɛ̀n ɓɛ fengì nyi, ɓɛ ki nyi mɛ̀tɔɓ, ɓɛ tuughì nyi tìtyɛɛ̀.

LUKAS 18:32 Iomraidhean Croise

MATYOO 16:21

Ɓi cààmɛ̀n kiǹ innɛ Yeesus à tumɛ̀ngà rìkakàlì ɗi ɓɛyilàg ɓii lɛ: Ki ghɛɛ̀sɛɛ lɛ, a kɛǹ a Yorisalɛm, a ghɛǹ mɛ̀tɔɓ lɛɛ̀gwey, ɓi ɓyàg ɓi ɓɛsɛ̀ɛ̀mɛn ɓɛ kilɔ̀ŋ, rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna. Ɓɛ ri wey nyi, à ki ghèmɓɛn ɓi ŋwos a kìraa.

MATYOO 20:19

ɓɛ ki rì nyi ɓiì kàɓi ri ɓumɓɛ ɓɛ yin Ɓɛ̀yudɛ̀n lɛ ɓɛɛ ki lɛ ɓɛ fengì nyi, ɓɛ ɓog nyi kìtòn, ɓɛ ki kpan nyi ɓi kɔrɔs; kìɓan kifog, à ɓiì ghèmɓɛɛ ɓi ŋwos a kìraa.

MATYOO 22:6

Ɓɛ̀ro ɓɛmbog ɓɛ sɛn ɓi ɓɛ̀kìì-ɓìsay ɓɛ rifòm, ɓɛ ɓog ɓɔ, ɓɛ ki cuusi ɓɔ.

MATYOO 26:67

Fɔɔnnɛ ɓɛ tuughàkà Yeesus tìtyɛɛ̀ ɓisu, ɓɛ ki rogi nyi ɓìkam; ɓɛro ɓɛmbog ɓɛ ɓoɓog nyi mɛ̀ɓɛn di ɓɛɛ kpaakpaa lɛ:

MATYOO 27:2

Ɓɛ ɓaghà lɛ, ɓɛ mɛ kàŋ nyi bɛn, ɓɛ kɛǹ ɗì nyi yɛ̀ɛ gɔmìnà ànɛ lɛ Pilat.

MARIKUS 14:65

Ɓɛ̀ro ɓɛdɛŋ ɓɛ tumɛ̀ngà nyi rìtuutùù ɗi tityɛɛ̀, ɓɛ kikì lɛ, i ɓɛ lɔɔgh nyi kìlàà ɓi mis, ɓɛ ɓoòɓòkì nyi ɓìkam di ɓɛɛ tɔtɔg nyi lɛ: Rèmi ŋwaànɛ à ɓoogh wɔ̀. Ɓi ɗi lɛ ɓɛɛ ghaɓ nyi, ɓɛ̀kìì-ɓìsay ɓɛ togsìghà nyi rì tyɛn ti mɛɓɛn.

MARIKUS 15:1

Rì sariwa lɛ ɓuɓ, ɓɛ̀pìrɛɛtìrɛ̀ ɓɛgwey ɓɛ taŋzɛ̀ngà rìghàdà rì ɓɛ̀sɛ̀ɛ̀mɛn, rì ɓɛ̀rèsàg-ɓìdɔ̀gsɛna, rì ɓum ɓɛ̀cèm ɓɛ ɓi Sànèdìrɛŋ, lɛ ɓɛɛ teɗ ǹɗɛli. Fɔɔnnɛ ɓɛ kagà Yeesus bɛn, ɓɛ kɛǹ ɗì nyi, ɓɛ fa rì Pilat.

LUKAS 18:33

Fɔɔnnɛ ɓɛ ri nyi ɓiì wolì di ɓɛ mɛ ka ɓog nyi kìtòn. Fɔlɔɔ nnɛ à ɓiì ghèmɓɛɛ ajɛ̀m ì mɛ̀ru mɛɓɛɛ̀.

LUKAS 23:1

Nni ɓɛ ruɓkà ɓɛ̀sɛ̀ɛ̀ ɓɛ̀cèm lɛ bùɓ, ɓɛ kɛǹ rì Yeesus yɛ̀ɛ Pilat.

LUKAS 23:11

Fɔɔnnɛ Eroodɛ rì ɓɛ̀sujàà ɓii ɓɛ sɛɛtìghà Yeesus, ɓɛ ki sɛmgi nyi, ɓɛ waasì nyi kìlàà ki lònlomɛn, ɓɛ pɛɛ̀zì nyi kì romì yɛ̀ɛ Pilat.

LUKAS 23:35

Ɓum ɓɛ kilɔ̀ŋ ɓɛ ɓaghà wɔɔ, ɓɛ seesèè. Mɛ̀fòm mɛ Ɓɛ̀yudɛ̀n mɔɔ wɔwɔ̀là Yeesus, di mɛɛ̀ kpaakpaa lɛ: Àa nghɛɛ̀ghɛ̀ɓsì ɓum ɓɛdɛŋ, nni a ghɛɓsi min nyimiɗ i à rì Kiris ànɛ Bɛ̀ll à ɓɔ̀ngà.

ZYAŊ 18:22

Yɛ̀ɛ Yeesus à kpaaghà fɔlɔɔ, nni kìbog ki ɓi ɓumɓɛ ɓɛ mɓègì naà-Bɛ̀ll ɓɛ ɓɛ rɛrɛ̀lìghà foo, ki ɓokà nyi rìɓɛn, ki kpaa lɛ: Rìɓàg ɗi u ɓàɓag rifòm ɗi ɓɛpìrɛɛtìrɛ̀ ɗyɛɛ̀ɗìn?

ZYAŊ 18:28

Nni ɓɛ pɛsɛ̀ngà rì Yeesus yɛ̀ɛ Kayif, ɓɛ kɛǹ ɗì nyi a kìkpanà ki ɓɛyɔ̀m ɗì sariwa lɛ ɓuɓ. Ɓɔmiɗ ɓɛ ɗiŋìghà ɓi ɓi kìkpanà ki ɓɛyɔ̀m kiǹ, lɛ ɓɛ̀ kɛɛ̀ foŋɗɛn ɓɔmiɗ kìsyeg ɓi nyòò, lɛ ɓɛɛ ɗi Paskà.

ZYAŊ 18:30

Ɓɛ pɛɛ̀zì nyi lɛ: I àa yin fàràfara, di tì yùu yì ɓi ri nyi a lɔ̀ŋkɔɔ.

ZYAŊ 18:32

Ki kilɛ̀ngà fɔlɔɔ lɛ, di jɛ̀ɛ̀ ìnɛ Yeesus à kpaaghà lɛ a resi rìkuu ɗi riwù ɗi à ghɛ̀ɛ̀sɛ̀ngà kìwiì, yɛ̀ɛ ron.

ZYAŊ 18:35

Pilat à ɓàg lɛ: Mɛ̀ ǹɗì muu Ɓɛ̀yudɛ̀n gìn? Ɓumɓɛ ɓi kìlɔ̀ŋ kɔɔ, rì ɓɛ̀pìrɛɛtìrɛ̀ ɓɛgwey ɓɔ yaa yùu rì wɔ̀ a lɔ̀ŋkɛm̀, nni kìɓan aɗi kɛɛ̀ki wɔ̀ɔ nkìi?

MƐ̀KÌKÌÌ MƐ ƁƐKƐ̀NÌ-FÌTOM 2:23

Yeesus ànɛn innɛ ɓɛ nkàɓi lɔŋ yɛ̀ɛ ki ɓaghà kìkaliyɛn, lɔŋ yɛɛ̀ Bɛ̀ll à fèkà ɓi coo ɗyomzɛ̀n ɗii, nyi nnɛ ɓìi nkpani ɓi kɔrɔs aɗyoo, ɓì ki fa nyi rì ɓɛ̀kìì-kìɓe lɛ ɓɛɛ wey.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.