LUKAS 18:13 - Bafia Nouveau Testament

¹³ Fɔɔnnɛ ǹterì-làmpoŋ̀ nyii rɛlìghày fìràɓ, kɛ̀ɛ ghɛɛsi lɛ, a ɓegsi mis aɗyòò, kìɓan kifog, à yɛ̀ɛ̀ghyɛ̀gsì ɓyàg ri ǹɗemi-kɛŋɛn di a kpaakpaa lɛ: Tààta Bɛ̀ll, wogha ǹkìì-kìɓe anɛ lɛ mɛ̀ nyìighnyìg.

LUKAS 18:13 Iomraidhean Croise

MATYOO 10:3

Filiɓ rì Batelemi, Tomas, rì Matyoo à ǹterì làmpoŋ̀. Zyag à man à Alfe rì Tadee

MATYOO 6:5

Cààmɛ̀n ki ɓi kìki bɔ̀ŋzɛ̀n, kɛ̀ ɓi ki yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓɛ ɓɛ ti ɓɛ keesàg rìɓɔŋzàg ɗi Bɛ̀ll mɛ̀rɛy, ɓi naa yi bɔ̀ŋzɛ̀n, rì ɓi bèn yi ɓiɓàà lɛ ɓum ɓɛɛ seèsee ɓɔ. Ǹkalii mìni ɓi saaɗ lɛ; ɓɛ ti rì mɛ̀lèɓ maa yɛɛ lɔ̀ɔ̀.

MATYOO 9:13

Kɛ̀ɛna kì yilaagh azi anɛ ɓi jɛ̀ɛ̀ ìnɛ: Ǹkeesii ǹɗem wu nyìighnyìg à cee ɓìfùna ɓi ɓìtuwe. Lɛ, ǹ-yùghà ɓi ki reŋii ɓumɓɛ ɓɛ ri lɛ saaɗ, ǹ-yùghà lɔŋ ki reŋii ɓɛ̀kìì-kìɓe.

MARIKUS 11:25

Nni cààmɛ̀n kìcèm ki ɓì rɛlii lɛ ɓi ki bɔ̀ŋzɛ̀n, i ɓì ri ɓi kìɓan ri ŋwaàdɛŋ, càrina kìɓan kiǹ, fɔlɔɔ nnɛ Seŋi wìn ànɛ à rì aɗyoo, à ri cenɛn mini girig mɛ̀nànì min.

LUKAS 17:12

Yɛ̀ɛ à ɗiŋìghà ɓi maa kìlɔ̀ŋ àdɛŋ, nni ɓɛ̀kukwiy ntɛ̀ɗ ɓɛ yughà nyi kì ɓoŋì, ɓɛ rɛlìì fìràɓ, ɓɛ kpaa jɛ̀ɛ̀ aɗyoo lɛ:

LUKAS 22:41

Nni à ràɓsɛ̀ngà ɓɔ lèg àdɛŋ, yɛ̀ɛ jàŋ inɛ gɔ̀g ì rì lɛ ì kpì di ɓɛ lɔɔ̀ yɔ̀, à ɓag mɛ̀ɗu ɓi zi, à ɓɔ̀ŋzàg Bɛ̀ll,

LUKAS 23:48

Gɛ mum ànɛ à taŋzɛ̀ngà lɛ a ghɛǹ kìɓan kiǹ, à ɓaghà lɛ, à mɛ ghɛn com kìcèm ki ki kilɛ̀ngà, ɓum ɓɛ sukì di ɓɛɛ̀ kùkwiɗ ɓyàg.

LUKAS 5:8

Yɛ̀ɛ Simɔn Pyɛɛri à ghɛngà fɔlɔɔ, nni à ɓakà Yeesus mɛ̀ɗu asu, à kpaa lɛ: Kan, pɛ̀sɛn mɛ̀ jàŋbog, ɓisuulɛ ǹɗì ǹkìì-kìɓe.

MƐ̀KÌKÌÌ MƐ ƁƐKƐ̀NÌ-FÌTOM 2:37

Yɛ̀ɛ ɓɛ wokà ɓìtòkì ɓi Pyɛɛri ɓiǹ, ɓi ɗiŋì ɓɔ ɓi ǹɗem lɛ kɔɔ̀kɔɔ̀, nni ɓɛ tɔkà Pyɛɛri ri ɓɛ̀kɛ̀nì-fìtom ɓɛm̀bog lɛ: Ɓɔɔsoŋ̀, ki ghɛ̀ɛ̀sɛɛ min lɛ ti ki la?

RÒMƐŊ 5:8

Wɔ̀lɛ kìɓan ki Bɛ̀ll a rèsag ǹkɔ̀nɛ̀n wìì ɓi ɓɛg wìs ki ri lɛ: Kiris à wughà ɓisu wis, cààmɛ̀n ki tì ɓaghà di tì kaka ɓɛ̀kìì-kìɓe.

2 KƆ̀RƐ̀ŊTYƐŊ 7:11

Ghɛɛna kɔm̀ ɓìɓan ɓi bim inɛ ɓìi nwoogh yɛ̀ɛ kɛɛ̀ kɔ̀ngi Bɛ̀ll ìi nkìi mìni; ghɛɛna rìkuu ɗi ritɔ̀n ɗi ìi faa mìni, ɗì rìkuu ɗi ɓi kpaakpaàsɛ̀n, ɗì rìkuu ɗi ǹ-yeesɛ̀n ɗi ɓì rì rì ɗyɔ ɓi mɛ̀rem, rìkuu ɗi kiɗyɔn ɗi ɓì rèsii, rì coo zày ìnɛ lɛ di ɓyàa ghɛɛ̀dii mɛ̀, ghɛɛna ɓà coo rifalɛ̀n ɗi ɓì ti rì ɗyɔ, rì coo rikɔ̀n ɗi lɛ ɓi pɔnɔsi kìɓe. Ɓìi nɗèsii zàɓ yi aɗyoo yìcèm lɛ ɓìi n-yisɛɛ ɓi ri kìɓan kiǹ.

TIMOTE 1:15

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ̀cèm ɓɛ ghɛɛ̀sɛɛ lɔŋ kiterì rì ǹtyweeyi wucèm yɛ̀ɛ ri lɛ Yeesus Kiris à yùghà ɓi ziinɛ lɛ a ghɛɓsi ɓɛ̀kìì-kìɓe, nni ɓi ɓɛ̀kìì-kìɓe ɓɛǹ, mɛ̀ yɛɛ ri lɛ ɓog.

EBIREEGH 4:16

Ti tyoŋdɛn min jàŋbog rì ìkɔ̀ɔ̀ wu rilàmì wu Bɛ̀ll, jàŋ inɛ geesɛ̀n ì rì, tì ɓa rì ǹtyweeyi, di fɔɔnnɛ ɓɛɛ wog ɓìsi nyìighnyìg, tì ki ghɛn geesɛ̀n ìnɛ ì rì ɓìsi ɓiì ghɛɓsii ɓi cààmɛ̀n ki ki ghɛɛ̀sɛɛ.

EBIREEGH 8:12

Ǹɗi cenɛn ɓɔ mɛ̀nànì maa kɛ̀ɛ nki yiti ɓiɓe ɓyaa.