LUKAS 17:30 - Bafia Nouveau Testament

³⁰ Ki ɓiì ɓaà lɔŋ com kìfog ŋwos anɛ Man à mum à ri rèsɛɛgɛs̀.

LUKAS 17:30 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 24:3

Nni à kɔ̀rìghà ɓi dòn ì ɓɛ̀òlìvyee, ɓɛ̀yilàg ɓii ɓɛ yu nyi kìtɔɔ̀gh a dwìɗ lɛ: Kali ɓìsi fin innɛ kìɓan kiǹ ki ɓiì kìlɛɛ, ù ki fa ɓisi kìrèmzɛnà ki ɓi rìsugtìì ɗyɔɔ, rì rìlèg ɗi zi.

MATYOO 24:37

Kìɓan ki ki kìlɛ̀ngà ɓi mɛ̀ru mɛ Nowe, kɛɛ ri kìlɛn ɓi rìsugtìì ɗi Man à mum.

MATYOO 24:39

ǹɗem wu kɛsìghà ɓi ɓɔ ri kìɓan kidɛŋ à kpaŋ yɛ̀ɛ don i yùghà, ì teɗ ɓɔ ɓɛ̀sɛ̀ɛ̀ ɓɛcèm; folɔɔ nnɛ ki ri ɓa ɓi rìsugtìì ɗi Man à mum.

MATYOO 26:64

Yeesus à ɓàg nyi lɛ: Wàa kpaà. Nni ǹki kpaatii mìni lɛ, à tumɛ̀n ɓigomìnɛ, ɓì ri ghɛn Man à mum di à kɔ̀kɔrii ɓi weèlem à Bɛ̀ll à ìtèɗ wucèm, ɓì ki ghɛɛ̀di nyi di a yùyuiy aɗyoo ɓi ɓìkwìɗ.

MARIKUS 13:26

Fɔɔnnɛ ɓum ɓɛ ghɛɛ gɛ ɗi Man à mum à rìì ɓi ɓìkwìɗ rì coo itèɗ, rì rìgwey.

LUKAS 17:24

Fɛlɛ yɛ̀ɛ ŋwaàŋwàɗ à ti à ŋwàɗkì, à kpeŋzì ɗyoo ɗìcèm, fɔlɔɔ nnɛ Man à mum à ɓaa gɛ ɓi ŋwosi risugtìì ɗii.

LUKAS 17:29

Kìɓan kifog, ŋwos anɛ Lɔt à pɛ̀sɛ̀ngà a Sɔdɔm ɗuu rì ǹdùsi ɓi nɔnɔ̀ghày ɓi ɗyoo yɛ̀ɛ bwey, ɓi cuusì ɓɔ ɓɛ̀sɛ̀ɛ̀ ɓɛ̀cèm.

LUKAS 21:22

Ɓisuulɛ mɛ̀ru mɛ̀n mɛ ɓiì ɓaà mɛ̀ru mɛ rɔ̀ŋɗɔ̀ŋ, mɛ ɓìɓan ɓìcèm ɓi ɓi ri ɓì kànɛn ɓi ghɛɛ̀sɛɛ kì kìlɛɛ.

LUKAS 21:27

Fɔɔnnɛ ɓɛ ri min ɓiì ghɛɛ̀ Man à mum di à rìì ɓi kìkwìɗ, lɛ rì coo-tèɗ, rì coo rigwey.

1 KƆ̀RƐ̀ŊTYƐŊ 1:7

Fɔlɔɔ nnɛ com kidɛŋ ki kaarɛɛ tì ɓi mini ɓi rìɓoŋ ɗi ɓi ɓoŋɓoŋ cààmɛ̀n ki Yeesus Kiris à Kan wìs à ri rèsɛn ti.

1 KƆ̀RƐ̀ŊTYƐŊ 1:8

Nyi yɛɛ ri mìni ɓiì sììraagh à kpaŋ a rìsugtɛ̀n lɛ ɓi ɓa kɛ̀ɛ̀ kìɓan ki ɓɛ ri lɛ ɓɛ ɓɛy mìni miì, ɓi ŋwos a Yeesus Kiris à Kan wìs.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

2 TÈSÀLÒNÌSYƐŊ 1:7

à fa mìni ɓɛ ɓi wowog rikɛŋ rìfɔɔsɛ̀n ǹɗaŋ ri ɓìsi; à ɓiì kìi fɔlɔɔ yɛ̀ɛ Kan Yeesus à ɓiì rèsɛɛ yi aɗyoo, nɗaŋ ri ɓum ɓii ɓɛ titom ɓɛ ɓɛ ri rì ìtèɗ,

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

1 ZYAŊ 2:28

Ɓigomìnɛ, mìni ɓɔn ɓɛm, ɓaana lɔŋ ɓɛràrɛn ɗi Kiris lɛ yɛ̀ɛ à rì ɓiì yùu, ti ɓa kɛ̀ɛ̀ ìris, tyɛ̀ ki wog ntoòrìɗ ɓi mis mii ŋwosi risugtìì ɗii.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.