LUKAS 16:9 - Bafia Nouveau Testament

⁹ Nni Yeesus à kpaatìghà lɛ: Ǹkalii mìni lɛ, kaana lɛ ɓi ɓa rì mɛ̀ghan rì ìkum wu kɛ̀ɛ̀ ǹkpaà, mɔ yɛɛ ri mìni ɓiì ghàɓi ɓi naa ì fìɗyàɓ fikɔ̀ɔ̀ di ìkum wiǹ wu yiìdi mìni ɓi càg.

LUKAS 16:9 Iomraidhean Croise

MATYOO 19:21

Yeesus à kpaa nyi lɛ: Uù kɔ̀ni lɛ ù ɓa syeesyee à mum lɛ kɔɔ̀kɔɔ̀, kɛ̀na, u kaɓ ɓyom ɓyɔɔ ɓìcèm u kaɓsi mɔ̀ɔ̀ni mɛ miì rì ɓɛ̀soghàsogha fɔɔnnɛ ù ɓiì ɓa rì ìkum aɗyòò. Ajɛ̀m ìnɛn u yu u nɔɔ̀ti mɛ̀.

MATYOO 6:19

Kɛ̀ ɓi saasaɓtàg ìkum win fɛ ɓi ziinɛ jàŋ inɛ Zyèɗ rì geègee ɓi ti ɓi yogsàg wɔ, nsoò lɛ jàŋ inɛ ɓɛ̀wiiwìì ɓɛ ti ɓɛ ɓɛkì naa, ɓɛ yii wɔ.

MATYOO 6:24

Mum à yin lɛ à say ɓɛ̀masà ɓɛɓɛɛ̀ ɓisuulɛ, à rì ɓiì ɓèèzɛɛ bog, à keesì roàmbog; nsoò lɛ à ràrɛ̀n rì bogtɛ̀n, à sɛɛtì roàmbog. Ɓì yin lɛ ɓì say lɛ rì Bɛ̀ll rì mɔ̀ɔ̀ni cààmɛ̀n kìfog.

LUKAS 11:41

Com ki ɓyàa ghɛ̀ɛ̀sɛɛ kì kìi ki ri lɛ, ɓi fa ɓɛ̀soghàsogha ɓyom rì nɗem wu syeesyee, fɔɔnnɛ ɓyom ɓìcèm ɓi ɓiì ɓaà ɓìtɛnɛn ɓisu wìn.

LUKAS 12:33

Kàɓkiina ɓyom ɓìcèm ɓi ɓì rì rì ɓyɔ, ɓì ki fa mɔ̀ɔ̀ni mɛ miì rì ɓɛ̀soghàsogha; ɓaana rì ɓɛ̀ɓàm ɓɛ mɔ̀ɔ̀ni ɓɛ ɓɛ yin lɛ ɓɛ ɗilɛ̀n, ɓì ki ɓa ɓi ɗyoo ɓi ɗùm rì ìkum wu wɛ̀ kɛɛ̀ lèg, jàŋ inɛ wiiwìì à yin lɛ à wuɓsɛ̀n, nsoò zeg yɛ̀ kɛɛ̀ ɗi wɔ;

LUKAS 14:14

Fɔɔnnɛ ù rì ɓiì ɓaà rì ɓɛ̀mààgh ɓisuulɛ ɓumɓɛ̀n ɓɛ yin ɗi ìtèɗ wulɛ ɓɛ leɓ wɔ̀ rìkì ɗiǹ, fɔɔnnɛ ù teri gɛ mɛ̀lèɓ ŋwosi righèmɓɛ̀n ɗi ɓilòŋ ɗi ɓumɓɛ ɓɛ ri lɛ saaɗ.

LUKAS 16:11

Nni i ɓì mɛ rɔ̀ɓ kɛ̀ ɓi yi riɓèŋ ɗi ikum wu kɛ̀ɛ̀ ǹkpaa fɛlɛ rì ǹtyweeyi, ghɛn yɛɛ ri mìni ɓiì faà kɔɔ̀kɔɔ̀ à ìkum lɛ ɓi ɓeŋ̀?

LUKAS 16:13

Lɛ ǹkìì-kìsay bog à yin lɛ à say ɓɛ̀masà ɓɛɓɛɛ̀ ɓisuulɛ, à ɓiì ɓèèzɛɛ bog, à keesì roàmbog; nsoò lɛ à ràrɛ̀n rì masà bog, à naŋ àmbog. Ɓì yin ɗi ìtèɗ wulɛ ɓi say lɛ rì Bɛ̀ll rì mɔ̀ɔ̀ni cààmɛ̀n kìfog.

LUKAS 16:4

Ǹ-yii yɛ̀ɛ ǹɗì ɓiì kìi, lɛ ɓum ɓɛdɛŋ ɓɛɛ ghaɓ mɛ̀ lɛ syeesyee a mɛɛ maa di ɓɛ pisii mɛ̀ ɓi kìsay ki riɓèŋ ɗi ikum.

MƐ̀KÌKÌÌ MƐ ƁƐKƐ̀NÌ-FÌTOM 10:31

Kɔrinɛy Bɛ̀ll àa nwoogh bɔ̀ŋzɛ̀n yɔ̀ɔ̀, à ki yiti gɛ ɓyom ànɛ ù ti ù fafà ɓum ɓɛ nyìighnyìg.

MƐ̀KÌKÌÌ MƐ ƁƐKƐ̀NÌ-FÌTOM 10:4

Nni à fiɓìghà ŋwaà-fìtom lɛ fyɛɛɛyi, à risì, à tɔg nyi lɛ: La yɛɛ ri Kan? Ŋwaàfìtom a ɓàg nyi lɛ: Bɛ̀ll àa ǹghàɓi lɛ, rì bɔ̀ŋzɛ̀n yɔɔ, rì gɛ ɓyom ànɛ ù ti ù fafà ɓum ɓɛ nyìighnyìg, fɔɔnnɛ à ɗimzɛɛ ɓi wɔ.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

ZYUUDƐ 1:21

Kɛ̀ɛna asu ɓì kɔ̀kɔ̀rì lɔŋ ɓi nkɔ̀nɛ̀n à Bɛ̀ll ɓiɗùm, ɓì ɓoŋɓòŋ yɛ̀ɛ Kan wìs Yeesus Kiris à rì mìni ɓiì woògh nyìighnyìg, à fa mìni cɛɓ ki fiɗyàɓ fikɔ̀ɔ̀.