LUKAS 16:25 - Bafia Nouveau Testament

²⁵ Nni Abiraham à ɓàkà nyi lɛ: Man wɛm̀, yiti cààmɛ̀n ki ù wowòkà gàɓ yɔ̀ɔ̀ i kìrɔɔ di ù kaka ɓi cɛɓ, Lazaari nyii wowòkà mɛ̀tɔɓ; nni ɓi cààmɛ̀n ki, nyii ti ɓiì fɔɔfɔɔ̀sɛ̀n fɛ, wɔ̀ɔ̀ wowòg rìkɛŋ.

LUKAS 16:25 Iomraidhean Croise

MATYOO 27:63

ɓɛ kpaa nyi lɛ: Gɔmìnà àgwey, tì yitii lɛ pwààpwaà à mum ànɛ̀n àa ǹkpaa di à kaka cem lɛ: Ajɛ̀m ì mɛ̀ru mɛraa, ǹɗì ɓiì ghèmɓɛɛ yi a ɓìloŋ.

MARIKUS 9:45

I ìkòò wɔɔ wɛɛ ri lɛ wɛɛ kɛɓti wɔ̀ fìɓàg rena wɔ, lɛ ki rì wɔ̀ kìrɔɔ lɛ u ghɛǹ cɛɓ di ù rì ìkòò wufog à cee lɛ u kɛǹ ɓi kìgɛ̀ŋ ki ɗuu ɗi fiɗyàɓ fikɔ̀ɔ̀ rì mɛ̀kòò mɔɔ mɛcèm, [

LUKAS 16:20

Nni maa nyìinyìg à mum lɛ Lazaari, ànɛ à ɓaghà ɓìɓɛɛ nyoo bimiɗ, àa ǹnɔ̀ŋɗàg asuunaa wu guŋgum anɛ̀n.

LUKAS 16:23

Nni wɔɔ a nyɔ̀ɛ̀y nnɛ à ɓegsìghà mis, di rìkɛŋ ɗyɛɛ̀ pyènpyen nyi mis, à ghɛn yì lɔŋ Abiraham fìràɓ, ɓɛɛ̀ Lazaari ǹkɔ̀kɔriyɛn nyi ɓi ǹwɔŋì.

LUKAS 16:26

Ɓi kiŋcèm, coo bɛŋ ì rì ɓi nyìinyìm ànɛ lɛ, rì ɓìsi rì mìni, lɛ di ɓumɓɛ fɛ a lɔ̀ŋkis ɓɛ ɓɛ kɔni lɛ ɓɛɛ yu foo, nsoò ɓɛ foo a lɔ̀ŋkin ɓɛ ɓɛ kɔni lɛ ɓɛɛ yu fɛ a lɔ̀ŋkis, ɓɛ̀ kɛɛ̀ ɓa ri bee inɛ ɓɛɛ syaayì.

LUKAS 6:24

Wɔ̀lɛ nyìighnyìg rì mìni ɓɛ̀guŋgum, lɛ mìnii ti rì gàɓ yìn i kìnyàà!

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

RÒMƐŊ 8:7

Ɓisuulɛ ɓìɓan ɓi ɓyɛɛ̀ kɔ̀nkɔn mɛmùù ɓi ri ɓi bènà rì Bɛ̀ll, ɓisuulɛ mɛ̀mùù mɛ gherɛɛ ɓi lɛ ɓìdɔ̀gsɛna ɓi Bɛ̀ll ɓyɛɛ lami mɔ, mɛ ki yin ɗi ìtèɗ wulɛ mɛ gherɛ̀n com yɛ̀ɛ kiǹ.

FÌLÌPYƐŊ 3:19

Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

TÈSÀLÒNÌSYƐŊ 3:3

lɛ di mum kɛ̀ɛ càrɛn lɛ mɛ̀fèèghrɛn mɛ mɛ ri ɓigomìnɛ mɛɛ ɓigti nyi, ɓisuulɛ mìniìɓɔmiɗ ɓì yii lɛ mɛ̀fèèghrɛn mɛǹ mɛ ɓaghà mɛ̀pègsɛn ɓisu wis.

EBIREEGH 11:25

à ɓiìsɛ̀n kìkɔ̀ni lɛ ɓɛɛ kiki nyi mɛ̀tɔɓ ǹɗaŋ ɗi ɓumɓɛ ɓi kìlɔ̀ŋ ki Bɛ̀ll à rɔ̀tɛ̀ngà, à cee lɛ a wog kìrɔɔ ɓi kìɓe ɓiɗùm maa cààmɛ̀n.

1 ZYAŊ 2:15

Kɛ̀ ɓi keesi ziinɛ, nsoò com kidɛŋ ki miì; i mum à keesii ziinɛ, di ǹkɔ̀nɛ̀n à Tààta à yin nyi ɓi nɗem;

ÀPÒKÀLIƁSƐ̀ 7:14

Nni m̀ɓàkà nyi lɛ: Kan wɛ̀m wɔ̀ yɛɛ yii! Fɔɔnnɛ à kpaaghà mɛ̀ lɛ: Ɓɛ ri ɓumɓɛ ɓɛ pɛsɛɛ yì ɓi jàŋ yi ǹ-yeesɛ̀n à ɓɛ̀gherɛ̀n à rì lɛɛ̀gwey. Ɓɛ sooghà ɓɛ̀ kàɓà ɓaa ɓɛ ki puɓsi ɓɔ ɓi bwaɓ yi Man à jɔ̀ɔ̀.