LUKAS 16:24 - Bafia Nouveau Testament

²⁴ Fɔɔnnɛ à nyàmgà jɛ̀ɛ̀ aɗyòò lɛ: Tààta Abiraham, wogha ɓà mɛ nyìghnyìg, u rom yì Lazaari, a nɔg yì manàcàg ɓi mɛ̀nig, a yɔɔ̀si mɛ̀ ɓi rìlemàg, di ɗyɛɛ ki yɛ̀ɛ ɗi fɔli, lɛ ǹwowog rikɛŋ lɛɛ̀gwey ɓi ɗuu ɗì.

LUKAS 16:24 Iomraidhean Croise

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

MATYOO 3:9

Kɛ̀ ɓi fèg lɛ, lɔŋ rìkpaa ɗi lɛ, Abiraham à rì seŋi wìs ɗi ghɛɛ̀sɛɛ. Ǹkalii mìni lɛ: Bɛ̀ll à rì lɛ à ghaasì gɔ̀g yi ɓɔn ɓɛ Abiraham.

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

LUKAS 16:30

Fɔɔnnɛ guŋgum a kpaatìghà lɛ: Tààta Abiraham: Èe èe! Lɔŋ i mum à pɛ̀sɛɛ fɛ a nyɔ̀ɛ̀y à kɛ̀n a lɔ̀ŋkaa, fɔɔnnɛ ɓɛ ri ɓiì lɔ̀ɔ̀ghrɛɛ mɛrèm.

LUKAS 19:9

Nni Yeesus à kpaaghà nyi lɛ: Gòri ì ɗiŋii ɓi naa ìnɛ gɛɛ̀nɛ, ɓisuulɛ roànɛ à rì girig dòò yì Abiraham.

LUKAS 3:8

Nni kìina min ɓiɓan ɓi ɓyɛɛ resi lɛ, ɓì mɛ lɔ̀ɔ̀ghrɛn mɛrem; kɛ̀ ɓi kpaakpaa ɓi mɛ̀rem min lɛ: Abiraham à rì seŋi wìs a ǹsɛ̀ɛ̀; ɓisuulɛ Bɛ̀ll à rì lɛ à kì lɛ gɔ̀g yi yɛɛ ghas̀ ɓɔn ɓɛ Abiraham, mɛ̀ yɛ̀ɛ kpaa mìni.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 7:37

Ɓi ŋwos a siitòn, ànɛ à ɓaghà gɛn à ŋwos a tìcàɓ tiǹ, Yeesus à pɛ̀sɛ̀ngà aɗyoo, à làmɓɛ̀n lɛ: I mum a wowog kinɔli, a yu a lɔ̀ŋkɛm̀, a nɔ.

RÒMƐŊ 4:12

À rì tì girig seŋi ɓumɓɛ ɓɛ ri ɓɛ̀kɛ̀rɛn, ɓɛ ɓɛ rɔɓi ɓi lɔŋ lɛ kɛ̀rɛ̀n nyi rì nyi, kìɓan kifog ɓɛ ɓɛɛ̀ nɔ̀ɔnɔɔ̀tì kìfèèghrɛnà ki righerɛ̀n ɗi Abiraham à seŋi wìs a ɓaghà rì ɗyɔ, di à ka kɛrɛn ɓi.

2 TÈSÀLÒNÌSYƐŊ 1:8

ɓi nɗòò wu ɗuu, lɛ a pɔnɔsi lɛ, rì ɓumɓɛ ɓɛ yii ɓi Bɛ̀ll, rì ɓɛ̀roɓɛ ɓɛ ti ɓɛ̀ kɛɛ̀ wog rikpaa ɗi Syeesyee à Ɓɔlɛ à Kan wìs Yeesus.

ZYAG 2:13

ɓisuulɛ ɓɛ̀yɔ̀m ɓɛǹ ɓɛ ri ɓiì ɓaà kɛ̀ɛ̀ nyìighnyìg ɓisuu ɓɛroɓɛ ɓɛ ɓaghà kɛ̀ɛ̀ ǹɗem wu nyìighnyìg. Nɗem wu nyìighnyìg wu ti wu kilàg lɛ mum a yagsag ɓɛ̀yɔ̀m.

ZYAG 3:6

Rìlemàg ɗi ri fɛlɛ yɛ̀ɛ ɗuu; ɗi ri kìlɔ̀ŋ ki kɛɛ̀ kɛ̀ɛ̀kɛɛ ɓi kìtɛ̀ŋtɛ̀ŋ; ɗi ri rì ìkɔ̀ɔ̀ ɓi nyìinyìm à ɓìkàɓ ɓis, nni ɗi ti ɗi yogsàg nyoo bimiɗ, ri ki ti ri ɗigsàg cɛɓ ki mum kìcèm yɛ̀ɛ ɗyɔmiɗ ɗyɛɛ̀ lɔŋlɔŋ ri ɗuu ɗi fiɗyàɓ fikɔ̀ɔ̀.

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 20:15

Nni mum ǹcèm ànɛ ɗii ɗii ɗi ɓaghà ɓi ɗikànɛn ɓi kaàtà à cɛɓ, ɓɛ pikà nyi ɓi kìràà ki ɗuù.

ÀPÒKÀLIƁSƐ̀ 22:1

Fɔɔnnɛ ŋwaà-fìtom a rèsìghà mɛ̀ rìɓày à mɛ̀nig mɛ cɛɓ, ànɛ à ɓaghà lɛ saŋì-saŋì yɛ̀ɛ kìpɛsà ki ŋwii; rìɓày ànɛn à kpaŋkpàŋgày ɓi-kɔ̀ɔ̀ wu rilàmì wu Bɛ̀ll rì wu Man à jɔ̀ɔ̀.